Read Tacana Apocalipsis 15 Bible Online

Apocalipsis 15 - Tacana bible

Apocalipsis 15

¹Da su beju yama pia nimetiuda aida cielo su bana. Siete ángel cuana siete tije jamatseti cuana metse yama bana. Tueda siete jamatseti cuana neje Diusu ja mesa castigo jubida yapeta.

²Mar aida, cuareda, cristal nime, cuati utsu neje huaru yama bana. Ai senida madhada, eimea detse pishitiameji cuana mar queque su anitaina. Diusu ja tiatana harpa metse cama putaina.

³Moisés chenu ja dharetaidha satsu satsutanetina huecuana. Huisha Janana Nime jepuiti satsu di satsutanetina huecuana tu emitsutsua puji. Beju uja satsutanetina huecuana:Echua Puji, mida da Diusu aida, tucheda.Nimetiuda aida mique ai jaati cuana.Mida da huaraji aida pamapa ejude cuana bia su.Mida da saida, nimebutsepi.

⁴Pamapa ja iyubataque.Saida bataque huecuana, mida bahui jucha mahue putsu.Pamapa cristiano cuana pamapa ejude cuana jenetia epueta mi emitsutsua puji, mida da nimebutsepi batana huecuana putsu. Daja satsutana huecuana.

⁵Da su neicha cielo su yani templo yama bana. Templo dume su Diusu sa ani jude iyuda yama bana.

⁶Templo jenetia siete ángel cuana siete jamatsetiji cama cuinanatana. Jud'uji pasane cama huecuana. Oro jenetia eturisiji cuana etsedu teje babujiji putaina.

⁷Piada ai eid'e ja tueda siete ángel cuana siete emeji cuana oro jenetia ajiji tiatana. Tueda emeji cuana da Diusu sa duinini neje sejeajiji putaina.

⁸Beju da hora su templo judu neje sejeana. Tueda judu Diusu peje jenetia cuinanana. Aimue aidhe biame templo su cuaja nubi taji mahue jabatitana siete ai iyuda cuana ed'uichapeta teje.