Read Talaud 1 TAWARIKH 13 Bible Online

1 TAWARIKH 13 - Talaud bible

1 TAWARIKH 13

¹Ratu Daud nabbaidda ringannu anambon piaṛṛa'u tantarane apan uapiaṛṛa'u manga ammul᷊anna 1.000 su atoune wuṛṛu manga ammul᷊anna 100 su atoune.

²Ana see i tou nabbisara su anambon taumata udde, “Amungkangu manga tuṛṛangnga maapulu, wuṛṛu iwalan MAWU, Ruatan kite, mappianne i ite mandolokku taumata inai ringannu manga imam wuṛṛu manga taumatan Lewi su manga ampungngi mangitou, see lai anambon walahanni ite waine mandolokki mangitou iaparanta maammula ringanni ite isindi.

³Wua'udde i ite inaite mangal᷊appa Wantallu Paairen Duata, apan niwalate aroddi sutempo i Ratu Saul tantal᷊anna uaparenta.”

⁴Anambon taumatan Israel apan uaammulla isudde mal᷊uassa ringannu ṛingidda udde ana see na'irete.

⁵Ne i Daud nangammulu tumana'u Israel su ahewallu wanua, wuassu passarannu Mesir su timukka naddatingngu lal᷊annu Hamat su sawannakka, inai mangal᷊appa Wantallu Pa'aire udde wuassu Kiryat-Yearim wuṛṛu iapidde su Yerusalem.

⁶Ana see i Daud inaite susambau ringanni mangitou watukku soa Baala, eteudde Kiryat-Yearim, su wageangngu leta'u ṛuanganni Yehuda, inai mangal᷊appa Wantallu Pa'airen Duata. Wantalla udde nisago “MAWU apan ua'ianna su wowon mala'ekatta”.

⁷Napawe na'omate su Baala, i mangitou nangapidden Wantallu Pa'aire udde wuassu wal᷊en Abinadab, ana see niluranna su sambau roda apan wakku. I Uza wuṛṛu i Ahyo uatantalongnga roda udde,

⁸arawe i Daud wuṛṛu anambon walahannu Israel massal᷊aingnga wuṛṛu mangngantari ringannu lulluassa tadea'u ipangaddatta Ruata, lapiddu tingikku kecapi, rebana, simbal wuṛṛu trompeta.

⁹Napawe i mangitou na'omate su tampa paṛṛindanna ganduma pussa'an Kidon, manga sapi uawol᷊engnga roda udde natara, ne i Uza nangul᷊ukku limane nangagassa Wantallu Pa'aire udde tadea'u tawe manawo.

¹⁰Orassa udde lai MAWU nasa'u si Uza ana waugu inolaanne udde naola'a sambau aal᷊uandaga su MAWU. Ana see i Uza nipaten MAWU isudde. Ne nanattakka orassa udde tampa udde nisago “Peres-Uza”. I Daud nasa'u, ana waugu MAWU namate si Uza.

¹²Arawe i Daud mata'uttu Ruata lai wuṛṛu nabbisara, “Orassa indi ereapate Wantallu Pa'aire udde ta'u iapidda?”

¹³Ana waugu udde i Daud tate nariaddi nangapiddu Wantalla udde watukku Yerusalem, ewe'e sinahipunte su wal᷊en Obed-Edom, taumatan Gat.

¹⁴Wantalla udde sasahipunanna isudde tallu wul᷊anna al᷊annune, ne MAWU nangal᷊amatta amonanni Obed-Edom wuṛṛu anambon darotongnge.