Read Tacana Hebreos 3 Bible Online

Hebreos 3 - Tacana bible

Hebreos 3

¹Da su edue cuana, micuaneda da Diusu sa cielo su puji tuseda puji ichaderajiji putsu. Mepibaenitique Jesucristo peje su. Tueda da Diusu sa quisaquisa puji ecuana peje su. Daja huecha tuahueda ecuaneseda puji Tata Diusu ebajatani, cuaja biahua tiempo sacerdote cuana sa echua puji aida ja israelita cristiano cuana sa jucha cuana sa puji Diusu bajataidha nime.

²Pamapa Diusu sa jacuatsasiati tu tiatana cuana tuahueda apetana. Tueda da Tata Diusu sa Ebacua quitaita atasaida. Tueda da Diusu ecuatsasiati emetse saida. Beju ecuaneda da tusa dharejiji cuana. Tata Diusu ja Jesús pamapa ai cuana ametaidha. Daja hue ecuaneda Diusu sa ene quita dharejiji cuana epuderati, ahua ecuaneda tu peje su jubida janimetucheati putsu, emanu teje beidaji neje tu peje su enimeid'uaderati su. Biahua tiempo Moisés chenu ja Tata Diusu ja cuatsasiataidha cuana apetaidha. Moisés chenu da emebajaji hue puidha Diusu ecuatsasiati su. Saida neje Diusu mebajataidha. Tueda da cuaja ai cuana epu quisa puidha. Daja biame, Jesús mu da Moisés chenu ebia su aida, tueda da Diusu sa Ebacua putsu. Diusu ja mesa dharejiji cristiano cuana ejanahuameta

⁷Da su edue cuana, merejatique. Espíritu Santo sa mimi cuana Diusu sa quirica su uja derejiji yani:Jiahue ahua micuaneda quema ai quisa saida cuana eid'aba su, atasaida mepuque tueda quisa saida cuana su.

⁸Be nimetadada mepuji ema peje su micuana sa tata chenu cuana putaidha nime, ema jei aja mahue ataidha huecuana putsu.D'anita yahua je jaitianaidha su, ema duininiametaidha huecuana, ema neje mimicuicuinataidha putsu.

⁹Dapia d'anita yahua su micuana sa tata chenu cuana ema neje janimetadadatitaidha pushi tunca mara puji, yama saida quinaidha huecuana biame.

¹⁰Da putsu, ema tuna neje jubida duininidha.Uja ema puidha tuna jepuiti:“Pamapa hora su jeitid'ujiji epuniuneti huecuana, quema edid'i saida je puniunetija mahue putsu.”

¹¹Da putsu, ema tuna neje jubida duininidha.Ema Diusu bahue puidha quema janahua yahua su be panubita mahue huecuana puji.

¹²Edue cuana, merejatique. Be quebata micuana duju su eid'e eni Diusu peje su muesumu tadada papu Diusu peje jenetia enetidera puji.

¹³Beju pamapa tsine huamahuama menimetucheatique Diusu peje su d'eji yani tupu. Daja micuana sa pu taji jucha jepuiti muesumu tadada epu mahue puji.

¹⁴Cuaja ecuaneda Diusu peje su jei pu putsu, saida janimetucheapirutiana nime, ahua daja hue emanu teje ecuaneseda Diusu peje su saida janimetucheaderati taji. Da su Cristo neje ecuaneda yanienitiyu cielo su. Dapia pamapa tusa ai cuana ecuaneseda di epueni.

¹⁵Uja Diusu epuani mesa quirica su:Jiahue ahua micuaneda Diusu sa ai quisa saida cuana eid'aba su, atasaida mepuque tueda quisa saida cuana su.Be nimetadada mepuji micuana sa tata chenu cuana putaidha nime, ema jei aja mahue ataidha huecuana putsu.Daja putaidha putsu, ema duininiametaidha huecuana.

¹⁶Pamapa Egipto yahua jenetia Moisés chenu ja huidusutaidha cristiano cuana Diusu neje mimicuicuinataidha. Diusu sa quisa saida cuana id'abataidha huecuana biame, tu neje jubida mimicuicuinataidha.

¹⁷Pushi tunca mara Diusu juchaji cuana neje duininidha. Da putsu, d'anita yahua su manutaidha huecuana.

¹⁸Diusu ja Diusu bahue ataidha aimue mesa janahua yahua su panubita mahue huecuana puji, mesa quisa saida cuana su jei puja mahue putaidha huecuana putsu.

¹⁹Da su beju bahue ecuaneda mue nubi putaidha huecuana janahua yahua su, Diusu jei aja mahue ataidha huecuana putsu.