Read Китоби Муқаддас 1992, 2016 1 Вақоеънома 15 Bible Online

1 Вақоеънома 15 - Китоби Муқаддас 1992, 2016 bible

1 Вақоеънома 15

¹Ва ӯ барои худ хонаҳо дар шаҳри Довуд сохт, ва барои сандуқи Худо маконе тайёр кард, ва хаймае барои он барпо намуд.

²Он гоҳ Довуд гуфт, ки ғайр аз левизодагон касе сандуқи Худоро набардорад, зеро Худованд онҳоро баргузидааст, то ки сандуқи Худоро бардоранд, ва хизмати онро ба сурати абадӣ ба ҷо оваранд.

³Ва Довуд тамоми Исроилро дар Ерусалим ҷамъ кард, то ки сандуқи Худовандро ба маконе ки барои он тайёр карда буд, бароранд.

⁴Ва Довуд писарони Ҳорун ва левизодагонро ҷамъ кард:

⁵Аз банӣ‐Қаҳот — Уриили сардор ва саду бист нафар бародаронашро;

⁶Аз банӣ‐Марорӣ — Асоёи сардор ва дусаду бист нафар бародаронашро;

⁷Аз банӣ‐Ҷершӯн — Юили сардор ва саду сӣ нафар бародаронашро;

⁸Аз банӣ‐Элисофон — Шамаъёи сардор ва дусад нафар бародаронашро;

⁹Аз банӣ Ҳебрӯн — Алиили сардор ва ҳаштод нафар бародаронашро;

¹⁰Аз банӣ‐Узиил — Аминодоби сардор ва саду дувоздаҳ нафар бародаронашро.

¹¹Ва Довуд коҳинон Содӯқ ва Абьётор ва левизодагон Уриил, Асоё ва Юил, Шамаъё ва Алиил ва Аминодобро даъват намуда,

¹²Ба онҳо гуфт: «Шумо сардорони хонаводаҳои левизодагон ҳастед, пас шумо ва бародарони шумо худро тақдис намоед, ва сандуқи Худованд Худои Исроилро ба маконе ки барояш тайёр кардаам, бардошта биёред,

¹³Зеро, азбаски бори аввал шумо онро набардоштед, Худованд Худои мо моро зарба зад, чунки онро бар тибқи қонун толиб нашудем».

¹⁴Ва коҳинон ва левизодагон худро тақдис карданд, то ки сандуқи Худованд Худои Исроилро бардошта биёранд.

¹⁵Ва писарони левизодагон ончунон, ки Мусо бар тибқи каломи Худованд амр фармуда буд, дастакҳои сандуқи Худоро бар китфҳои худ гузошта, онро бардоштанд.

¹⁶Ва Довуд ба сардорони левизодагон амр фармуд, ки бародарони муғаннии худро бо асбоби мусиқӣ: бо удҳо ва барбатҳо ва санҷҳо таъин намоянд, то ки онҳо бо овози баланд суруд хонда, мардумро ба ваҷд оваранд.

¹⁷Ва левизодагон Ҳеймон ибни Юил, ва аз бародарони вай — Ософ ибни Боракьёҳу, ва аз бародарони онҳо, аз банӣ‐Марорӣ, Эйтон ибни Қушоёҳуро таъин карданд;

¹⁸Ва бо онҳо бародарони дараҷаи дуюми онҳо: Закарьёҳу ва Бен ва Яазиил ва Шамиромӯт ва Яҳиил ва Уннӣ ва Элиоб ва Баноёҳу ва Маасиёҳу ва Маттитьёҳу ва Элифалиҳу ва Миқниёҳу ва Убайд‐Адӯм ва Яиилро, ки дарбон буданд;

¹⁹Ва муғанниён: Ҳеймон ва Ософ ва Эйтонро бо санҷҳои мисин, то ки бизананд;

²⁰Ва Закарьё ва Азиил ва Шамиромӯт ва Яҳиил ва Уннӣ ва Элиоб ва Маасиёҳу ва Баноёҳуро бо удҳо бар сози аломӯт;

²¹Ва Маттитьёҳу ва Элифалиҳу ва Миқниёҳу ва Убайд‐Адӯм ва Яиил ва Азазьёҳуро бо барбатҳо бар сози ҳашттор, то ки якканавозӣ кунанд.

²²Ва Кананьёҳу сардори левизодагон дар сурудгӯӣ буд, ва ба муғанниён роҳбарӣ мекард, чунки дар ин кор маҳорат дошт.

²³Ва Боракьё ва Элқоно дарбонони назди сандуқ буданд.

²⁴Ва Шабаньёҳу ва Йӯшофот ва Натанъил ва Амосай ва Закарьёҳу ва Баноёҳу ва Элиозар, ки коҳин буданд, пеши сандуқи Худо карнай менавохтанд. Ва Убайд‐Адӯм ва Яҳиё дарбонони назди сандуқ буданд.

²⁵Ва Довуд ва пирони Исроил ва мириҳазорон рафтанд, то ки сандуқи аҳди Худовандро аз хонаи Убайд‐Адӯм бо шодмонӣ бардошта биёранд.

²⁶Ва чун Худо ба левизодагони бардорандаи сандуқи аҳди Худованд мададгор шуд, ҳафт наргов ва ҳафт қӯчқорро қурбонӣ карданд.

²⁷Ва Довуд либосе аз катони нозук пӯшида буд, ва ҳамчунин ҳамаи левизодагони бардорандаи сандуқ, ва муғанниён, ва Кананьё, ки ба сурудгӯии муғанниён сардорӣ мекард. Ва Довуд эфӯди катон дар бар дошт.

²⁸Ва тамоми Исроил сандуқи аҳди Худовандро бо нидоҳои шодӣ ва садоҳои шох, карнай ва санҷҳо бардошта мебурданд, ва уд ва барбат менавохтанд.

²⁹Ва ҳангоме ки сандуқи аҳди Худованд ба шаҳри Довуд дохил мешуд, Микал бинти Шоул аз тиреза нигоҳ карда, подшоҳ Довудро дид, ки рақсу бозӣ мекунад, дар дили худ аз ӯ нафрат намуд.