Read Tabaa Zapotec Salmos 91 Bible Online

Salmos 91 - Tabaa Zapotec bible

Salmos 91

¹Bénnea' dxuxrén lazre̱' Xránadxu Dios chee̱ guxúe̱' le̱',ne dxuzúe̱' Dios, Bénnea' nape̱' dute̱ xel-la' waca, chee̱ gácale̱ne̱' le̱',

²waca xe̱'e̱ Dios: Nacu' Bénnea' dxebeza lazra',ne Bénnea' dxucache chawe̱' neda'.Nacu' Dios chia', na' dxuxrén lazra' Lue'.

³Dios gucache chawe̱' lue' lu xúgute̱ da ste̱be da quebe zaj nalá',ne lu xúgute̱ xízrawe̱' da dxelute na bénneache.

⁴Gucache chawe̱' lue' ca dxun tu bedxuj dxé̱zreba' biadu chee̱ba' zran xrílaba', na' chu'u chawu' lu na' Le̱'.Xel-la' li lazre' chee̱' gácale̱ na lue', ne gucache chawe na lue'.

⁵Quebe bi guchebe lue' chizrela, ne quebe bi da ste̱be te zra,

⁶ne quebe bi xízrawe̱' chee̱ da chul-la,ne quebe bi da cale̱la ca' da dxelute na bénneache te zra.

⁷Welate chi gaxúa bénneache cuitu' lue',ne gaxúa gaxúa bénneache gáguze naga zu', san quebe bi sacu' lue'.

⁸Wanna'u, na' walé'enu'ca ba xa' xeledé benne' ca' dxelune̱' da cale̱la.

⁹Nuzú' Xránadxu Dios ca Benne' dxebeza lazru', ne Dios,Bénnea' nape̱' dute̱ xel-la' waca, chee̱ gucache chawe̱' lue'.

¹⁰Chee̱ le̱ na' quebe bi da cale̱la gaca na chiu',ne quebe bi xízrawe̱' chu'u na lizru'.

¹¹Dios gusebague̱' gubáz chee̱ xabáa chee̱' ca' chee̱ xelácale̱ne̱' lue',na' xuluxúe̱' lue' gátete̱ze chéaju'.

¹²Xeluxre̱' lue' lu ne̱'e̱ chee̱ quebe ga'a xiaj ni'u.

¹³Guléajquezu' be̱zre xixre' ca', ne be̱la' ca',be̱zre xixre' schanní' ca', ne be̱ snia ca'.

¹⁴Dxenná Dios: “Guselá' xúgute̱ benne' ca' zaj nazrí'ine̱' neda',ne gucache chawa' benne' ca' dxelexeche̱be̱' naca' Xrane̱'.

¹⁵Gate xelenné̱' neda', na' xeche̱ba' chee̱'.Gate zaj xu'e̱ lu da ste̱be, súale̱queza' le̱'.Guselá' le̱', ne guna' le̱' ba lá'ana.

¹⁶Guna' xelaca bane̱' zánete̱ iza, ne guselá' le̱'.”