Read Китоби Муқаддас 1992, 2016 Наҳемё 10 Bible Online

Наҳемё 10 - Китоби Муқаддас 1992, 2016 bible

Наҳемё 10

¹Ва касоне ки мӯҳр гузоштанд, инҳоянд: Наҳемьёи волӣ ибни Ҳакальё, ва Сидқиё,

²Сароё, Азарьё, Ирмиё,

³Фашхур, Амарьё, Малкиё,

⁴Ҳаттуш, Шабаньё, Маллук,

⁵Ҳорим, Маримут, Убадьё,

⁶Дониёл, Ҷинтун, Борук,

⁷Машуллом, Абийё, Мийёмин,

⁸Маазьё, Билҷай, Шамаъё — инҳо коҳинонанд.

⁹Ва левизодагон: Ешуа ибни Азаньё, Биннуй аз зодагони Ҳенодод, Қадмиил.

¹⁰Ва бародарони онҳо: Шабаньё, Худиё, Қалито, Фалоё, Ҳонон,

¹¹Мико, Раҳуб, Ҳашабьё,

¹²Заккур, Шарабьё, Шабаньё,

¹³Ҳудиё, Бонӣ, Банину.

¹⁴Сардорони қавм: Фаръуш, ҳокими Мӯоб, Элом, Затту, Бонӣ,

¹⁵Буннӣ, Азҷод, Бебой,

¹⁶Адуниё, Биҷвай, Один,

¹⁷Отир, Ҳизқиё, Аззур,

¹⁸Ҳудиё, Ҳошум, Бесой,

¹⁹Ҳориф, Анотӯт, Нибой,

²⁰Маҷфиош, Машуллом, Ҳизир,

²¹Машизабъил, Содӯқ, Яддуа,

²²Фалатьё, Ҳонон, Аноё,

²³Ҳушиа, Ҳананьё, Ҳашшуб,

²⁴Ҳалуҳиш, Филҳо, Шубак,

²⁵Раҳум, Ҳашабно, Маасиё,

²⁶Аҳиё, Ҳонон, Онон,

²⁷Маллук, Ҳорим, Баано.

²⁸Ва бақияи қавм: коҳинон, левизодагон, дарбонон, муғанниён, тобеон ва ҳамаи онҳое ки аз қавмҳои кишварҳо ҷудо шуда, ба Тавроти Худо пайвастаанд, занон, писарон ва духтарони онҳо, ҳамаи онҳое ки ба фаҳмидан лаёқат доштанд,

²⁹Бародарони худ ва калоншавандагони худро дастгирӣ карданд, ва омада, савганду қасам хӯрданд, ки бар тибқи Тавроти Худо, ки ба воситаи Мусои бандаи Худо дода шудааст, рафтор намоянд, ва тамоми аҳкоми Худованд Худои мо ва қонунҳо ва фароизи Ӯро нигоҳ доранд ва ба ҷо оваранд.

³⁰Ва духтарони худро ба қавмҳои замин надиҳем, ва духтарони онҳоро ба писарони худ нагирем.

³¹Ва чун қавмҳои замин дар рӯзи шанбе мол ва ҳар навъ хӯрокворӣ барои фурӯш биёранд, аз онҳо дар рӯзи шанбе ва дар рӯзҳои муқаддас нахарем, ва дар соли ҳафтум коркарди замин ва ҳар даъвои қарзро тарк кунем.

³²Ва ҳамчун ҳукме ба зиммаи худ гирифтем, ки дар як сол сеяки сиқлро барои хизмати хонаи Худои мо бидиҳем:

³³Барои нони тақдим ва ҳадияи ордии доимӣ, барои қурбонии сӯхтании доимӣ, барои қурбониҳои шанбе, навмоҳ ва идҳо, барои қурбониҳои ҷамоат, барои қурбонии гуноҳҳо, то кафорате барои Исроил бишавад, ва барои тамоми кори хонаи Худои мо.

³⁴Ва мо дар миёни коҳинон, левизодагон ва қавм барои ҳадияи ҳезум қуръа партофтем, ки онро ба хонаи Худои худ мувофиқи хонаводаҳо сол ба сол дар вақтҳои муайян биёрем, то ки бар қурбонгоҳи Худованд Худои мо, бар тибқи он чи дар Таврот навишта шудааст, бисӯзонем;

³⁵Ва навбарҳои замини худ ва навбарҳои ҳар меваи ҳар дарахтро сол ба сол ба хонаи Худованд биёрем;

³⁶Ва нахустзодаҳои писарони худ ва чорпоёни худро бар тибқи он чи дар Таврот навишта шудааст, ва нахустзодаҳои говон ва гӯсфандони худро ба хонаи Худои мо, барои коҳиноне ки дар хонаи Худои мо хизмат мекунанд, биёрем.

³⁷Ва навбари хамири худ ва ҳадияҳои худ ва меваи ҳар дарахт, шираи ангур ва равғани зайтунро барои коҳинон ба хуҷраҳои хонаи Худои мо, ва ушри замини худро барои левизодагон хоҳем овард, ки ин левизодагон ушрро дар ҳамаи шаҳрҳои зироати мо мегиранд.

³⁸Ва ҳангоме ки левизодагон ушр мегиранд, коҳине аз насли Ҳорун бо левизодагон хоҳад буд, ва левизодагон ушре аз он ушр ба хонаи Худои мо, ба хуҷраҳои махзан хоҳанд овард.

³⁹Зеро ки банӣ‐Исроил ва зодагони Левӣ ҳадияҳои ғалла, шираи ангур ва равғани зайтунро бояд ба ҳамин ҳуҷраҳо биёранд, ки дар он ҷо зарфҳои муқаддас, ва коҳинони хизматгузор, ва дарбонон ва муғанниён ҳозиранд; ва мо хонаи Худои худро тарк нахоҳем кард.