Read Tabaa Zapotec San Lucas 3 Bible Online

San Lucas 3 - Tabaa Zapotec bible

San Lucas 3

¹Iza chinu' ca dxenná bea Tiberio, benne' dxenná be'e ca naca xe̱zr la xu, na' Poncio Pilato dxenná be'e̱ naga nababa Judea, na' Herodes dxenná be'e̱ naga nababa Galilea, na' Felipe, benne' biche Herodes, dxenná be'e̱ naga nababa Iturea, ne Traconite, na' Lisanias dxenná be'e̱ naga nababa Abilinia.

²Na' Anás, ne Caifás zaj naque̱' bxruze blau. Ca lu zra na' Dios bchálajle̱ne̱' Juan, zri'ine Zacarías, naga zua Juan le̱'e̱ xixre' lawe' lataj.

³Juan na' gudée̱' ca naca xé̱zredu ca' zaj nnitan' chalá'a weaj xe̱gu Jordán, na' dxe̱'e̱ benne' ca' dxal-la' xelexebí'i lazre̱', ne xeledxúe̱' nisa chee̱ gunite lau Dios chee̱ xtul-le'.

⁴Caní guca ca na' gunná Isaías, benne' bchálaje̱' waláz chee̱ Dios, gunné̱':Nen tu chi'i bénnea' dxenné̱' zizraj le̱'e̱ xixre' lawe' lataj. Dxenné̱':Le gucueza neza naga te Xránadxu.Le xulí chawe' neza lase chee̱'.

⁵Ca naca zrítudu ca' le xuzrá na.Ca naca xi'a ca', ne xí'adu ca' xelexaca na tu li.Neza xúca'du ca' xelexelí na.Neza da quebe nalí xelexaca na tu li.

⁶Ca naca bénneache xelelé'ene̱' Benne' Weselá sel-la Dios.

⁷Gate benne' ca' belezrine̱' lau Juan chee̱ xeledxúe̱' nisa, na' le̱' dxe̱'e̱ benne' ca': ―Xrtia be̱la snia. ¿Ble'e nu benne' le'e chee̱ cuásale ca naca xel-la dxezrá'a chee̱ Dios da ba za?

⁸Le gun da gulé'e na ba bebí'i lázrele, ne quebe nnale lu lázrdaule: Nácantu' xrtia ljwezre Abraham. Neda' dxapa' le'e, Dios wazéquene̱' xexune̱' xiaj caní xrtia Abraham.

⁹Xa waga ba de̱ cuásate̱ na chee̱ chugue̱' xaga ca', na' xúgute̱ xaga da quebe dxelebía na da zixre chawe' welechugue na, na' xuluzré̱'e̱ na lu xi'.

¹⁰Nadxa benne' ca' buluche̱be̱' le̱': ―¿Bi dxal-la' guntu'?

¹¹Juan beche̱be̱': ―Benne' de̱ chupa zre̱' dxal-la' gunézruje̱' tu na benne' quebe de̱ chee̱', na' benne' de̱ da dxawe̱' dxal-la' gunézruje̱' da gagu bénnea' quebe bi de̱ chee̱'.

¹²Cá'anqueze belelá' benne' wechizruj ca' chee̱ xeledxúe̱' nisa, na' buluche̱be̱' Juan: ―Benne' wese̱de, ¿bi da dxal-la' guntu' netu'?

¹³Juan guzre̱' le̱': ―Quebe guchízrujle da zrendxa ca da nadxixruj bea na.

¹⁴Cá'anqueze bal-la benne' dxjaque̱' wedil-la buluche̱be̱' le̱': ―¿Gazra netu'? ¿Bi da dxal-la' guntu'? Juan beche̱be̱': ―Quebe guchébele benne', ne quebe gágule le̱' zria lu da we̱n lazre' chee̱ cuale dumí chee̱', na' le be nen cadite názrujle.

¹⁵Benne' zaj zre̱'e̱ na' zaj zue̱' ste̱be, na' dxuluche̱be̱' lu lázrdawe̱' che Juan na' naque̱' Cristo, benne' nasel-la Dios.

¹⁶Juan na' gunné̱': ―Neda', da li dxuchúa' le'e nisa nen nisa. Wida tu benne' gune̱' da dxulé'e xel-la dxedxúa nisa nigá, guzúe̱' le'e Be' Lá'azxa, ne xi' chee̱'. Benne' nigá nápadxe̱' xel-la dxenná bea ca neda', na' quebe naca chia' cuéaja' xel-la chee̱' da xu'u ni'e̱.

¹⁷Ba nuxre̱' da dxun be' chee̱', na' guchi'e̱ naga dxine̱' zrua' xtila. Na' xutupe̱' zrua' xtila, guzrá' chawe̱' na lizre̱'. Guzezxe̱' xizre chee̱ na lu xi' da cabata' xul-la na.

¹⁸Ca naca dizra' nigá, ne xezícadxa dizra' zan bchálajle̱ne̱' benne' ca' ca naca dizra' chawe' chee̱ Dios.

¹⁹Juan gudil-le̱' Herodes, benne' dxenná be'e̱, lawe' da zúale̱ne̱' Herodías, zru'ula Felipe, benne' biche Herodes na', ne lawe' da ba be̱ne̱' da zante̱ da cale̱la. Nadxa Herodes

²⁰bé̱ndxaqueze̱' da cale̱la, gulu'e̱ Juan lizre xia. Da guca gate gudxúa Jesús nisa

²¹Gate ne dxuchúa Juan na' bénneache nisa, cá'anqueze Jesús gudxúe̱' nisa, na' gate dxuchálajle̱ne̱' Dios, na' bxalaj xabáa,

²²na' betaj Be' Lá'azxa lawe' Jesús. Ble'e lawe̱' ca tu bgugu chiche, na' ben tu chi'e̱ xabáa, dxenné̱': ―Lue' nacu' zri'ina' nazrí'ite̱ lazra'. Dxezaca ba lázrele̱na' Lue'. Ca naca xra xrtau Jesucristo

²³Jesús nape̱' ca chi dxua iza gate guzú lawe̱' dxune̱' zrin chee̱'. Dxeleque benne' naque̱' zri'ine José. Naca Jesús zre sua Elí, xra María.

²⁴Elí na' guque̱' zri'ine Matat,Matat na' guque̱' zri'ine Leví,Leví na' guque̱' zri'ine Melqui,Melqui na' guque̱' zri'ine Jana,Jana na' guque̱' zri'ine xetú José.

²⁵José nigá guque̱' zri'ine Matatías,Matatías na' guque̱' zri'ine Amós,Amós na' guque̱' zri'ine Nahum,Nahum na' guque̱' zri'ine Esli,Esli na' guque̱' zri'ine Nagai.

²⁶Nagai na' guque̱' zri'ine Maat,Maat na' guque̱' zri'ine xetú Matatías,Matatías nigá guque̱' zri'ine Semei,Semei na' guque̱' zri'ine xetú José,José nigá guque̱' zri'ine Judá.

²⁷Judá na' guque̱' zri'ine Joana,Joana na' guque̱' zri'ine Resa,Resa na' guque̱' zri'ine Zorobabel,Zorobabel na' guque̱' zri'ine Salatiel,Salatiel na' guque̱' zri'ine Neri.

²⁸Neri na' guque̱' zri'ine xetú Melqui,Melqui nigá guque̱' zri'ine Adi,Adi na' guque̱' zri'ine Cosam,Cosam na' guque̱' zri'ine Elmodam,Elmodam na' guque̱' zri'ine Er,

²⁹Er na' guque̱' zri'ine Josué,Josué na' guque̱' zri'ine Eliezer,Eliezer na' guque̱' zri'ine Jorim,Jorim na' guque̱' zri'ine xetú Matat,

³⁰Matat nigá guque̱' zri'ine xetú Leví,Leví nigá guque̱' zri'ine Simeón,Simeón na' guque̱' zri'ine xetú Judá,Judá nigá guque̱' zri'ine xetú José,José nigá guque̱' zri'ine Jonán,Jonán na' guque̱' zri'ine Eliaquim,

³¹Eliaquim na' guque̱' zri'ine Melea,Melea na' guque̱' zri'ine Mainán,Mainán na' guque̱' zri'ine Matata,Matata na' guque̱' zri'ine Natán.

³²Natán na' guque̱' zri'ine David,David na' guque̱' zri'ine Isaí,Isaí na' guque̱' zri'ine Obed,Obed na' guque̱' zri'ine Booz,Booz na' guque̱' zri'ine Salmón,Salmón na' guque̱' zri'ine Naasón.

³³Naasón na' guque̱' zri'ine Aminadab,Aminadab na' guque̱' zri'ine Aram,Aram na' guque̱' zri'ine Esrom,Esrom na' guque̱' zri'ine Fares,Fares na' guque̱' zri'ine xetú Judá,

³⁴Judá nigá guque̱' zri'ine Jacob,Jacob na' guque̱' zri'ine Isaac,Isaac na' guque̱' zri'ine Abraham,Abraham na' guque̱' zri'ine Taré,Taré na' guque̱' zri'ine Nacor.

³⁵Nacor na' guque̱' zri'ine Serug,Serug na' guque̱' zri'ine Ragau,Ragau na' guque̱' zri'ine Peleg,Peleg na' guque̱' zri'ine Heber,Heber na' guque̱' zri'ine Sala,

³⁶Sala na' guque̱' zri'ine Cainán,Cainán na' guque̱' zri'ine Arfaxad,Arfaxad na' guque̱' zri'ine Sem,Sem na' guque̱' zri'ine Noé,Noé na' guque̱' zri'ine Lamec,

³⁷Lamec na' guque̱' zri'ine Matusalén,Matusalén na' guque̱' zri'ine Enoc,Enoc na' guque̱' zri'ine Jared,Jared na' guque̱' zri'ine Mahalaleel,Mahalaleel na' guque̱' zri'ine xetú Cainán.

³⁸Cainán na' guque̱' zri'ine Enós,Enós na' guque̱' zri'ine Set,Set na' guque̱' zri'ine Adán,Adán na' guque̱' ca zrí'inequeze Dios.