Read Tabaa Zapotec 1 Timoteo 3 Bible Online

1 Timoteo 3 - Tabaa Zapotec bible

1 Timoteo 3

¹Da líqueze naca da nigá: Che nu benne' dxezá lazre̱' gaque̱' benne' gusé̱dene̱' bi ca' chee̱ Cristo, tu zrin xrlátaje dxaca lazre̱' gune̱'.

²Tu benne' dxusé̱dene̱' bi ca' chee̱ Cristo:Dxal-la' gaque̱' benne' quebe bi zua da dxunite na le̱'.Dxal-la' súale̱ne̱' tuze nu'ula.Dxal-la' gaque̱' benne' dxuzéajni'i cuine̱',ne benne' dxenná be'e cuine̱',ne benne' nape̱' ba lá'ana.Dxal-la' si' lu ne̱'e̱ benne' xelezrine̱' lizre̱'.Dxal-la' gaque̱' benne' dxaca dxusé̱dene̱' bénneache.

³Quebe dxal-la' xé'aje̱' da guzuzre na le̱',ne quebe gutil-le̱' nu benne',ne quebe sa lazre̱' dumí.Dxal-la' gaque̱' benne' dxexruj lazre', ne zren lazre'.

⁴Dxal-la' nézene̱' nna be'ene̱' benne' zaj zre̱'e̱ lizre̱',ne gulé'ene̱' zrí'ine̱' ca' xelácabe' wezúa dizra',ne xelápabe' ba lá'ana xra xrnabe'.

⁵Che nu benne' quebe nézene̱' ájala nna be'ene̱' benne' zaj zre̱'e̱ lizre̱', ¿ájazra gune̱' gusé̱dene̱' bi ca' chee̱ Dios?

⁶Benne' dxusé̱dene̱' bi ca' chee̱ Cristo quebe dxal-la' gaque̱' benne' za dxúnbeate̱ dizra' chee̱ Cristo, chee̱ quebe gucá'ana szren cuine̱', chee̱ quebe cuía xi'e̱ ca guzría xi' da xriwe̱'.

⁷Cá'anqueze dxal-la' gaque̱' benne' nape̱' ba lá'ana láwela benne' quebe zaj naque̱' chee̱ Cristo, chee̱ quebe gata' lataj nu guzúa le̱' chalá'ala, na' chee̱ quebe chu'e̱ lu na' da xriwe̱'. Ca dxal-la' xelaca benne' dxelácale̱ne̱' bi ca' chee̱ Cristo

⁸Cá'anqueze benne' ca' dxelácale̱ne̱' bi ca' chee̱ Cristo:Dxal-la' xelaque̱' benne' zaj nape̱' ba lá'ana, ne benne' li lazre'.Quebe dxal-la' xelé'aje̱' da guzuzre na le̱',ne quebe xelaque̱' benne' dxulucudee̱'.

⁹Dxal-la' xelapa xánnie̱' da zácale̱'e̱ chee̱ da dxeajlí lázredxu,ne quebe bi sua da gagu na zría chee̱' lu xichaj lázrdawe̱'.

¹⁰Dxal-la' guxúe xánnele ca dxeledé̱'. Te na', che quebe bi zua da dxagu na zria chee̱', waca xelácale̱ne̱' bi ca' chee̱ Cristo.

¹¹Zru'ula benne' caní:Dxal-la' xelaque̱' benne' zaj nape̱' ba lá'ana,ne quebe xelaque̱' wetupa dizra' bizruj.Dxal-la' xelaque̱' du lazre', ne li lazre' ca naca xúgute̱ da dxelune̱'.

¹²Tu benne' dxácale̱ne̱' bi ca' chee̱ Cristo dxal-la' súale̱ne̱' tuze nu'ula, ne dxal-la' nézene̱' nna be'ene̱' zrí'ine̱' ca', ne benne' zaj zre̱'e̱ lizre̱'.

¹³Benne' ca' dxelácale̱ne̱' bi ca' chee̱ Cristo, che dxelune̱' cháwedau' zrin chee̱', welezrué'ene̱' xel-la ba lá'ana, na' xelezéquedxene̱' xuluchálaje̱' du lazre̱' ca dxeajlí lázredxu Jesucristo. Tu da ble'e Dios dxi'u ca naca da zéajle̱dxu

¹⁴Dxebeza lazra' xídazequeza' xedajnná'a lue', na' dxuzúaja' chiu' da nigá

¹⁵chee̱ chéajni'inu' che dxezreda', ca dxal-la' gunu' ládujla benne' ca' zaj nababe̱' chee̱ Dios, benne' ca' ba bláwizra Dios ban, ne zaj nuxru chache̱' da li, ne dxuluxúe xánnie̱' na.

¹⁶Da li tu da zrente̱ naca da nigá ble'e Dios dxi'u ca naca da zéajle̱dxu:Dios ble̱'e̱ nigá, ne guque̱' bénneache.Be' Lá'azxa blé'ene̱' naque̱' xlátaje̱.Belelé'e gubáz chee̱ xabáa ca' Le̱'.Benne' dute̱ xe̱zr la xu belenne̱' ca naca chee̱'.Guleajlí lazre' benne' zaj zre̱'e̱ dute̱ xe̱zr la xu nigá Le̱'.Dios bezi'e̱ Le̱' xabáa.