Read Китоби Муқаддас 1992, 2016 Наҳемё 7 Bible Online

Наҳемё 7 - Китоби Муқаддас 1992, 2016 bible

Наҳемё 7

¹Ва чун ҳисор бино ёфт, ва ман дарҳояшро шинондам, ва дарбонону муғанниёну левизодагон таъин карда шуданд,

²Ман бародарам Ҳанониро, яъне Ҳананьёи сарвари калъаро, бар Ерусалим таъин намудам, зеро ки ӯ бештар аз бисьёр касони дигар шахси амин ва худотарс буд.

³Ва ба онҳо гуфтам: «Бигзор дарвозаҳои Ерусалимро, то офтоб гарм нашавад, воз накунанд, ва ҳанӯз ки онҳо ҳозиранд, дарҳоро баста, куфл зананд; ва бигзор аз сокинони Ерусалим посбонҳо гузошта шаванд, то ки ҳар кас дар посбонии худ ва ҳар кас дар рӯ ба рӯи хонаи худ бошад».

⁴Ва шаҳр фарох ва бузург, вале қавм андаруни он кам, ва хонаҳо бино наёфта буд.

⁵Ва Худои ман ба дилам ниҳод, ки калоншавандагон ва сардорон ва қавмро ҷамъ оварам, то ки насабномаҳошонро муқаррар намоям. Ва дафтари насабномаи онҳоеро, ки дафъаи аввал омада буданд, пайдо кардам, ва чунин навиштае дар он ёфтам:

⁶Инҳоянд сокинони мамлакат, ки аз асирии ҳиҷрат, ки Набукаднесар, подшоҳи Бобил ба асирӣ бурда буд, ба Ерусалим ва Яҳудо, ҳар яке ба шаҳри худ баргаштанд, —

⁷Онҳое ки бо Зарубобил, Ешуа, Наҳемьё, Азарьё, Раамьё, Наҳамонӣ, Мордахай, Билшон, Мисперет, Биҷвай, Наҳум ва Баано омаданд. Шумораи одамони қавми Исроил:

⁸Зодагони Фаръуш — ду ҳазору саду ҳафтоду ду.

⁹Зодагони Шафатьё — сесаду ҳафтоду ду.

¹⁰Зодагони Ораҳ — шашсаду панҷоҳу ду.

¹¹Зодагони ҳокими Мӯоб, аз фарзандони Ешуа ва Юоб — ду ҳазору ҳаштсаду ҳаждаҳ.

¹²Зодагони Элом — ҳазору дусаду панҷоҳу чор.

¹³Зодагони Затту — ҳаштсаду чилу панҷ.

¹⁴Зодагони Заккой — ҳафтсаду шаст.

¹⁵Зодагони Биннуй — шашсаду чилу ҳашт.

¹⁶Зодагони Бебой — шашсаду бисту ҳашт.

¹⁷Зодагони Азҷод — ду ҳазору сесаду бисту ду.

¹⁸Зодагони Адуниқом — шашсаду шасту ҳафт.

¹⁹Зодагони Биҷвай — ду ҳазору шасту ҳафт.

²⁰Зодагони Один — шашсаду панҷоҳу панҷ.

²¹Зодагони Отир илова ба зодагони Ҳизқиё — наваду ҳашт.

²²Зодагони Ҳошум — сесаду бисту ҳашт.

²³Зодагони Бесой — сесаду бисту чор.

²⁴Зодагони Ҳориф — саду дувоздаҳ.

²⁵Зодагони Ҷибъӯн — наваду панҷ.

²⁶Мардуми Байт‐Лаҳм ва Натуфо — саду ҳаштоду ҳашт.

²⁷Мардуми Анотӯт — саду бисту ҳашт.

²⁸Мардуми Байт‐Азмавт — чилу ду.

²⁹Мардуми Қирьят‐Еорим, Кфиро ва Баэрӯт — ҳафтсаду чилу се.

³⁰Мардуми Ромо ва Ҷобаъ — шашсаду бисту як.

³¹Мардуми Микмос — саду бисту ду.

³²Мардуми Байт‐Ил ва Ой — саду бисту се.

³³Мардуми Набӯи дигар — панҷоҳу ду.

³⁴Мардуми Эломи дигар — ҳазору дусаду панҷоҳу чор.

³⁵Зодагони Ҳорим — сесаду бист.

³⁶Зодагони Ериҳӯ — сесаду чилу панҷ.

³⁷Зодагони Луд, Ҳодид ва Уну — ҳафтсаду бисту як.

³⁸Зодагони Саноо — се ҳазору нӯҳсаду сӣ.

³⁹Коҳинон: зодагони Едаъё аз хонадони Ешуа — нӯҳсаду ҳафтоду се.

⁴⁰Зодагони Иммир — ҳазору панҷоҳу ду.

⁴¹Зодагони Фашҳур — ҳазору дусаду чилу ҳафт.

⁴²Зодагони Ҳорим — ҳазору ҳафдаҳ.

⁴³Левизодагон: зодагони Ешуа ва Қадмиил илова ба зодагони Худво — ҳафтоду чор.

⁴⁴Муғанниён: зодагони Ософ — саду чилу ҳашт.

⁴⁵Дарбонон: зодагони Шаллум, зодагони Отир, зодагони Талмун, зодагони Аққуб, зодагони Ҳатито ва зодагони Шубой — саду сиву ҳашт.

⁴⁶Тобеон: зодагони Сиҳо, зодагони Ҳасуфо, зодагони Таббоут,

⁴⁷Зодагони Қерус, зодагони Сио, зодагони Фодун,

⁴⁸Зодагони Лабоно, зодагони Ҳаҷобо, зодагони Салмой,

⁴⁹Зодагони Ҳонон, зодагони Ҷиддил, зодагони Ҷаҳар,

⁵⁰Зодагони Раоё, зодагони Расин, зодагони Нақудо,

⁵¹Зодагони Ҷаззом, зодагони Уззо, зодагони Фосеҳо,

⁵²Зодагони Бесай, зодагони Мауним, зодагони Нафишсим,

⁵³Зодагони Бақбуқ, зодагони Ҳақуфо, зодагони Ҳарҳур,

⁵⁴Зодагони Баслит, зодагони Маҳидо, зодагони Ҳаршо,

⁵⁵Зодагони Барқӯс, зодагони Сисро, зодагони Томаҳ,

⁵⁶Зодагони Насиҳо, зодагони Ҳатифо.

⁵⁷Зодагони ғуломони Сулаймон: зодагони Сутай, зодагони Сӯферет, зодагони Фридо,

⁵⁸Зодагони Яъло, зодагони Дарқун, зодагони Ҷиддил,

⁵⁹Зодагони Шафатьё, зодагони Ҳаттил, зодагони Фухерет‐Ҳасбоим, зодагони Омун —

⁶⁰Ҷамъи тобеон ва зодагони ғуломони Сулаймон — сесаду наваду ду.

⁶¹Ва инҳоянд касоне ки аз Тал‐Милҳ, Тал‐Ҳаршо, Каруб‐Аддон ва Иммир баромадаанд, вале хонадон ва аслу насаби худро натавонистаанд бигӯянд, ки оё аз Исроил ҳастанд ё не:

⁶²Зодагони Далоё, зодагони Тубиё, зодагони Нақудо — шашсаду чилу ду.

⁶³Ва аз коҳинон: зодагони Ҳобайё, зодагони Ҳаққӯс — зодагони Барзилай, ки вай аз духтарони Барзилаи Ҷилъодӣ зан гирифта, бо номи онҳо хонда шудааст.

⁶⁴Инҳо насабномаи худро ҷустуҷӯ намуда, наёфта буданд, — ва аз каҳонат хориҷ карда шуданд.

⁶⁵Ва волӣ ба онҳо гуфт, ки то кохине дар пеши урим ва туммим наистад, аз кудси қудсҳо нахӯранд.

⁶⁶Тамоми ин ҷамоат ба якҷоягӣ чилу ду ҳазору сесаду шаст нафар буданд,

⁶⁷Ба ғайр аз ғуломон ва канизонашон; инҳо ҳафт ҳазору сесаду сиву ҳафт нафар буданд; ва ҳамроҳашон дусаду чилу панҷ нафар муғаннӣ ва муғаннияҳо буданд.

⁶⁸Аспҳои онҳо — ҳафтсаду сиву шаш; хачирҳои онҳо — дусаду чилу панҷ;

⁶⁹Уштурҳо — чорсаду сиву панҷ; харҳо — шаш ҳазору ҳафтсаду бист.

⁷⁰Ва баъзе аз сардорони хонаводаҳо ионат барои кор доданд. Волӣ ба хазина ҳазор дирҳам тилло, панҷоҳ коса ва панҷсаду сӣ пероҳани каҳонат дод.

⁷¹Ва аз сардорони хонаводаҳо ба хазина барои кор бист ҳазор дирҳам тилло ва ду ҳазору дусад мино нуқра доданд.

⁷²Ва бақияи қавм бист ҳазор дирҳам тилло, ду ҳазор мино нуқра ва шасту ҳафт пероҳани каҳонат доданд.

⁷³Ва коҳинон, ва левизодагон, ва дарбонон, ва муғанниён ва баъзе аз қавм, ва тобеон, ва тамоми Исроил дар шаҳрҳои худ маскан гирифтанд. Ва моҳи ҳафтум фаро расид, ва банӣ‐Исроил дар шаҳрҳои худ буданд.