Read Tabaa Zapotec San Marcos 3 Bible Online

San Marcos 3 - Tabaa Zapotec bible

San Marcos 3

¹Gate guxú'u Jesús da xula lu xu'u naga dxelúe lá'ana judío ca' Dios, ze̱ tu benne' biu nazrinnaj ne̱'e̱ ga na'.

²Judío ca' buluzuzre̱' Jesús che xexune̱' benne' we̱' nigá lu zra dxulupá'ane̱', chee̱ xelezéquene̱' xelagu zria Jesús.

³Nadxa gunná Jesús, dxe̱'e̱ benne' biu na' nazrinnaj ne̱'e̱: ―Guxasa. Guzé̱ laduj benne' caní.

⁴Nadxa gunaba Jesús lau judío ca', dxe̱'e̱ le̱': ―¿Naca chee̱ zra dxupá'anadxu gundxu da xrlátaje, u che gundxu da cale̱la? ¿Waca gupá'adxu xel-la nabán chee̱ nu benne', u che guzría xidxu xel-la nabán chee̱'? Na' gulezúa zrize judío ca'.

⁵Nadxa Jesús gunná zi'e̱ benne' ca'. Bewí'inene̱' ca naca xel-la lázrdau zide' chee̱'. Nadxa guzre̱' benne' nazrinnaj ne̱'e̱: ―Guchiluj na'u. Guchiluj ne̱'e̱, na' bexaca na.

⁶Ca'an guca, belexedxúaj benne' fariseo ca', na' belune̱' xel-la wezría nen benne' ca' zaj de̱'e̱ Herodes ájala xelútie̱' Jesús. Bénneache zan dxelezrague̱' dxu'a nísadau'

⁷Nadxa gucuasa Jesús laduj benne' ca', na' guxíaje̱' dxu'a nísadau' nen benne' ca' dxusé̱dene̱'. Zjácale̱ benne' zan ca' Jesús, benne' chee̱ xe̱zre ca' zaj nababa Galilea.

⁸Gate belén bénneache ca naca da zren ca' da dxun Jesús, belezrín benne' zan lau Le̱', benne' chee̱ xe̱zre ca' zaj nababa Judea, ne benne' xe̱zre Jerusalén, ne benne' chee̱ xe̱zre ca' zaj nababa Idumea, ne benne' gusá'aque̱' xechalá'a xe̱gu Jordán, ne benne' gusá'aque̱' xe̱zre ca' zaj naxechaj na xe̱zre Tiro, ne xe̱zre Sidón.

⁹Chee̱ le̱ na' gunná be'e Jesús benne' ca' dxusé̱dene̱' xulucueze̱' tu da dxedá lawe' nísadau' checa xuluchide' bénneache zan Le̱'.

¹⁰Caní guca lawe' da bexún Jesús benne' zante̱, na' benne' we̱' ca' gulebigue̱' lau le̱' chee̱ cheajleté̱' Le̱'.

¹¹Gate be' xriwe̱' ca' zaj xu'u bénneache belelé'e na Jesús, na' buluzú zribe na lau Le̱', ne gulebezre xa'a na. Dxelenná na: ―Lue' nacu' Zri'ine Dios.

¹²Jesús gudil-le̱' be' xriwe̱' ca' chee̱ quebe xululé'e na da naca Le̱'. Jesús dxenné̱' chazrinnu gubáz chee̱'

¹³Ca gudé na' guluén Jesús tu lu xi'a, na' gunné̱' benne' ca' guca lazre̱'. Na' gulebigue̱' lau Le̱'.

¹⁴Bchague̱' chazrinnu benne' xelune̱' Le̱' tuze, benne' sel-le̱' cheajlechálaje̱' xrtizra Dios.

¹⁵Bzue̱' lu na' benne' caní xel-la dxenná bea chee̱ xelexexune̱' benne' we̱' ca', ne chee̱ xelexebéaje̱' be' xriwe̱' ca' lu be̱l-la' dxen chee̱ bénneache ca'.

¹⁶Benne' chazrinnu caní zaj le̱':Simón, bénnea' bzua Jesús xetú le̱' Pedro,

¹⁷ne Jacobo ne Juan, biche Jacobo, benne' ca' zaj naque̱' zri'ine Zebedeo. (Benne' chupa caní bzua Jesús le̱' Boanerges, da zéaje̱ na benne' wal-la ca guziu'.)

¹⁸Bchague̱' Andrés ne Felipe, ne Bartolomé, ne Mateo,ne Tomás, ne Jacobo zri'ine Alfeo, ne Tadeo,ne Simón, benne' dxue lázrele̱'e̱ chee̱ lazrie̱',

¹⁹ne Judas Iscariote, bénnea' xudée̱' Jesús lu na' benne' ca' dxeledábague̱' Le̱'. Nu benne' dxenné̱' schanni' chee̱ Be' Lá'azxa

²⁰Xecha lasa gulebiga bénneache zan naga zua Jesús, na' québedxa dxaca lataj xelawe̱'.

²¹Gate belene benne' xrtia Jesús ca da dxun Le̱', na' belezrine̱' chee̱ xelexeché̱'e̱ le̱'. Dxelenné̱': ―Quebe zua xrlátaje xichaj lázrdawe̱'.

²²Cá'anqueze benne' ca' dxuluxuzájle̱'e̱ da nadxixruj bea Dios, benne' gusá'aque̱' Jerusalén, dxelenné': ―Benne' nigá zrague̱' Beelzebú, xrane be' xriwe̱' ca', na' ne̱ chee̱ xrane be' xriwe̱' ca' dxebéaje̱' be' xriwe̱' ca'.

²³Nadxa gunné̱ Jesús benne' ca', na' bchálajle̱ne̱' le̱' tu da dxulé'e na. Dxenné̱': ―¿Wazeque Satanás da xriwe̱' xebéaj cuine na?

²⁴Che benne' dxelenná bea xelexaque̱' chupa la'a, quebe díaqueze xel-la dxenná bea chee̱'.

²⁵Cá'anqueze che benne' zaj zre̱'e̱ tu lu xu'u xelaque̱' chupa la'a, quebe xeledíaqueze benne' zaj zre̱'e̱ lu xu'u na'.

²⁶Cá'anqueze, che Satanás tábaga cuínaqueze na, ne xexaca na chupa la'a, quebe díaqueze na. Wadéqueze chee̱ na.

²⁷’Quebe nu seque chu'u lizre benne' wal-la chee̱ cuane̱' da de̱ chee̱' che quebe guchéaje̱' le̱' nédxula. Nadxa seque̱' cuane̱' da de̱ lizre benne' wal-la na'.

²⁸’Da li dxennía', dxapa' le'e: Xúgute̱ dul-la da dxelún bénneache, ne dizra' schanni' da dxelenné̱', ájate̱ze zaj naca na, gunite láuqueze Dios chee̱'.

²⁹Na'a, ca naca nútete̱ze benne' nne̱' schanni' chee̱ Be' Lá'azxa, cabata' gunite lau Dios chee̱ bénnea'. Webía xí'queze̱'.

³⁰Caní gunná Jesús lawe' da dxelenné̱': ―Zraga Jesús da xriwe̱'. Nu naca ca xrna Jesús, ne bi biche̱' ca'

³¹Ca gudé na' bzrin xrna Jesús nen bi biche̱' ca'. Gulebeze̱' chalé'ajla, na' gulesel-le̱' tu benne' nne̱' Jesús.

³²Benne' ca' zaj zre̱'e̱ cuita Jesús gulé̱'e̱ le̱': ―Xrna'u ne bi bichu' ca' zaj ze̱' chalé'ajla, dxelenné̱' Lue'.

³³Gunná Jesús, dxe̱'e̱ benne' ca': ―¿Nézele nuzra na' xrna'a, ne bi bicha' ca'?

³⁴Nadxa gunná' Jesús benne' ca' zaj zre̱'e̱ cuita Le̱', na' gunné̱': ―Benne' caní zaj zrále̱ne̱' neda' nigá zaj naque̱' ca xrnáqueza', ne bi bicha' ca'.

³⁵Caní naca na lawe' da xúgute̱ benne' dxelune̱' ca da dxaca lazre' Dios, benne' caní zaj naque̱' bi bicha' ca', ne bi zana' ca', ne xrna'a.