Read Talaud 1 TAWARIKH 12 Bible Online

1 TAWARIKH 12 - Talaud bible

1 TAWARIKH 12

¹Sutempo i Daud tinumal᷊angngu watanganne wuassi Ratu Saul, i tou na'imbuni watukku Ziklag. Manambo tantara apan matuṛṛutta wuṛṛu pia asingkanne nirumanta naammulli Daud.

²I mangitou wuassu ṛuanganni Benyamin ere lai i Saul. I mangitou pande mamiti'a wuṛṛu maali-ali — mawae ete ringannu lima aikkatanna ara'e ringannu lima aiṛṛi.

³Piaṛṛa'i mangitou eteudde i Ahiezer wuṛṛu i Yoas al᷊aṛṛana'i Semaa wuassu Gibea Eteindi manga tantara udde: i Yeziel wuṛṛu i Pelet al᷊aṛṛana'i Azmawet i Berakha wuṛṛu i Yehu taumatan Anatot i Yismaya taumatan Gibeon, tantara apan tinumelengnga apan naola'a sangkatou piaṛṛa'u ammul᷊annu “Tridasawira”. i Yeremia, i Yahaziel, i Yohanan wuṛṛu i Yozabad taumatan Gedera i Eluzai, i Yerimot, i Bealya, i Semarya wuṛṛu i Sefaca taumatan Harufi i Elkana, i Yisia, i Azareel, i Yoëzer wuṛṛu i Yasobam wuassu ṛuanganni Korah i Yoela wuṛṛu i Zebaja al᷊aṛṛana'i Yeroham taumatan Gedor.

⁸Sutempo i Daud uatana'a su tampa pia lal᷊indumme su wadda'a, manambo tantara apan tinumelengnga wuṛṛu pia asingkanne wuassu ṛuanganni Gad apan nirumanta naammulli tou. Ete i mangitou udde tantara apan apandeanne mappaattu allungnga wuṛṛu sambeangnga; i mangitou ellehanna mawaṛṛani ere singa wuṛṛu i mangitou mal᷊inso'a naal᷊ihidda rusa.

⁹Eteindi manga aranni mangitou apan niatokka tumuṛṛuttu pangkanne: i Ezer, i Obaja, i Eliab, i Mismana, i Yeremia, i Atai, i Eliel, i Yohanan, i Elzabad, i Yeremia, i Makhbanai.

¹⁴Sambageanganna wuassu taumatan Gad eteudde manga piaṛṛa'u tantara atanggaṛṛanne apan uatembonanna 1.000 su atoune. Sambageanganna lai eteudde manga piaṛṛa'u tantara apan uatembonanna 100 su atoune.

¹⁵Buatte nariaddi su wul᷊anna paarorone, sutempo Sal᷊ukku Yordan tantal᷊anna mammanawangnga manga piaṛṛa'u tantara udde tinumumbe sal᷊ukka udde wuṛṛu nallimbuakka tumana'u manga wawal᷊anne, mawae ete su samba'an ra'i aroddi lai su samba'a waṛṛattu sal᷊ukka udde.

¹⁶Su sambau tempo ammul᷊annu taumata wuassu ṛuanganni Benyamin wuṛṛu Yehuda inaite watukku tampa atatanaanni Daud.

¹⁷I Daud naisasomban mangitou wuṛṛu nabbisara, “Amungkangu i yamiu rumanta maola'a hawe ana see mantul᷊ungku, wette pa'ammul᷊a'e ringanni yami. Yami manal᷊oho si yamiu ringannu naungnga mal᷊uassa. Arawe amungkangu i yamiu pia pandumma mandal᷊eo si ya'u su seetta, salaiwe i ya'u tawe na'ola'a al᷊al᷊eo si yamiu, Ruata apan sassubbannu al᷊amonan kite udde masingkatta, ne i Tou sarun makkuumanni yamiu.”

¹⁸Sangkatou suwallatti mangitou, eteudde i Amasai, apan sal᷊immurine nabbal᷊i piaṛṛa'u ammul᷊anna apan isassago “Tridasawira,” nitaṛṛinoannu Ghaṛṛahon Duata ana see nabbisara, “I Daud, ana'i Isai! Yami massumbala si'o! Antimanna i'o wuṛṛu i mangitou apan massumbala si'o mangke maauntungnga. Ruata uasamba'a si'o!” Ne i Daud nanal᷊oho si mangitou wuṛṛu nanenegi mangitou nabbal᷊i tembonannu tantara sulal᷊ummu tantaran pangalone.

¹⁹Sutempo i Daud suadio'a ringannu taumatan Filistin namangalo si Ratu Saul, sambageanganna wuassu tantaran Manasye nilumewessa nanamba'a si Daud. I Daud tawe pandumma massumbala manga taumatan Filistin udde. Manga piaṛṛa'u Filistin nandolokki tou niapapul᷊e watukku Ziklag ana waugu i mangitou matta'utta i tou sarun inai manamba'a si Saul wuṛṛu mabbaha si mangitou.

²⁰Eteindi arannu manga tantara wuassu ṛuanganni Manasye apan nattingkawal᷊i si Daud sutempo i tou sulal᷊ummu amatanna watukku Ziklag: i Adnah, i Yozabad, i Yediael, i Mikhael, i Yozabad, i Elihu wuṛṛu i Ziletai. Sangkatou-sangkatou uapiaṛṛa'u 1.000 su atoune tantara.

²¹I mangitou tantara apan waṛṛani wuṛṛu matohassa massumbala si Daud namangalo seetta. Su allo murine i mangitou maola'a manga tembonanne sulal᷊ummu tantara pangalon Israel.

²²Miallo-miallo mangke pia taumata wakku rumanta apan maammulli Daud, na'oman sara tawe nal᷊annu wua'udde tantaran Daud nabbal᷊ite manambo.

²³Sutempo i Daud su Hebron manambo tantara apan masiṛṛangke naammuli tou. I mangitou nassumbala si Daud tadea'u i tou wotongnge maola'a ratu mallol᷊ossa si Saul, ere buatte pina'iren MAWU. Reenganni mangitou ere manansunna indi: Wuassu ṛuanganni Yehuda 6.800 su atoune, nasuungnga ringannu allungnga wuṛṛu sambeangnga. Wuassu ṛuanganni Simeon 7.100 tantara apan masiṛṛongke. Wuassu ṛuanganni Lewi: 4.600 su atoune. Tantaran Yoyada uapiaṛṛa'u papapulunni Harun: 3.700 su atoune. Manga tuṛṛangngi Zadok, sangkatou tantara saṛṛen tumuwo apan waṛṛani: 22 su atoune — sarangkanambone tembonannu alahanna. Wuassu ṛuanganni Benyamin (ṛuanganni Ratu Saul): 3.000 su atoune; anamboanne wuassu ṛuanganni Benyamin sidutu tuttuṛṛuta si Saul. Wuassu ṛuanganni Efraim: 20.800 taumata apan tinumelengnga sulal᷊ummu amonanne sambau-sambau Wuassu ṛuanganni Manasye su samba'a waṛṛattu Sal᷊ukku Yordan: 18.000 su atoune apan nipile mapatenegi Daud maola'a ratu Wuassu ṛuangan(...)

³⁸Anambon tantara udde inaite watukku Hebron ringannu nariahite mapapangalo wuṛṛu nabbaidde manenegi Daud maola'a ratu su ahewallu Israel. Ne anambon taumatan Israel waine lai naungnge sambua su olangnge udde.

³⁹Tallu allo al᷊annune manga tantara udde uatana'a isudde ringanni Daud lapiddu ma'ola'a andeangnga wuṛṛu inumanna ma'inumma apa apan nasaddiaten manga taumatan Israel waine pinanaru si mangitou.

⁴⁰Wuassu manga ṛuanganna su samba'an sawannakka apan marau eteudde ṛuanganni Isakhar, i Zebulon wuṛṛu i Naftali, taumata pasi ranta uaapiddu keledai, unta, bagal, wuṛṛu sapi apan napene lal᷊uranannu anna: taponna, wuan ara, kismis, anggore wuṛṛu lanan zaitun. I mangitou lai uaapiddu sapi wuṛṛu domba apan pateanna wuṛṛu inasanna. Sarangkanambone udde napal᷊iatta'a manungku aroddi lullala'a tumana'a su ahewallu Israel.