Read Китоби Муқаддас 1992, 2016 Ададҳо 34 Bible Online

Ададҳо 34 - Китоби Муқаддас 1992, 2016 bible

Ададҳо 34

¹Ва Худованд ба Мусо сухан ронда, гуфт:

²«Ба банӣ‐Исроил амр фармуда, ба онҳо бигӯ: вақте ки шумо ба замини Канъон дохил шавед, ин аст замине ки ба шумо ҳамчун моликият хоҳад расид, яъне замини Канъон бо сарҳадҳояш:

³Тарафи ҷанубии шумо аз биёбони Син дар паҳлуи Адӯм хоҳад буд; ва сарҳади ҷанубии шумо аз канори баҳри Намак ба тарафи шарқ хоҳад буд.

⁴Ва сарҳади шумо аз ҷануб ҷониби Маале‐Ақрабим тоб хӯрда, сӯи Син хоҳад гузашт; ва канорҳои он аз ҷануби Қодеш‐Барнеа хоҳад буд, ва назди Ҳасар‐Аддор баромада, сӯи Асмӯн хоҳад гузашт.

⁵Ва аз Асмӯн сарҳад ҷониби водии Миср тоб хоҳад хӯрд; ва канорҳояш назди баҳр хоҳад буд.

⁶Ва сарҳади ғарбии шумо баҳри Бузург бо соҳили он хоҳад буд; ин сарҳади ғарбии шумост.

⁷Ва сарҳади шимолии шумо чунин хоҳад буд: аз баҳри Бузург онро ҷониби кӯҳи Ҳӯр нишона намоед;

⁸Аз кӯҳи Ҳӯр ҷониби даромадгоҳи Ҳамот нишона намоед; ва канорҳои сарҳад назди Садод хоҳад буд.

⁹Ва сарҳад ҷониби Зифрӯн хоҳад рафт, ва канорҳояш назди Ҳасар‐Эйнон хоҳад буд; ин сарҳади шимолии шумо хоҳад буд.

¹⁰Ва сарҳади шарқиро барои худ аз Ҳасар‐Эйнон ҷониби Шафом нишона намоед.

¹¹Ва сарҳад аз Шафом ҷониби Рибло, аз тарафи шаркии Ойин фурӯд хоҳад омад; ва сарҳад боз фурӯд омада, аз тарафи шарқӣ ба соҳили баҳри Кинерет хоҳад расид.

¹²Ва сарҳад ҷониби Урдун фурӯд хоҳад омад; ва канорҳояш назди баҳри Намак хоҳад буд. Ҳамин замин бар ҳасби сарҳадҳояш гирдогирд аз они шумо хоҳад буд».

¹³Ва Мусо ба банӣ‐Исроил амр фармуда, гуфт: «Ҳамин аст замине ки онро шумо аз рӯи қуръа тақсим хоҳед кард, ки Худованд ба нӯҳу ним сибт додани онро амр фармудааст.

¹⁴Зеро ки сибти банӣ‐Реубен бар ҳасби хонаводаи худ, ва сибти банӣ‐Ҷод бар ҳасби хонаводаи худ, ва нисфи сибти Менашше мулки худро гирифтаанд;

¹⁵Ин дую ним сибт мулки худро аз он тарафи Урдун, дар рӯ ба рӯи Ериҳӯ, ҷониби шарқ гирифтаанд».

¹⁶Ва Худованд ба Мусо сухан ронда, гуфт:

¹⁷«Ин аст номҳои касоне ки заминро барои шумо тақсим хоҳанд кард: Элъозори коҳин ва Еҳушаъ ибни Нун.

¹⁸Ва як раисро аз ҳар сибт барои тақсим кардани замин бигиред.

¹⁹Ва ин аст номҳои он касон: аз сибти Яҳудо — Колеб ибни Ефунне;

²⁰Аз сибти банӣ‐Шимъӯн — Шамуил ибни Аммиҳуд;

²¹Аз сибти Биньёмин — Элидод ибни Кислӯн;

²²Аз сибти банӣ‐Дон — раис Буққӣ ибни Ёҷлӣ;

²³Аз банӣ‐Юсуф: аз сибти банӣ‐Менашше — раис Ҳанниил ибни Эфӯд;

²⁴Аз сибти банӣ‐Эфроим — раис Камуил ибни Шифтон;

²⁵Аз сибти банӣ‐Забулун — раис Элисофон ибни Фарнок;

²⁶Аз сибти банӣ‐Иссокор — Фалтиил ибни Аззон;

²⁷Аз сибти банӣ‐Ошер — раис Аҳиҳуд ибни Шалӯмӣ;

²⁸Аз сибти банӣ‐Нафтолӣ — раис Фадаҳъил ибни Аммиҳуд.

²⁹Ҳаминҳоянд, ки Худованд ба онҳо амр фармудааст, ки мулкро дар замини Канъон барои банӣ‐Исроил тақсим кунанд».