Read Китоби Муқаддас 1992, 2016 Ададҳо 2 Bible Online

Ададҳо 2 - Китоби Муқаддас 1992, 2016 bible

Ададҳо 2

¹Ва Худованд ба Мусо ва Ҳорун сухан ронда, гуфт:

²«Бигзор банӣ‐Исроил ҳар яке назди байрақи худ бар ҳасби нишонҳои хонадонашон хайма зананд; дар рӯ ба рӯи хаймаи ҷомеъ гирдогирд хайма зананд.

³Ва аз тарафи пеши шарқӣ аҳли байрақи ӯрдуи Яҳудо бар ҳасби фавҷҳошон хайма мезананд, ва раиси банӣ‐Яҳудо Наҳшӯн ибни Амминодоб аст;

⁴Ва фавҷи ӯ, ки дар шумор оварда шудаанд, ҳафтоду чор ҳазору шашсад нафаранд.

⁵Ва дар паҳлуи вай сибти Иссокор хайма мезананд, ва раиси банӣ‐Иссокор Натанъил ибни Суор аст;

⁶Ва фавҷи ӯ, ки дар шумор оварда шудаанд, панҷоҳу чор ҳазору чорсад нафаранд;

⁷Ва сонӣ сибти Забулун, ки раиси сибти Забулун Элиоб ибни Ҳилӯн аст;

⁸Ва фавҷи ӯ, ки дар шумор оварда шудаанд, панҷоҳу ҳафт ҳазору чорсад нафаранд.

⁹Ҳамаи дар шумор овардашудагон дар ӯрдуи Яҳудо бар ҳасби фавҷҳошон саду ҳаштоду шаш ҳазору чорсад нафаранд; онҳо бояд аввалин шуда кӯч кунанд.

¹⁰Байрақи ӯрдуи Реубен бояд ба тарафи ҷанубӣ бар ҳасби фавҷҳошон бошад, ва раиси банӣ‐Реубен Элисур ибни Шадиур аст;

¹¹Ва фавҷи ӯ, ки дар шумор оварда шудаанд, чилу шаш ҳазору панҷсад нафаранд;

¹²Ва дар паҳлуи вай сибти Шимъӯн хайма мезананд, ки раиси банӣ‐Шимъӯн Шалумиил ибни Суришаддой аст;

¹³Ва фавҷи ӯ, ки дар шумор оварда шудаанд, панҷоҳу нӯҳ ҳазору сесад нафаранд;

¹⁴Ва сонӣ сибти Ҷод, ки раиси банӣ‐Ҷод Эльёсоф ибни Рауил аст;

¹⁵Ва фавҷи ӯ, ки дар шумор оварда шудаанд, чилу панҷ ҳазору шашсаду панҷоҳ нафаранд.

¹⁶Ҳамаи дар шумор овардашудагон дар ӯрдуи Реубен бар ҳасби фавҷҳошон саду панҷоҳу як ҳазору чорсаду панҷоҳ нафаранд; онҳо бояд дуюмин шуда кӯч кунанд.

¹⁷Ва ҳангоме ки хаймаи ҷомеъ кӯч кунад, ӯрдуи левизодагон дар миёни ӯрдуҳо хоҳад буд; чунон ки ист кардаанд, ончунон бояд ҳар яке дар ҷои ҳуд бар ҳасби байрақҳои худ кӯч кунанд.

¹⁸Байрақи ӯрдуи Эфроим бояд ба тарафи ғарбӣ бар тибқи фавҷҳошон бошад, ва раиси банӣ‐Эфроим Элишомоъ ибни Аммиҳуд аст;

¹⁹Ва фавҷи ӯ, ки дар шумор оварда шудаанд, чил ҳазору панҷсад нафаранд;

²⁰Ва дар паҳлуи вай — сибти Менашше, ки раиси банӣ‐Менашше Ҷамлиил ибни Фадоҳсур аст;

²¹Ва фавҷи ӯ, ки дар шумор оварда шудаанд, сию ду ҳазору дусад нафаранд.

²²Ва сонӣ — сибти Биньёмин, ки раиси банӣ‐Биньёмин Абидон ибни Ҷидъӯнӣ аст;

²³Ва фавҷи ӯ, ки дар шумор оварда шудаанд, сию панҷ ҳазору чорсад нафаранд.

²⁴Ҳамаи дар шумор овардашудагон дар ӯрдуи Эфроим бар ҳасби фавҷҳошон саду ҳашт ҳазору сад нафаранд; онҳо бояд сеюмин шуда кӯч кунанд.

²⁵Байрақи ӯрди Дон бояд ба тарафи шимолӣ бар тибқи фавҷҳошон бошад, ва раиси банӣ‐Дон Аҳиозар ибни Аммишаддой аст;

²⁶Ва фавҷи ӯ, ки дар шумор оварда шудаанд, шасту ду ҳазору ҳафтсад нафаранд.

²⁷Ва дар паҳлуи вай сибти Ошер хайма мезананд, ки раиси банӣ‐Ошер Фаҷъиил ибни Окрон аст;

²⁸Ва фавҷи ӯ, ки дар шумор оварда шудаанд, чилу як ҳазору панҷсад нафаранд.

²⁹Ва сонӣ — сибти Нафтолӣ, ки раиси банӣ‐Нафтолӣ Аҳираъ ибни Энон аст;

³⁰Ва фавҷи ӯ, ки дар шумор оварда шудаанд, панҷоҳу се ҳазору чорсад нафаранд.

³¹Ҳамаи дар шумор овардашудагон дар ӯрдуи Дон саду панҷоҳу ҳафт ҳазору шашсад нафаранд; онҳо бояд охирин шуда таҳти байрақҳои худ кӯч кунанд.

³²Инҳоянд дар шумор овардашудагони банӣ‐Исроил бар ҳасби хонадонашон; ҳамаи дар шумор овардашудагони ӯрдуҳо бар ҳасби фавҷҳошон шашсаду се ҳазору панҷсаду панҷоҳ нафаранд».

³³Валекин левизодагон дар миёни банӣ‐Исроил дар шумор оварда нашуданд, чунон қи Худованд ба Мусо амр фармуда буд.

³⁴Ва банӣ‐Исроил мувофиқи ҳар он чи Худованд ба Мусо амр фармуда буд, ба амал оварданд; ҳамин тавр таҳти байрақҳои худ хайма мезаданд, ва ҳамин тавр ҳар яке бар ҳасби қабила ва хонадони худ кӯч мекарданд.