Read Talaud PANDARIADDI 7 Bible Online

PANDARIADDI 7 - Talaud bible

PANDARIADDI 7

¹Ana see MAWU nabbisarate si Nuh, “I ya'u naasilo manungku tumba'u i'o sangkatou apan tuttuṛṛutta apulu-U. Nariaddi, suttate sulal᷊ummu apalla udde suadio'a ringannu anambon amonannu.

²Apira'e lai pitun pare wuassu al᷊awo'u hatin manu'u winalanganna wuṛṛu manga winatangnga waine apan tawe ipappalli, ewe'e wuassu winatangnga ipappalli adiongke sampare. Manarate udde tadea'u wuassu al᷊awo'u hatin binatangnga piaddu mal᷊iu wuassu papate wuṛṛu wotongnge maṛṛite mamene runia apia.

⁴Ete pitu allo lai I ya'u sarun manossokku uranna apan tawe mangallo al᷊annune appatu pul᷊o su allone appatu pul᷊o su ṛabbine, tadea'u riadianna apan buatte Ta'u niola'a udde tawe mate.”

⁵Ana see i Nuh tinumuṛṛutte al᷊awo'u darolokku MAWU si tou.

⁶I Nuh uukke 600 su tonnane sutempo nariaddi manawannga su runia.

⁷I Nuh wuṛṛu awingnge, wuṛṛu manga al᷊aṛṛanangnge suadio'a ringannu manga awingngi mangitou, sinumuttate sulal᷊ummu apalla udde tadea'u masal᷊amatta wuassu manawangnga.

⁸Sambau esakka wuṛṛu sambau wawine wuassu al᷊awo'u hatin manu'u winalanganna wuṛṛu winatangnga waine — mawae tawe ipappalli ara'e lai ipappalli —

⁹sinumuttate sulal᷊ummu apalla suadio'a ringanni Nuh, ere buatte nirolokku Ruata.

¹⁰Pitu allo wua'udde manawangnga nirumantate nangammon dunia.

¹¹Su tempo i Nuh uukke 600 su tonnane, su allo appul᷊one pitu wul᷊anna aruane, nawu'ate al᷊awo'u al᷊imatan kua'e su wantan dunia. Al᷊awo'u sasabangannu ua'e su langitta nawu'a,

¹²wuṛṛu uranna nangansalle al᷊annune appaputo pul᷊o su allone appattu pul᷊o su ṛabbine.

¹³Su allo udde lai, i Nuh wuṛṛu awingnge sinumuttate sulal᷊ummu apalla udde suadio'a ringannu siri tallu al᷊aṛṛanangnge, eteudde i Sem, i Yafet wuṛṛu i Ham suadio'a ringannu manga awingngi mangitou.

¹⁴Suadio'a lai ringanni mangitou sinumutta al᷊awo'u hatin manu'u winalanganna wuṛṛu winatangnga waine, mawae ete maṛṛaro ara'e lai matengnga, wahahewalla ara'e lai maradio'a.

¹⁵Sambau esakka wuṛṛu sambau wawine wuassu anambon hatin riadianna wiakka sinumutta sulal᷊ummu apalla udde su sampunna ringanni Nuh,

¹⁶ere buatte nirolokku Ruata si tou. Napawe sarangkanambone nasuttate, MAWU naṛṛuudu ngaran apalla.

¹⁷Manawangnga udde sidutu mangngamon runia al᷊annune appattu pul᷊o su allone, wuṛṛu ua'e nabbal᷊ite matanggakka na'oman sara apalla udde nilumattote.

¹⁸Ua'e mattanggakka, wuṛṛu apalla udde ual᷊allatto su wowon ua'e.

¹⁹Ua'e sidutu aatambanna atanggakke, na'oman sara niṛṛamonete manga wowone apan atanggaṛṛanne.

²⁰Ua'e mangke u'awitta na'oman sara atanggakke pitu meteṛṛe wuassu manga puiddu wowone.

²¹MAWU namate al᷊awo'u riadianna apan biakka su runia indi; Taumata, manu'u winalanganna wuṛṛu winatangngu ammaranne mawae maradio'a ara'e wahahewalla. Apan tawe nate tumba'u i Nuh wuṛṛu sarangkanambone suadio'a ringanni tou sulal᷊ummu apalla udde.

²⁴Ua'e udde tawe noṛṛotta al᷊annune 1150 su allone.