Read Tabaa Zapotec 1 San Pedro 2 Bible Online

1 San Pedro 2 - Tabaa Zapotec bible

1 San Pedro 2

¹Chee̱ le̱ na', québedxa gunle da cale̱la. Québedxa nu si xe̱le, ne quebe gunle láweze da xrlátaje. Québedxa gácale xa lazre', ne quebe bi nne̱le chee̱ ljwézrele.

²Cáte̱ze dxeledane bidu dxe'ene ca' nizre', ca' le gane xrtizra Dios, da naca na du lazre', chee̱ gun na se̱ cháchale, ne lale lu na' dul-la.

³Che da li ba guzú laule nézele naca Xránadxu chawe', na' gaca lázrele sídxale xrtizre̱'. Cristo naque̱' ca xiaj xre ban

⁴Le biga lau Xránadxu, Bénnea' naque̱' ca xiaj xre ban. Bénneache buluzúe̱' Le̱' chalá'ala, san lau Dios naque̱' tu xiaj chawe' da zácale̱'e̱ na.

⁵Cá'anqueze le'e nácale ca xiaj ban ca'. Le güe Dios lataj guchínene̱' le'e chee̱ gune̱' tu xudau' chee̱ Be' Lá'azxa chee̱', gácale bxruze chee̱ Dios chee̱ guzúale lau Dios ca da dxunna Be' Lá'azxa le'e. Da nigá waca gunle ne̱ chee̱ Jesucristo, da xezaca ba lazre' Dios.

⁶Chee̱ le̱ na' lu xiche lá'azxa dxenná Dios:Neda' nuzúa' lu xe̱zre lá'azxa tu benne'naque̱' ca tu xiaj blau chee̱ xu'u,da naca na tu xiaj du lazre',ne da zácale̱'e̱ na,na' nu benne' chéajle̱'e̱ chee̱ Le̱'quebe gaca xel-la' stu chee̱'.

⁷Chee̱le le'e dxéajle̱le chee̱', xiaj nigá zácale̱'e̱ na, san chee̱ benne' ca' quebe dxéajle̱'e̱ naca na ca da dxenná xiche lá'azxa:Xiaj na' buluzúa benne' we̱n xu'u ca' chalá'ala,le̱ na' naca na xiaj blau.

⁸Cá'anqueze naca na ca dxenná xiche lá'azxa:Naque̱' tu xiaj da dxechegu bénneache,na' lawe' le̱ na' dxeajlecházie̱'. Caní naca na, dxeajlecházie̱' lawe' da quebe dxelezi'e̱ dizra' chee̱ Dios. Dios ba núnqueze̱' gaca caní chee̱ benne' ca'. Benne' zaj naque̱' bi chee̱ Dios

⁹Le'e nácale benne' ba gucá'a Dios. Nácale bxuze lu zrin chee̱ Benne' Wenná Bea, Jesús. Nácale tu xe̱zre lá'azxa chee̱ Dios, na' Le̱' naxá'awene̱' le'e chee̱ guzenle bénneache ca naca xel-la' szren chee̱ Dios. Le̱' gunné̱' le'e chee̱ xedxúajle lu da chul-la, na' súale lu xel-la' naxaní' li lazre' chee̱'.

¹⁰Gate nate quebe nu bexache lazre' le'e, san na'a Diósqueze̱' dxexache lazre̱' le'e. Zúale chee̱ gunle zrin chee̱ Dios

¹¹Bi bicha' nazri'ite̱ lazra', dxata' xueda' le'e, nácale ca benne' zaj zre̱'e̱ zitu' naga zua lazre̱', chee̱ quebe gunle ca da dxenná be̱la' dxen chee̱le, da dxedíl-lale̱ na bénne'du xu'ule.

¹²Ca da dxunle, dxal-la' gaca na xrlátaje lau bénneache quebe zaj núnbe'e̱ Dios. Caní gaca na, lácala na'a dxelenné̱' chee̱le, dxelenné' nácale benne' ca' dxelune̱' da zrinnaj, na' welelé'equezne̱' da xrlátaje da dxunle, na' xelúe lá'anaqueze̱' Dios gate zrin zra xenaba Dios da be̱n tu tu bénneache.

¹³Lawe' da nácale bi chee̱ Xránadxu, le guzúa dizra' ca da dxenná benne' xu'u lawe', bénnea' buluzúa benne' xe̱zre ca'. Le guzúa dizra' chee̱ benne' nape̱' xel-la' dxenná bea zren,

¹⁴ne chee̱ benne' dxelenná bea, benne' ca' nasel-la le̱' chee̱ xuludée̱' xel-la' zi' benne' ca' dxelune̱' da zrinnaj, ne xelu'e̱ ba lá'ana benne' ca' dxelune̱' da xrlátaje.

¹⁵Dios dxaca lazre̱' gunle le'e da xrlátaje chee̱ guzúa zrile benne' ca' quebe zaj naxéajni'ine̱', gate dxelenné̱' cale̱la chee̱ dizra' chawe' da nazile.

¹⁶Le gaca ca benne' quebe zaj nada'u, san quebe guchínele da na' nazile, quebe gunle da cale̱la. Le gaca ca benne' ca' dxenná be'e Dios.

¹⁷Le gapa ba lá'ana xúgute̱ bénneache. Le zri'i bi bíchedxu ca'. Le zrebe Dios, ne le gapa ba lá'ana benne' dxenná be'e̱. Ca da guzaca zi' Cristo dxuzéajni'i na dxi'u

¹⁸Le'e, bi we̱n zrin, le guzúa dizra' chee̱ xránale dute̱ xel-la' ba lá'ana, quegaze chee̱ benne' zaj naque̱' zri'i lazre', ne dxelebé'e̱ gunne xue chee̱le, san cá'anqueze gunle chee̱ benne' snia ca' zaj naque̱' xránale.

¹⁹Naca na tu da xrlátaje che guchaga laudxu xel-la' zi' da dxulusaca bénneache dxi'u gate dxundxu da nezdxu naca na da dxezaca ba lazre' Dios.

²⁰Che dxunle tu da cale̱la, na' dxulusaca zi'e̱ le'e, ¿bizra da ba neza gaca na chee̱le? Na'a, che dxedele xel-la' zi' lawe' da dxunle da xrlátaje, ne dxuchaga laule na dute̱ xel-la' zren lazre' chee̱le, da nigá naca na xrlátaje lau Dios.

²¹Dios gunné' le'e chee̱ tele xel-la' zi' caní, lawe' da gudé Cristo xel-la' zi' waláz chee̱le le'e, da dxuzéajni'i na le'e gunle ca da be̱n Le̱'.

²²Le̱' quebe be̱ne' dul-la, ne quebe nu guzí xe̱'e̱.

²³Gate bulucháchale̱ne̱' Le̱', quebe bi dizra' schanni' beche̱be̱'.Gate buludée̱' Le̱' xel-la' zi', Le̱' quebe bexéchaje̱'. Bzua cuine̱' lu na' Dios, Bénnea' dxuchi'e̱ ca da naca na.

²⁴Biá'queze Cristo na' lu be̱la' dxen chee̱' ca naca dul-la chee̱dxu gate gude̱'e̱ le̱'e̱ xaga begúaj, chee̱ gácadxu ca benne' gate, québedxa gundxu dul-la, na' gaca bandxu chee̱ gundxu da xrlátaje.Le̱' guzríe̱' we̱' chee̱ xexácale le'e chawe'.

²⁵Le'e gudale gate nate ca zrila' zaj naníteba'. Na'a ba bela'le lau Cristo, Bénnea' dxuxúe̱' le'e ca dxun tu benne' dxuxúe̱' zríla'du ca', ne dxe'e̱ gunne xue chee̱ bénne'du xú'ule.