Read Tabaa Zapotec Salmos 96 Bible Online

Salmos 96 - Tabaa Zapotec bible

Salmos 96

¹Le gul-la chee̱ Xránadxu tu da cube.Le gul-la chee̱ Xránadxu, le'e zrale du gabí'i xe̱zr la xu.

²Le gul-la chee̱ Xránadxu, ne le güe lá'ana La lá'azxa chie̱'.Tu zra tu zra le guzén ca naca xel-la' weselá da dxunne̱'.

³Le guzén benne' xe̱zr la xu ca' ca naca xel-la' szren chee̱',Ne benne' xúgute̱ xe̱zre ca zaj naca xel-la' waca zren nune̱'.

⁴Szrente̱ naca Xránadxu, ne naca chee̱' güe lá'anale̱'e̱dxu Le̱'.Naca chee̱' gápadxe̱' xel-la' ba lá'ana ca dios ca' chee̱ bénneache,

⁵lawe' da zaj naca xúgute̱ dios ca' bedáu' xiaj xaga ca'.Xránadxu Dios be̱ne̱' xabáa na'.

⁶Zúale̱ Le̱' da xabáa, ne xel-la' szren.Nazrate̱ xudau' chee̱' xel-la' waca, ne da xrtante̱.

⁷Le güe lá'ana Xránadxu, le'e zrale du gabí'i xe̱zr la xu.Le güe lá'ana xel-la' szren chee̱', ne xel-la' waca chee̱'.

⁸Le gapa ba lá'ana Xránadxu ca da naca chee̱' si'e̱.Le gua da gunézrujle, ne le da chale'aj chee̱ xudau' chee̱'.

⁹Le gucá'ana szren Xránadxu lu xel-la' xrtante̱ chee̱ da naca lá'azxa chee̱'.Le zrebe lau Le̱', le'e zrale du gabí'i xe̱zr la xu.

¹⁰Le xe̱ bénneache xe̱zr la xu: Naca Xránadxu Wenná Bea.Nuzúa chúchue̱' xe̱zr la xu nigá, na' quebe nu seque' gutá na.Guchi'e̱ chee̱ bénneache ca naca da xrlátaje.

¹¹Le be, le'e, xabáa, ne xe̱zr la xu.Le cuezre xa'a, le'e, nísadau', ne bea ca' zrale na'.

¹²Le be, le'e, le̱'e̱ xixre', ne bea ca' zrale na'.Xaga ca' zaj dxe' xi'a ca' welunna schaga lu xel-la' dxebé

¹³lau Xránadxu gate xide̱'.Xide̱' guchi'e̱ chee̱ bénneache zaj zre̱'e̱ xe̱zr la xu.Nna bé'ene̱' bénneache du gabí'i xe̱zr la xu.Nna be'e Le̱' ca naca da xrlátaje, ne ca naca da li.