Read Tabaa Zapotec Romanos 13 Bible Online

Romanos 13 - Tabaa Zapotec bible

Romanos 13

¹Xúgute̱dxu dxal-la' guzúadxu dizra' chee̱ benne' xu'u lawe', lawe' da quebe nu chilá' benne' xu'u lawe' che quebe nunna Dios le̱' xel-la dxenná bea chee̱'. Benne' xu'u lawe' ca' zaj naque̱' benne' nuzúa Dios.

²Chee̱ le̱ na' nu benne' dxedábague̱' benne' xu'u lawe' dxedábague̱' ca da nun Dios. Benne' dxeledábague̱' caní zaj nabague̱' zria, na' Dios xuzri'e̱ chee̱' da xexal-le̱'.

³Benne' ca' dxelenná be'e̱ quebe nuzúa Dios le̱' chee̱ xuluchebe̱' benne' dxelune̱' da xrlátaje, san chee̱ xuluchebe̱' benne' dxelune̱' da cale̱la. ¿Dxaca lazru' quebe zrebu' benne' xu'u lawe'? Be̱n da xrlátaje, na' benne' xu'u lawe' ca' xelape̱' ba lá'ana lue'

⁴lawe' da zaj naque̱' we̱n zrin chee̱ Dios chee̱ xelune̱' chiu' da xrlátaje. Che dxunu' da cale̱la, dxal-la' zrebu' lawe' da quegá dácheze zaj nape̱' xel-la dxenná bea xelexebi'e̱ chee̱ bénneache lawe' da zaj naque̱' we̱n zrin chee̱ Dios chee̱ xuluzúe̱' lu da ba xa' benne' ca' dxelune̱' da cale̱la.

⁵Chee̱ le̱ na', dxun na ba xen guzúadxu dizra' chee̱ benne' xu'u lawe', quegá tuze chee̱ quebe xuluzúe̱' dxi'u lu da ba xa', san lawe' da nezdxu naca na da nadxixruj bea Dios.

⁶Chee̱ le̱ na' dxízrujle da dxebágale chee̱ xu'u lawe', lawe' da zaj naca benne' xu'u lawe' we̱n zrin chee̱ Dios, ne dxelún xánnie̱' zrin chee̱' na'.

⁷Le quizruj xúgute̱ bénneache ca da nabágale chee̱'.Da nabágale chee̱ benne' wechizruj, le quizruj da nabágale.Da nabágale chee̱ xu'u lawe', le quizruj na.Benne' dxal-la' gápale ba lá'ana, le gape̱' ba lá'ana.Benne' dxal-la' gucá'ana szrenle, le gucá'ane̱' szren.

⁸Quebe dxal-la' cue zria chee̱le nen nu benne' san tuze chee̱ zri'ile le̱' ca dxal-la' gunle chee̱ le sa' ljwézrele tule xetule. Che gunle da nigá, na' gunle da nadxixruj bea na.

⁹Naga zaj naxúaj da nadxixruj be'e Dios dxenná na:Quebe súale̱nu' zru'ula benne' xula.Quebe gutiu' benne'.Quebe cuanu'.Quebe gun lazru' chee̱ benne'.Quebe sa lazru' da naca chee̱ benne'. Xúgute̱ da nadxixruj bea caní, ne xúgute̱ da nadxixruj bea xezícadxa dxun bénnea' dxuzúe̱' dizra' da nadxixruj bea na' dxenná na: Bzri'i le sa' ljwezru' ca nazrí'i cuinu'.

¹⁰Bénnea' nazrí'ine̱' le sa' ljwezre̱' quebe dxune̱' da cale̱la chee̱ le sa' ljwezre̱' na'. Ca'an naca, bénnea' nazrí'ine̱' le sa' ljwezre̱' dxuzúe̱' dizra' chee̱ da nadxixruj bea na.

¹¹Ca naca da caní, le guxúe xanne' ca naca zra zúadxu na'a lawe' da ba bzrin zra xebandxu lu bchigala lawe' da ba zua gágudxa zra ladxu lu da nácadxu ca guzúa na gate na' guzú lau dxéajle̱dxu.

¹²Ba dxedé chee̱ da chul-la, ne ba za te zra. Chee̱ le̱ na' dxal-la' gusandxu da dxelún bénneache lu da chul-la, na' gácadxu ca tu benne' zeje̱' wedil-la dxacu zra lane̱' xia, chee̱ tadxu lu xel-la naxaní' chee̱ Dios.

¹³Dxal-la' tadxu li lazre' ca dxal-la' tadxu te zra.Quebe dxal-la' xí'ajdxu da dxuzuzre na bénneache,ne quebe gagu xrátadxu.Quebe gundxu da sban, ne da cale̱la.Quebe tíl-lale̱dxu le sa' ljwézredxu,ne quebe gácadxu xa lazre'.

¹⁴Xránadxu Jesucristo gácaqueze̱' ca zra lánadxu xia, na' quebe gundxu da dxezá lazre' be̱la' dxen chee̱dxu.