Read Tabaa Zapotec 2 Timoteo 3 Bible Online

2 Timoteo 3 - Tabaa Zapotec bible

2 Timoteo 3

¹Cá'anqueze dxal-la' nézele lu zra bze̱be ni' gaca na ste̱be chee̱ bénneache.

²Bénneache ca' xelaque̱':Benne' xelezrí'ize cuina, ne xelezrí'ine̱' dumí.Xulucá'ana szren cuine̱',ne xulucá'ana cuine̱' ca benne' blau ca'.Xelenné̱' schanni' chee̱ Dios,ne quebe xuluzúe̱' dizra' chee̱ xra xrne̱'e̱.Xelaque̱' benne' quebe dxelezí le̱,ne benne' quebe dxelapa ba lá'ana Dios.

³Quebe xelaque̱' zri'i lazre',ne quebe xelexexache lazre̱' ljwezre̱'.Xelenné̱' chee̱ ljwezre̱', ne quebe xelenná be'e cuine̱'.Xelaque̱' benne' snia ca', ne xuluzúe̱' chalá'ala da naca xrlátaje.

⁴Quebe xelaque̱' li lazre' nen ljwezre̱'.Xelaque̱' benne' dxelexube.Xeléquene̱' zaj naque̱' benne' szrente̱.Xelexezaca ba lázredxene̱' da ca' dxeledánene̱' quézcala da naca chee̱ Dios.

⁵Lácala xululé'e cuine̱' ca benne' zaj naque̱' chee̱ Dios,quebe súale̱ le̱' xel-la waca chee̱ Dios. Quebe gunu' tu zrén benne' ca'.

⁶Ca zaj naca benne' caní zaj naca benne' ca' zjaque̱' tu tu xu'u, ne dxelezí xe̱'e̱ nu'ula quebe zaj zie̱' du lazre', ne zaj zua da dxagu na zria lázrdawe̱' da naca chee̱ xtul-le'. Xel-la dxelezá lazre' chee̱ nu'ula caní nazrube xu na le̱'.

⁷Lácala tu dxulusé̱dezqueze̱' chee̱ xel-la li, cabata' dxeléajni'iquezne̱' na.

⁸Ca belún Janes ne Jambres, benne' wazrá' ca', benne' ca' guledábague̱' Moisés, cá'anqueze dxelún benne' caní, dxeledábague̱' xel-la li. Zaj nazrinnaj xichaj lázrdawe̱', ne belexecuase̱' lu xel-la dxeajlí lazre' chee̱ Dios.

⁹Quebe bi xelezrué'e benne' caní, lawe' da xeleque bé'equeze xúgute̱ bénneache zaj naque̱' benne' xálaze, ca gulaca benne' chupa ca' guledábague̱' Moisés. Da bze̱be da dxusebaga Pablo Timoteo

¹⁰Ba benu':Ca da bzéajni'ida' bénneache, ne blé'equeznu' ca bé̱nqueza'.Nézenu' da dxaca lazra' guna', ne ca dxeajlí lazra' Cristo.Bchaga lawa' da guzxaca', ne nazrí'ida' xúgute̱ bénneache.Nézenu' ca naca xel-la zren lazre' chia'.

¹¹Blé'enu' ca guláu zi' xuzre̱' neda', ne ca gudéa' xel-la zi'.Nézenu' xúgute̱ da guzraca' lu xe̱zre Antioquía, ne xe̱zre Iconio, ne xe̱zre Listra.Guláu zi' xuzre benne' ca' neda', na' Xránadxu bselé̱' neda' lu xúgute̱ da ca'.

¹²Xúgute̱ benne' ca', benne' dxelaca lazre̱' xelúnqueze̱' ca da dxenná Jesucristo, weláu zi' xúzrequeze bénneache le̱'.

¹³Benne' ca' dxelune̱' da cale̱la, ne benne' dxelezí xe̱'e̱ welúndxaqueze̱' da cale̱la. Xelezí xe̱'e̱ bénneache, na' benne' xula xelezí xe̱'e̱ benne' caní.

¹⁴Lue', guzé̱ chacha ca da ba naxéajni'inu', da na' nuxrén lazru'. Nézqueznu' nu bse̱de lue',

¹⁵na' ne nácateu' bídau'te̱ ba núnbe'u da dxenná lu xiche lá'azxa, da dxezeque na guzéajni'i na lue', chee̱ lau' lawe' da dxeajlí lazru' Jesucristo.

¹⁶Xúgute̱ da naxúaj na lu xiche lá'azxa naca na da bzéajni'i Dios benne' ca' zaj naque̱' bi chee̱ Le̱', ne naca na da dxuzéajni'i na dxi'u, ne da dxedil-la na benne' dxelune̱' da cale̱la, ne da dxusizre na dxi'u, ne da dxulé'e na dxi'u ca dxal-la' gundxu da xrlátaje,

¹⁷chee̱ gaca du lazre' bi chee̱ Dios, na' gácabe' bi naze̱de xanne chee̱ gunbe' xúgute̱ da xrlátaje.