Read Китоби Муқаддас 1992, 2016 Забур 111 Bible Online

Забур 111 - Китоби Муқаддас 1992, 2016 bible

Забур 111

¹Ҳалелуёҳ. Хушо касе ки аз Худованд метарсад; ба аҳкоми Ӯ бисьёр шавқ дорад.

²Зурьёти ӯ дар замин зӯровар хоҳанд буд; насли росткорон баракат хоҳанд ёфт.

³Фаровонӣ ва сарват дар хонаи ӯст; ва адолати ӯ то абад қоим аст.

⁴Дар торикӣ барои росткорон нур тулӯъ мекунад; бахшанда ва раҳим ва одил аст.

⁵Некӯст касе ки мебахшад ва қарз медиҳад; корҳои худро аз рӯи инсоф мураттаб менамояд.

⁶Зеро ки ҳаргиз фурӯ нахоҳад ғалтид: одил то абад зикр хоҳад ёфт.

⁷Аз овозаи бад наметарсад; дилаш қавист, ба Худованд таваккал мекунад.

⁸Дилаш матин аст, наметарсад; то даме ки нокомии адуёнашро бубинад.

⁹Исроф намудааст: ба мискинон тақсим карда додааст; адолаташ то абад қоим аст; шохаш дар ҷалол баланд хоҳад шуд.

¹⁰Шарир инро дида, ба хашм хоҳад омад, дандонҳояшро ғиҷиррос занонда, сӯзу гудоз хоҳад кард; орзуи шарирон нест хоҳад шуд.