Read Tabaa Zapotec Salmos 98 Bible Online

Salmos 98 - Tabaa Zapotec bible

Salmos 98

¹Le gul-la chee̱ Xránadxu tu da cube lawe' da nune̱' da ca' da dxebánedxu.Ne̱ chee̱ xel-la' wal-la chee̱', ne xel-la' waca lá'azxa chee̱' ba bdinne̱'.

²Ba nuzén Xránadxu ca dxune̱' dxuselé̱' bénneache.Ba bzenne̱' bénneache xe̱zr la xu ca' ca naca da xrlátaje chee̱'.

³Ba nune̱' ca da guche̱be lazre̱' chee̱ benne' Israel ca'ca naca xel-la' li lazre' chee̱', ne xel-la' nazrí'i zren chee̱'.Bénneache du gabí'i xe̱zr la xu ba belelé'ene̱' ca naca da be̱n Dios chee̱dxu.

⁴Le gul-la lu xel-la' dxebé lau Xránadxu, le'e zrale du gabí'i xe̱zr la xu.Le güe lá'ana Le̱' nen da gúl-lale, ne lu xel-la' dxebé chee̱le le cuezre xa'a.

⁵Le gul-la da güe lá'anale Xránadxu.Le gul-la nen da con zríadi'i na du ca' da quínnele.

⁶Le gucuezre luzu da ca' dxulucuezre̱', ne da dxutíl-lale ca',ne le cuezre xa'a lu xel-la' dxebé lau Xránadxu, Wenná Bea chee̱dxu.

⁷Le gun schaga nísadau', ne bea ca' zrale na'.Le gul-la, le'e, xe̱zr la xu, ne le'e zrale na'.

⁸Le capa na'le, le'e xe̱gu ca'.Le gul-la lu xel-la' dxebé, le'e, xi'a ca', lau Xránadxu

⁹lawe' da xide̱' xedajnná bé'ene̱' xe̱zr la xu nigá.Nna bé'ene̱' benne' zaj zre̱'e̱ du gabí'i xe̱zr la xu lu da xrlátaje,ne bénneache dute̱ xe̱zr la xu lu da naca li lazre'.