Read Китоби Муқаддас 1992, 2016 Ҳастӣ 5 Bible Online

Ҳастӣ 5 - Китоби Муқаддас 1992, 2016 bible

Ҳастӣ 5

¹Ин аст китоби насаби Одам: дар рӯзе ки Худо одамро офарид, ба шабоҳати Худо ӯро сохт;

²Нару мода онҳоро офарид, ва онҳоро баракат дод, ва онҳоро, дар рӯзи офариниши онҳо, одам ном ниҳод.

³Ва Одам саду сӣ сол бизист, ва писаре ба шабоҳати худ, ба сурати худ ба дуньё овард, ва ӯро Шет номид.

⁴Ва айёми Одам, баъд аз таваллуди Шет, ҳаштсад сол буд, ва ӯ писарону духтарон ба дуньё овард.

⁵Пас тамоми айёми умри Одам нӯҳсаду сӣ сол буд; ва ӯ мурд.

⁶Ва Шет саду панҷ сол бизист, ва Анӯшро ба дуньё овард.

⁷Ва Шет, баъд аз таваллуди Анӯш, ҳаштсаду ҳафт сол бизист, ва писарону духтарон ба дуньё овард.

⁸Пас тамоми айёми Шет нӯҳсаду дувоздаҳ сол буд; ва ӯ мурд.

⁹Ва Анӯш навад сол бизист, ва Қенонро ба дуньё овард.

¹⁰Ва Анӯш, баъд аз таваллуди Қенон, ҳаштсаду понздаҳ сол бизист, ва писарону духтарон ба дуньё овард.

¹¹Пас тамоми айёми Анӯш нӯҳсаду панҷ сол буд; ва ӯ мурд.

¹²Ва Қенон ҳафтод сол бизист, ва Маҳалалъилро ба дуньё овард.

¹³Ва Қенон, баъд аз таваллуди Маҳалалъил, ҳаштсаду чил сол бизист, ва писарону духтарон ба дуньё овард.

¹⁴Пас тамоми айёми Қенон нӯҳсаду даҳ сол буд; ва ӯ мурд.

¹⁵Ва Маҳалалъил шасту панҷ сол бизист, ва Ёрадро ба дуньё овард.

¹⁶Ва Маҳалалъил баъд аз таваллуди Ёрад, ҳаштсаду сӣ сол бизист, ва писарону духтарон ба дуньё овард.

¹⁷Пас тамоми айёми Маҳалалъил ҳаштсаду наваду панҷ сол буд; ва ӯ мурд.

¹⁸Ва Ёрад саду шасту ду сол бизист, ва Ҳанӯхро ба дуньё овард.

¹⁹Ва Ёрад, баъд аз таваллуди Ҳанӯх, ҳаштсад сол бизист, ва писарону духтарон ба дуньё овард.

²⁰Пас тамоми айёми Ёрад нӯҳсаду шасту ду сол буд; ва ӯ мурд.

²¹Ва Ҳанӯх шасту панҷ сол бизист, ва Матушолаҳро ба дуньё овард.

²²Ва Ҳанӯх, баъд аз таваллуди Матушолаҳ, сесад сол пеши Худо роҳ рафт, ва писарону духтарон ба дуньё овард.

²³Пас тамоми айёми Ҳанӯх сесаду шасту панҷ сол буд.

²⁴Ва Ҳанӯх пеши Худо роҳ рафт, ва нопайдо шуд, зеро ки Худо ӯро гирифт.

²⁵Ва Матушолаҳ саду ҳаштоду ҳафт сол бизист, ва Ломакро ба дуньё овард.

²⁶Ва Матушолаҳ, баъд аз таваллуди Ломак, ҳафтсаду ҳаштоду ду сол бизист, ва писарону духтарон ба дуньё овард.

²⁷Пас тамоми айёми Матушолаҳ нӯҳсаду шасту нӯҳ сол буд; ва ӯ мурд.

²⁸Ва Ломак саду ҳаштоду ду сол бизист, ва писаре ба дуньё овард.

²⁹Ва ӯро Нӯҳ ном ниҳода, гуфт: «Ин моро тасаллӣ хоҳад дод аз аъмоли мо ва аз заҳмати дастҳои мо аз замине ки Худованд ба он лаънат хонд».

³⁰Ва Ломак, баъд аз таваллуди Нӯҳ, панҷсаду наваду панҷ сол бизист, ва писарону духтарон ба дуньё овард.

³¹Пас тамоми айёми Ломак ҳафтсаду ҳафтоду ҳафт сол буд; ва ӯ мурд.

³²Ва Нӯҳ панҷсадсола буд, ва Нӯҳ Сом, Ҳом ва Ёфатро ба дуньё овард.