Read Tabaa Zapotec San Mateo 13 Bible Online

San Mateo 13 - Tabaa Zapotec bible

San Mateo 13

¹Lu zra na' bdxuaj Jesús xu'u, na' xeajdxé'e̱ dxu'a nísadau'.

²Na' lawe' da belezraga benne' zante̱ naga zua Jesús, guxú'e̱ tu lu da dxedá lawe' nísadau', ne gudxé'e̱ na'. Xúgute̱ benne' ca' belexegá'ane̱' dxu'a nísadau' na'.

³Nadxa bse̱de Jesús benne' ca' da zante̱ da bchálaje̱', dxenné̱': ―Tu benne' dxaza guzé̱'e̱ zíaje̱' guza.

⁴Dxácate̱ dxaze̱', bal-la bínnedu ca' xeajlechaze na dxu'a neza. Na' belelá' bxínnedu ca', guláguba' bínnedu ca'.

⁵Bal-la bínnedu ca' xeajlechaze na lu xiaj naga quebe dxé'teca xu. Bínnedu caní chadí gulezría na lawe' da quebe dxé'teca xu.

⁶Gate bla' gubizra, na' gulecuade na. Lawe' da quebe dxé'teca xu, na' gulebizre na.

⁷Bal-la bínnedu ca' xeajlechaze na naga bezríale̱'e̱ lba xeche', na' lba xeche' ca' belegula na, ne blule na da du ca' naze̱'.

⁸Bal-la bínnedu ca' xeajlechaze na lu xu be̱be, na' belúnnale̱'e̱ na. Bal-la xágadu ca' belunna na tu gaxúa tu tu na, na' xebal-la na belunna na ga xun tu tu na, na' xebal-la na belunna na chi dxua tu tu na.

⁹Che zua nágale, le xene. Dxenná Jesús bizr chee̱ na' dxuchálaje̱' da dxululé'e na

¹⁰Nadxa benne' ca' dxuse̱de Jesús gulebigue̱' naga zue̱' Le̱', ne buluche̱be̱' Le̱': ―¿Bizr chee̱ na' dxuchálajle̱nu' benne' ca' da dxululé'e na?

¹¹Beche̱be Jesús, dxenné̱': ―Dios dxunne̱' lataj nézele le'e da nagache ca dxenná bea Le̱' xabáa, san benne' caní quebe dxu'e̱ lataj.

¹²Benne' nape̱' late', Dios gunézrujdxe̱' le̱', na' gápale̱'e̱, san benne' quebe bi nape̱', Dios wequé̱'e̱ ca da du nape̱'.

¹³Chee̱ le̱ na' dxuchálajle̱na' benne' caní da dxululé'e na, lawe' da cate' dxelenné̱'e̱ quebe dxelelé'ene̱'. Cate' dxelenne̱' quebe dxeléajni'ine̱'.

¹⁴Ca naca da dxaca chee̱ benne' caní dxaca na ca gunná Isaías, bénnea' bchálaje̱' waláz chee̱ Dios, gunné̱':Da li wenle. Cate' dxenle quebe dxéajni'ile.Da li wanná'le. Cate' dxenna'le quebe dxelé'ele.

¹⁵Caní naca na lawe' da zaj naca lázrdau zide' benne' caní.Quebe dxelaca lazre̱' xelenne̱'.Dxulugácue̱' xiaj lawe̱' chee̱ quebe xelelé'ene̱'.Quebe dxelenne̱', na' quebe dxeléajni'ine̱'.Quebe dxelexílaje̱' neda' chee̱ xexuna' le̱'.

¹⁶’Ba neza zrente̱ naca na chee̱le le'e lawe' da dxelé'ele nen xiaj laule, ne dxenle nen nágale.

¹⁷Da li dxapa' le'e, benne' zante̱, benne' ca' buluchálaje̱' waláz chee̱ Dios, ne benne' xrlátaje ca' gulaca lazre̱' xelelé'ene̱' da caní dxelé'ele le'e. Quebe belelé'ene̱' na. Gulaca lazre̱' xelenne̱' da caní dxénnele le'e. Quebe belenne̱' na. Jesús dxuzéajni'ine̱' benne' ca' ca naca chee̱ benne' dxaza

¹⁸Na' gunná Jesús: ―Le xenne ca zéaje̱ da naca chee̱ benne' dxaza nigá.

¹⁹Benne' dxelenne̱' ca naca chee̱ Bénnea' dxenná be'e̱ xabáa, ne quebe dxeléajni'ine̱' zaj naque̱' ca bínnedu ca' xeajlechaze na dxu'a neza. Za da xriwe̱' ne dxugúa na ca naca dizra' da ba gulezí'e̱ lu xichaj lázrdawe̱'.

²⁰Ca naca chee̱ bínnedu ca' xeajlechaze na lu xiaj, da caní dxululé'e na ca naca chee̱ benne' ca' dxelezi'e̱ dizra' na' du lazre̱'.

²¹Ca na' guca chee̱ bínnedu ca', quebe guca xuludé lue na, ne quebe guzí bea na, ca'an dxaca chee̱ benne' caní, gate na' bi da dxelezaque̱', u che nu zeajnáu zi' xuzre̱' le̱' lawe' da zaj nazi'e̱ dizra' nigá, na' dxelexebigue̱'.

²²Bínnedu ca' xeajlechaze na ládujla xeche' dxululé'e na ca naca chee̱ benne' dxelenne̱' dizra' nigá, san dxelebé'le̱'e̱ gunne xue da naca chee̱ xe̱zr la xu nigá, na' ca naca xel-la' gunní'a dxezí xe̱ na benne' ca'. Xúgute̱ da caní dxuluzaga na dizra' nigá, na' quebe dxun na da dxal-la' gun dizra' nigá lu xichaj lázrdawe̱'.

²³Ca naca chee̱ bínnedu ca' da xeajlechaze na lu xu be̱be, da caní dxululé'e na ca naca chee̱ benne' ca' dxelenne̱' dizra' nigá, ne dxeléajni'ine̱' na, na' zaj naque̱' ca bínnedu ca' belúnnale̱'e̱ na. Bal-la benne' zaj naque̱' ca bínnedu ca' belunna na tu gaxúa tu tu na, na' xebal-le̱' zaj naque̱' ca bínnedu ca' belunna na ga xun tu tu na, na' xebal-le̱' zaj naque̱' ca bínnedu ca' belunna na chi dxua tu tu na. Da bchalaj Jesús ca naca chee̱ xixre' zrinnaj da dxenná'queze na ca dxenná' xel-la' zrua' xtila

²⁴Nadxa bchalaj Jesús xetú da dxulé'e na, dxenné̱': ―Ca dxaca ga ni dxenná bea Dios naca na ca da guca gate tu benne' guze̱' binne cháwe'dau' lu xe̱zr la xu chee̱'.

²⁵Gate dxelase xúgute̱', na' bzrin tu benne' dxezré̱'e̱ le̱', ne xeajaze̱' binne xixre' zrinnaj láwela zrua' xtila, na' bezé̱'e̱.

²⁶Gate na' bgula xel-la' zrua' xtila, ne bla' dau chee̱ na, cá'anqueze bla' xixre' zrinnaj ca'.

²⁷Nadxa benne' we̱n zrin ca' xeajlegue̱zre̱' xrane na, dxelé̱'e̱ le̱': “Xran, guzu' binne cháwe'dau' lu xe̱zr la xu chiu'. ¿Gazra guzá xixre' zrinnaj caní?”

²⁸Gunná xránabe': “Tu benne' dxezré̱'e̱ neda' be̱ne̱' da nigá.” Nadxa benne' we̱n zrin ca' buluche̱be̱' le̱': “¿Dxaca lazru' chéajntu' cheajlé̱pentu' xixre' zrinnaj ca'?”

²⁹Le̱' guzre̱' we̱n zrin ca': “Quebe gaca na. Gate na' lázrule xixre' zrinnaj ca', walázrute̱le xel-la' zrua' xtila.

³⁰Xelegúladxa na cháwe'la tu zren ca xecá'adxadxu zrua' xtila. Nadxa nna be'eda' benne' we̱n zrin ca' xelequé̱'e̱ nedxu xixre' zrinnaj ca', na' xuluchéaje̱' xelune̱' tu xrúnujdu weaj chee̱ guzézxedxu na. Nadxa xelelape̱' zrua' xtila na', ne xezrá chawe' na lizra'.” Da bchalaj Jesús ca naca chee̱ binne mostaza

³¹Nadxa bchalaj Jesús xetú da dxulé'e na, dxenné̱': ―Da dxaca chee̱ benne' dxelezí' lu ne̱'e̱ nna be'e Dios le̱' naca na ca da guca gate tu benne' guze̱' binne mostaza lu xe̱zr la xu chee̱'.

³²Da li binne mostaza nigá naca na da bízrujdxa lawe' xúgute̱ binne ca'. Gate ba nagula na naca na tu xaga zrendxa lawe' xúgute̱ xixre' cuan. Dxaca na ca tu xaga zren naga dxelezeque' cheajlezría bxínnedu ca' xrú'uneba' lu zruze na. Da bchalaj Jesús ca naca chee̱ cua zichaj chee̱ xeta xtila

³³Nadxa bchalaj Jesús xetú da dxulé'e na, dxenné̱': ―Da dxaca chee̱ benne' dxelezí' lu ne̱'e̱ nna be'e Dios le̱' naca na ca da guca gate tu nu'ula bchixre cua zichaj chee̱ xeta xtila lawe' chunna xaga cua zrua' xtila, na' dute̱ na guxasa na bliche. Ca bchine Jesús da dxulé'e na caní

³⁴Xúgute̱ da caní bchálajle̱ Jesús benne' ca', dxuchálaje̱' da dxululé'e na, na' quebe bchálajle̱ne̱' benne' ca' che quebe bchálaje̱' da dxululé'e na.

³⁵Caní guca ca da gunná benne' bchálaje̱' waláz chee̱ Dios, gunné̱':Guchálaja' ca naca da dxulé'e na da guchálaja'.Gulé'eda' ca naca da nagache gate guzrete̱ xe̱zr la xu. Jesús dxuzéajni'ine̱' ca naca chee̱ da dxulé'e na chee̱ xixre' zrinnaj da dxenná'queze na ca dxenná' xel-la' zrua' xtila

³⁶Nadxa Jesús bze̱' benne' ca' dizra', na' guxú'e̱ lu xu'u. Benne' ca' dxuse̱de Jesús gulebigue̱' lau Le̱', na' gulé̱'e̱ Le̱': ―Bzéajni'i netu' da dxulé'e na ca naca chee̱ xixre' zrinnaj da dxenná'queze na ca dxenná' xel-la' zrua' xtila.

³⁷Nadxa Jesús guzre̱' benne' ca': ―Bénnea' dxaze̱' binne cháwe'dau' nigá naque̱' Benne' Gulje̱' Bénneache.

³⁸Naga dxaze̱' binne nigá naca na lu xichaj lázrdau bénneache. Binne cháwe'du ca' zaj naca benne' ca' dxenná be'e Dios, na' xixre' zrinnaj ca' zaj naca na benne' ca' zaj naque̱' chee̱ da xriwe̱'.

³⁹Bénnea' dxezré̱'e̱ xrane xe̱zr la xu na', ne xeajaze̱' xixre' zrinnaj naque̱' da xriwe̱' ná'queze. Zra xelelape̱' naca na zra bze̱be chee̱ xe̱zr la xu nigá, na' benne' ca' xelelape̱' zrua' xtila na' zaj naque̱' gubáz chee̱ xabáa chee̱ Dios.

⁴⁰Ca belexequé̱'e̱ xixre' zrinnaj ca', ne buluzré̱'e̱ na lu xi' chee̱ xelezxe na, ca'an gácaqueze lu zra bze̱be na'.

⁴¹Neda', Benne' Gulje̱' Bénneache, sel-la' gubáz chee̱ xabáa chia' ca' chee̱ xulucuase̱' naga nna be'a xúgute̱ benne' ca' dxuluxrínnajte̱' benne' xula, ne benne' ca' dxelune̱' da cale̱la.

⁴²Nadxa gubáz chee̱ xabáa ca' xuluzré̱'e̱ benne' ca' dxelune̱' da cale̱la lu xi' gabila naga xelebezre̱', ne xeláguxa'ate̱ lazxe̱'.

⁴³Nadxa benne' ca' dxelune̱' da xrlátaje ca da dxenná be'e Dios xelácaqueze̱' ca gubizra naga dxenná bea Dios, Xra benne' ca'. Che le'e zua nágale, le xene. Da dxulé'e na ca naca chee̱ tu xel-la' gunní'a da nagache

⁴⁴Na' gunná Jesús: ―Naga dxenná bea Dios naca na ca tu xel-la' gunní'a da nagache na tu lu xe̱zr la xu. Tu benne' bezrélene̱' xel-la' gunní'a nigá, na' bucache̱' na. Ne zúale̱'e̱ xel-la' dxebé zexíaje̱' xeajxé̱tie̱' xúgute̱ da nape̱', na' bezi'e̱ xe̱zr la xu na'. Da dxulé'e na ca naca tu bga da zácale̱'e̱ na

⁴⁵Na' gunná Jesús: ―Naga dxenná bea Dios naca na ca tu da dxexilaj tu benne' we̱te, dxexílaje̱' bga ca' da zaj zaca na.

⁴⁶Gate dxezrélene̱' tu da zácale̱'e̱, na' zexíaje̱' zeajxé̱tie̱' xúgute̱ da nape̱', na' si'e̱ bga na'. Da dxulé'e na ca naca tu xixruj bela

⁴⁷Na' gunná Jesús: ―Ca naca chee̱ benne' ca' xelexú'e̱ naga dxenná bea Dios, naca na ca tu xixruj bela, da dxuluzale̱' lu nísadau', na' dxelezene̱' zane' cue' bela.

⁴⁸Gate dxezrá xixruj na', na' benne' ca' dxelezene̱' bela dxelexequé̱'e̱ na dxu'a nísadau', na' dxelebé'e̱ dxelexebée̱' bela ca'. Bela chawe' ca' dxuluxuzré̱'e̱-ba' lu xcuite, na' bela xala ca' dxeledxú'une̱'-ba'.

⁴⁹Ca'an gaca lu zra bze̱be na'. Xeledxúaj gubáz chee̱ xabáa ca', xelexebéaje̱' benne' ca' dxelune̱' da cale̱la ládujla benne' xrlátaje ca'.

⁵⁰Xuluzré̱'e̱ benne' ca' dxelune̱' da cale̱la lu xi' gabila, naga xelebezre̱', ne xeláguxa'ate̱ lazxe̱'. Da zaca ca da zaj naca na da cube, ne da zaj naca na da gula

⁵¹Nadxa bche̱be Jesús benne' ca', dxenné̱': ―¿Dxéajni'ile le'e xúgute̱ da caní? Benne' ca' gulenné̱': ―Awe', Xran.

⁵²Nadxa guzre̱' benne' ca': ―Gate tu benne' dxusé̱dene̱' da nadxixruj bea Dios, ne nazé̱dene̱' ca dxenná bea Dios, naque̱' ca tu benne' xrane xu'u nézene̱' cuéaje̱' da zaj naca na da cube, ne da zaj naca na da gula ládujla da nuzrá chawe̱'. Jesús dxexezrine̱' Nazaret

⁵³Gate bexuzre bchalaj Jesús da dxulé'e na caní, na' bezé̱'e̱ na'.

⁵⁴Bezrine̱' naga naca lazrie̱'. Na' guzú lawe̱' dxusé̱dene̱' benne' ca' zaj zre̱'e̱ lu xudau' chee̱ xe̱zre na', na' belexebanne benne' ca', gulenné̱': ―¿Gazra bse̱de benne' nigá xel-la' sina nigá? ¿Ájazra dxune̱' xel-la' waca caní?

⁵⁵Benne' nigá naque̱' zri'ine gubizre xaga, na' naca xrne̱'e̱ María. Naque̱' bi biche Jacobo, ne José, ne Simón, ne Judas.

⁵⁶Bi zane̱' zaj zue̱' nigá nen dxi'u. ¿Ájazra na' dxaca dxune̱' da caní?

⁵⁷Chee̱ le̱ na' buluzúe̱' Jesús chalá'ala. Jesús guzre̱' benne' ca': ―Xúgute̱ benne' xula dxelape̱' ba lá'ana tu benne' dxuchálaje̱' waláz chee̱ Dios. Benne' lazrie̱', ne xrtia ljwezre̱' quebe dxelúne̱' ca'.

⁵⁸Jesús quebe bé̱nteque̱' na' xel-la' waca ca' lawe' da quebe guléajle̱'e̱ chee̱'.