Read Tabaa Zapotec Tito 2 Bible Online

Tito 2 - Tabaa Zapotec bible

Tito 2

¹Dxal-la' guchálaju' da ca' dxuse̱de na dxi'u da naca li.

²Benne' gula chee̱ xudau':Dxal-la' xelaque̱' benne' dxelenná bé'e cuine̱'.Dxal-la' xelaque̱' benne' du lazre'.Dxal-la' xelaque̱' benne' dxuluzéajni'i cuine̱'.Dxal-la' xelaque̱' li lazre' ca dxleajlí lazre̱' Cristo,ne ca zaj nazrí'ine̱' Le̱',ne ca naca xel-la zren lazre' chee̱'.

³Cá'anqueze nu'ula gula ca' chee̱ xudau':Dxal-la' dxelapa ba lá'ana Dios ca naca xúgute̱ da dxelune̱'.Quebe dxal-la' xelaque̱' benne' dxulutupe̱' dizra' bizruj.Quebe dxal-la' xelaque̱' benne' dxelé'aje̱' da xuzuzre na le̱'.Dxal-la' xulusé̱dene̱' da naca xrlataje̱

⁴chee̱ gaca xulusé̱dene̱' nu'ula cuide' ca'chee̱ xelezrí'ine̱' benne' chee̱' ca', ne zrí'ine̱' ca',

⁵ne chee̱ xelenná be'e cuine̱',ne xelaque' du lazre',ne xulupe̱'e̱ lizre̱',ne xuluzúe̱' dizra' chee̱ benne' chee̱'. Caní dxal-la' xelune̱' chee̱ quebe nu nne̱' schanní' chee̱ xrtizra' Dios.

⁶Cá'anqueze bsizre bi cuide' ca' chee̱ xelenná be'e cuínabe'.

⁷Ca naca da xrlátaje dxunu' lue' dxal-la' gulé'e na benne' ca' ca dxal-la' xelune̱'. Gate dxusé̱denu' benne' ca' dxal-la' gacu' li lazre', ne du lazre'.

⁸Dxal-la' guchálaju' da naca li lazre' chee̱ quebe nu seque' si tizra le̱ na. Che gunu' caní, na' che nu benne' nnie̱' chee̱le, wedué'equezne̱', lawe' da quebe sua tu da cale̱la da dxunle.

⁹Bzéajni'i benne' ca' zaj nada'u chee̱ xuluzúe̱' dizra' chee̱ xrane̱' ca naca xúgute̱ da xelé̱ xrane̱' le̱'. Dxal-la' xelune̱' da xelexezaca ba lazre' xrane̱', ne quebe xelexenné̱' lau xrane̱'.

¹⁰Quebe dxal-la' xelebane̱' da naca chee̱ xrane̱', san dxal-la' xelaque̱' li lazre', chee̱ xelelé'e benne' ca da dxelún benne' caní, na' xelenné̱' chawe' chee̱ xrtizra' Dios, Benne' weselá chee̱dxu.

¹¹Dios ba blé'ene̱' ca naca da chawe' chee̱' chee̱ xelelá xúgute̱ bénneache.

¹²Da xrlátaje chee̱ Dios dxuse̱de na dxi'u chee̱ québedxa gundxu da cale̱la, ne ca naca xel-la dxezá lazre' da cale̱la, san chee̱ nna be'e cuínadxu, ne gácadxu du lazre', ne gápadxu ba lá'ana Dios lu xe̱zr la xu nigá

¹³dxácate̱ ne dxebézadxu zra xelá' Dios szren, ne weselá chee̱dxu Jesucristo nen xel-la szren chee̱', da na' dxebeza lázredxu.

¹⁴Le̱' bzua cuine̱' lu na' benne' ca' belútie̱' Le̱' waláz chee̱dxu dxi'u chee̱ bselé̱' dxi'u lu xúgute̱ da zrinnaj, na' bca'ana chawe̱' dxi'u chee̱ gácadxu bi cheé̱queze̱', ne chee̱ gundxu da xrlátaje du lázredxu.

¹⁵Da caní dxal-la' gusé̱denu' benne' ca'. Gudil-la benne' ca', ne bsizre-ne̱' dute̱ xel-la dxenná bea chiu'. Quebe bi da cale̱la gunu' chee̱ quebe nu si tizra lue'.