Read Talaud PANDARIADDI 5 Bible Online

PANDARIADDI 5 - Talaud bible

PANDARIADDI 5

¹Ete indi manga arannu papapulunni Adam. (Su tempo Ruata nandiaddi taumata, i Tou na'ola'a si mangitou ere lihiddu Ruata sassane.

²I Tou naola'a si mangitou esaka wuṛṛu wawine. I Tou nangal᷊amatta si mangitou wuṛṛu nissago-Ne i mangitou “Taumata.”)

³Napawe i Adam uukke 130 su tonnane, i tou naasomba ana'a esakka ere lihiddu watanganne, ana see nionggol᷊annu aranne i Set.

⁴Wua'udde i Adam ta'e nabbiakka 800 su tonnane lai wuṛṛu naasomba al᷊aṛṛana'a waine lai.

⁵I tou nate su uukka 930 su tonnane.

⁶Su tempo i Set uukke 105 su tonnane, i tou naasomba ana'a esakka aranne i Enos.

⁷Wua'udde i Set ta'e nabbiakka 807 su tonnane, wuṛṛu naasomba al᷊aṛṛana'a waine lai.

⁸I tou nate su uukka 912 su tonnane.

⁹Su tempo i Enos uukke 90 su tonnane i tou naasomba ana'a esakka, aranne i Kenan.

¹⁰Wua'udde i Enos ta'e nabbiakka 815 su tonnane wuṛṛu naasomba al᷊aṛṛana'a waine lai.

¹¹I tou nate su uukka 905 su tonnane.

¹²Su tempo i Kenan uukke 70 su tonnane, i tou naasomba ana'a esakka, aranne i Mahalaleel.

¹³I Kenan ta'e nabbiakka 840 su tonnanen wuṛṛu naasomba al᷊aṛṛana'a waine lai.

¹⁴I tou nate su uukka 910 su tonnane.

¹⁵Su tempo i Mahalaleel uukke 65 su tonnane, i tou naasomba ana'a esakka aranne i Yared.

¹⁶Wua'udde i Mahalaleel ta'e nabbiakka 830 su tonnane wuṛṛu naasomba al᷊aṛṛana'a waine lai.

¹⁷I tou nate su uukka 895 su tonnane.

¹⁸Su tempo i Yared uukke 162 su tonnane, i tou naasomba ana'a esakka, aranne i Henokh.

¹⁹Wua'udde i Yared ta'e nabbiakka 800 su tonnane wuṛṛu naasomba al᷊aṛṛana'a waine lai.

²⁰I tou nate su uukka 962 su tonnane.

²¹Su tempo i Henokh uukke 65 su tonnane, i tou naasomba ana'a esakka aranne i Metusalah.

²²Wua'udde i Henokh nabbiakka sulal᷊ummu paa'aukka ringannu Ruata al᷊annune 300 su tonnane. I tou naasomba al᷊aṛṛana'a waine lai

²³wuṛṛu napaddatingngu uukka 365 su tonnane.

²⁴Ana waugu i Henokh sidutu mabbiaka maranin Duata, i tou nawul᷊i nial᷊appu Ruata.

²⁵Su tempo i Metusalah uukke 187 su tonnane, i tou naasomba ana'a esakka, aranne i Lamekh.

²⁶Wua'udde i Metusalah ta'e nabbiakka 782 su tonnane lai wuṛṛu naasomba al᷊aṛṛana'a waine.

²⁷I tou nate su uukka 969 su tonnane.

²⁸Su tempo i Lamekh uukke 182 su tonnane, i tou naasomba ana'a esakka.

²⁹I Lamekh nabbisara, “Ana'a indi sarun mangonggollu sasumbala su tempo i ite mammanara masahadda, mabbailla leta'a apan niwontohannu MAWU.” Ana waugu udde i Lamekh nanagon ana'a udde i Nuh.

³⁰Wua'udde i Lamekh ta'e nabbiakka 595 su tonnane lai. I tou naasomba al᷊aṛṛana'a waine lai,

³¹wuṛṛu nate su uukka 777 su tonnane.

³²Napawe i Nuh uukke 500 su tonnane, i tou naasomba siri tallu ana'a esakka, eteudde i Sem, i Yafet wuṛṛu i Ham.