Read Китоби Муқаддас 1992, 2016 1 Вақоеънома 24 Bible Online

1 Вақоеънома 24 - Китоби Муқаддас 1992, 2016 bible

1 Вақоеънома 24

¹Ва ин аст тақсимоти банӣ‐Ҳорун: писарони Ҳорун: Нодоб ва Абиҳу, Элъозор ва Итомор.

²Ва Нодоб ва Абиҳу пеш аз падари худ мурданд, ва онҳо писаре надоштанд; ва Элъозор ва Итомор коҳинӣ карданд.

³Ва Довуд онҳоро, — ба ёрии Содӯқ аз банӣ‐Элъозор, ва Аҳималик аз банӣ‐Итомор, — ба навбатҳои онҳо дар хизматашон тақсим кард.

⁴Ва дар миёни банӣ‐Элъозор мардони сардор назар ба банӣ‐Итомор бештар ёфт шуданд, пас онҳоро ба таври зерин тақсим карданд: аз банӣ‐Элъозор шонздаҳ сардори хонавода, ва аз банӣ‐Итомор ҳашт сардори хонавода.

⁵Ва онҳоро ба воситаи қуръа тақсим карданд, — якеро бо дигаре, — зеро ки сарварони қудс ва сарварони хонаи Худо ҳам аз банӣ‐Элъозор буданд ва ҳам аз банӣ‐Итомор.

⁶Ва Шамаъё ибни Натанъили котиб, ки аз левизодагон буд, номҳои онҳоро ба ҳузури подшоҳ ва сарварон, ва Содӯқи коҳин, ва Аҳималик ибни Абьётор, ва сардорони хонаводаҳои коҳинон ва левизодагон навишт; як хонавода аз банӣ‐Элъозор гирифта шуд, ва сонӣ аз банӣ‐Итомор гирифта шуд.

⁷Ва қуръаи якум барои Еҳӯёриб баромад, дуюм — барои Едаъё;

⁸Сеюм — барои Ҳорим, чорум — барои Саӯрим;

⁹Панҷум — барои Малкиё, шашум — барои Миёмин;

¹⁰Ҳафтум — барои Ҳаққӯс, ҳаштум — барои Абиё;

¹¹Нӯҳум — барои Ешуа, даҳум — барои Шаканьёҳу;

¹²Ёздаҳум — барои Эльёшиб, дувоздаҳум — барои Ёқим;

¹³Сездаҳум — барои Ҳуффо, чордаҳум — барои Ешабъоб;

¹⁴Понздаҳум — барои Билҷо, шонздаҳум — барои Иммир;

¹⁵Ҳафдаҳум — барои Ҳизир, ҳаждаҳум — барои Ҳафиссис;

¹⁶Нуздаҳум — барои Фатаҳьё, бистум — барои Ҳизқиёл;

¹⁷Бисту якум — барои Ёкин, бисту дуюм — барои Ҷомул;

¹⁸Бисту сеюм — барои Далоёҳу, бисту чорум — барои Маазьёҳу.

¹⁹Ҳамин аст навбатҳои онҳо дар хизматашон, барои дохил шудан ба хонаи Худованд, бар тибқи дастуруламале ки ба воситаи падарашон Ҳорун ба онҳо дода шудааст, чунон ки Худованд Худои Исроил ба вай амр фармуда буд.

²⁰Ва дар бораи бақияи банӣ‐Левӣ: аз писарони Амром — Шубоил, аз писарони Шубоил — Еҳдиёҳу;

²¹Аз Раҳабьёҳу: аз писарони Раҳабьёҳу — сардорашон Йишшиё;

²²Аз йисҳориён — Шалӯмӯт; аз писарони Шалӯмӯт — Яҳат;

²³Ва аз писарони Ҳебрӯн: Ериёҳу — сардорашон, Амарьёҳу — дуюм, Яҳазиил — сеюм, Еқамъом — чорум;

²⁴Писарони Узиил: Мико; аз писарони Мико — Шомир;

²⁵Бародари Мико — Йишшиё; аз писарони Йишшиё — Закарьёҳу;

²⁶Писарони Марорӣ: Маҳлӣ ва Мушӣ; писарони Яазиёҳу — Банӯ;

²⁷Писарони Марорӣ: аз они Яазиёҳу — Банӯ ва Шӯҳам ва Заккур ва Ибрӣ;

²⁸Аз они Маҳлӣ — Элъозор, вале вай писаре надошт;

²⁹Аз они Қиш: писарони Қиш — Ераҳмеил;

³⁰Ва писарони Мушӣ: Маҳлӣ ва Эдар ва Еримӯт. Инҳо писарони левизодагон бар ҳасби хонаводаҳошон мебошанд.

³¹Ва онҳо низ, дар баробари бародарони худ банӣ‐Ҳорун, ба ҳузури подшоҳ Довуд ва Содӯқ ва Аҳималик ва сардорони хонаводаҳои коҳинон ва левизодагон қуръа партофтанд, — сардори хонавода дар баробари бародари хурдии худ.