Read Tabaa Zapotec Salmos 94 Bible Online

Salmos 94 - Tabaa Zapotec bible

Salmos 94

¹Xrana' Dios, dxebéaj lazru' bénneache.Lue', Bénnea' dxebéaj lazre̱' bénneache, ble'e cuinu'.

²Dxuchi'u Lue' chee̱ da dxelún xúgute̱ bénneache.Guxasa, bexizruj da dxal-la' xelezí' benne' dxulucá'ana szren cuine̱'.

³Xrana' Dios, ¿Bátadxaqueze xelún benne' we̱n da cale̱la caní?¿Bátadxaqueze xelebé benne' ca' dxelebéaj xíchaje̱' Dios?

⁴¿Bátadxaqueze xulucá'ana szren cuine̱', ne xelenné̱' dizra' zi'?¿Bátadxaqueze xulucá'ana szren cuina benne' ca' dxelebéaj xíchaje̱' Dios?

⁵Benne' caní dxuluxrínnaje̱' bénneache chiu' Lue', Xran,ne dxulusaca zi'e̱ bénneache guca'u Lue'.

⁶Dxelútie̱' nu'ula tuze ca', ne benne' zitu' ca',ne dxelune̱' xelátebe' bidau' we̱ze̱be ca'.

⁷Dxelenné̱': “Quebe bi dxelé'e Dios, Xrana benne' ca'.Dios chee̱ benne' Israel ca' quebe dxue lazre̱' chee̱ da na'.”

⁸Le chéajni'i, le'e, benne' lázxdau zide'.Le'e, benne' xala, ¿bátadxaqueze quebe chéajni'ile?

⁹Dios be̱ne̱' nágadxu.¿Québequeze dxénne̱' da dxennale?Dios be̱ne̱' xiaj laudxu.¿Québequeze dxelé'ene̱' da dxunle?

¹⁰Diósqueze dxuzúe̱' lu da ba xa' benne' xe̱zr la xu ca'.¿Québequeze til-le̱' le'e?Diósqueze dxune̱' dxeléajni'i bénneache.¿Québequeze gueque be'ene̱' da xu'u xichaj lázrdaule?

¹¹Xránadxu Dios nézquezne̱' da xu'u xichaj lázxdau xúgute̱ bénneache.Nézene̱' zaj naca na da dácheze.

¹²Ba neza zrente̱ naca na chee̱ bénnea' dxuzéajni'inu', Xran,ne dxusé̱denu' le̱' ca naca da nadxixruj be'u,

¹³chee̱ cueza zri lazre' gate za zra dxaca da cale̱la,ca zrin zra xelexú'u xe̱dxu ba benne' dxelune̱' da zrinnaj.

¹⁴Québequeze cueaj xichaj Xránadxu Dios bénneache chee̱',ne quebe gusán lazre̱' benne' ca' ba gucá'a Le̱'.

¹⁵Naca xrlátaje ca xuluchí'e̱ chee̱ bénneache,na' xelúnqueze da xrlátaje xúgute̱ benne' zaj naque̱' li lazre'.

¹⁶¿Núzraqueze gácale̱ neda' tíl-lale̱dxu benne' we̱n da cale̱la ca'?¿Núzraqueze súale̱ neda' tíl-lale̱dxu benne' dxelune̱' da zrinnaj?

¹⁷Chela ca gúcale̱ Xránadxu neda', báchelja xu'a xe̱dxu ba.

¹⁸Gate gunnía': Xran, ba zua cheajcházia',na' Lue', dute̱ xel-la' zri'i lazre' chiu' gúcale̱nu' neda'.

¹⁹Gate dxe'a gunne xue, ne zua' lu da ste̱be,Lué'queze dxexúe zrenu' neda', na' dxebéle̱'e̱da'.

²⁰Québequeze nacu' tuze benne' ca' dxuluchi'e̱ chee̱ bénneache da quebe naca xrlátaje,benne' ca' dxulucá'ane̱' ca xrlátaje da quebe naca na xrlátaje.

²¹Benne' caní dxelune̱' tuze dizra' da xelune̱' chee̱ benne' xrlátaje,na' dxelechugue̱' chee̱ gate bénnea' quebe bi zria nabague̱'.

²²Xránadxu Dios naque̱' ca tu xu'u naga zua chawa'.Dios chia' naque̱' ca tu xiaj xre da dxuzé̱ chacha na neda'.

²³Le̱' xexízruje̱' benne' ca' dxelune̱' da cale̱la cáte̱ze naca da zrinnaj da belune̱'.Guzría xi'e̱ benne' ca' lu da cale̱la da dxelune̱'.Xránadxu Dios guzría xi'e̱ benne' ca' dxelune̱' da cale̱la.