Read Tabaa Zapotec Salmos 9 Bible Online

Salmos 9 - Tabaa Zapotec bible

Salmos 9

¹Xran, dute̱ lázrdawa' güe lá'ana' Lue'.Guzenda' bénneache ca zaj naca da zrente̱ da be̱nu'.

²Wabéquezda', ne gúl-laqueza' ca naca chiu'.Gul-la' chee̱ lau' Lue', nacu' Dios zrente̱.

³Buluzrunnuj benne' dxeledábague̱' neda'.Xeajlechazie̱', ne belexenitie̱' lau Lue'

⁴lawe' da nucá'ana chawu' da xrlátaje da dxuna'.Dxe'u lataj blau chiu', ne lu da xrlátaje dxuchi'u.

⁵Gudil-lu' benne' xe̱zr la xu ca',ne bzria xi'u benne' we̱n da cale̱la ca'.Bsulu' la benne' ca' chadía chacanna.

⁶Ba gulebía xi' benne' dxeledábague̱' neda'.Chadía chacanna zaj nazrinnaj lataj chee̱ benne' ca',ne xe̱zre chee̱' ca', da ca' bchínnuju' Lue'.Netú benne' cheajsá lazre̱' benne' ca'.

⁷Xránadxu Dios súatequeze̱' chadía chacanna.Ba nucueze̱' lataj blau chee̱' naga guchi'e̱ chee̱ bénneache.

⁸Lu da xrlátaje guchi'e̱ chee̱ bénneache dute̱ xe̱zr la xu,ne chee̱ benne' xúgute̱ xe̱zre ca' lu da naca li lazre'.

⁹Xránadxu Dios gaque̱' ca tu lataj ga xelezrá chawe' benne' xache',naga xelezré̱'e̱ chawe̱' gate zrin zra chee̱ da zi' da xa'.

¹⁰Benne' ca' zaj núnbe'e̱ Lue', Xran, xuluxrén lazre̱' Lue',lawe' da quebe bsan lazru' benne' ca' belexílaje̱' Lue'.

¹¹Le gul-la chee̱ Xránadxu, Bénnea' zue̱' xe̱zre Sión.Le guzén benne' xe̱zre ca' ca zaj naca da ca' nune̱',

¹²lawe' da dxeajsá lazre̱' chee̱ benne' ca',ne dxexebéaj lazre̱' chee̱ benne' we̱te benne'.Quebe gul-la lazre̱' ca da dxululáwizra benne' ba xache' ca' Le̱'.

¹³Bexache lazre' neda', Xran.Gunná' da dxezaca' lu ni'a na' benne' ca' dxelecuídene̱' neda'.Dxeca'u neda' lu na' xel-la' gute,

¹⁴chee̱ guzenda' bénneache da dxue lá'ana' Lue',naga dxu'untu' xe̱zre Sión,ne chee̱ beda' lawe' da bseláu' neda'.

¹⁵Xeajlechaze benne' xe̱zr la xu ca' lu xe̱dxu da gule̱ne̱'.Xeajlechu'e̱ lu xralaj da bulucueze̱'.

¹⁶Xránadxu Dios blé'ene̱' ca da zaj naque̱' ne̱ chee̱da zi' da xa' da gudichaj be'e̱ chee̱ benne' ca' dxelune̱' da cale̱la.Xeajchaze benne' we̱n da cale̱la na' lu da nun ni'a ná'queze̱'.

¹⁷Benne' we̱n da cale̱la ca' xeledéqueze̱' lu lataj ba xa'.Xúgute̱ benne' ca' dxelal-la lazre̱' Xránadxu Dios.

¹⁸Quegá chadía chacanna gal-la lazre' Dios benne' xache' ca',ne quegá tu chi'ize xenite da dxelebeza lazre̱' le̱'.

¹⁹Guxasa, Xrana' Dios.Quebe gu'u lataj xelexegá'ana szrénqueze bénneache.Xelelá' lau' benne' xe̱zr la xu ca' chee̱ guchi'u chee̱'.

²⁰Xran, be̱n xelezrebe benne' ca' Lue'.Be̱n xelexúnbea benne' xe̱zr la xu ca' zaj naque̱' bénneacheze.