Read Talaud 1 TAWARIKH 2 Bible Online

1 TAWARIKH 2 - Talaud bible

1 TAWARIKH 2

¹I Yakub pia ana'a esakka sire mapul᷊o dua; i Ruben, i Simeon, i Lewi, i Yehuda, i Isakhar, i Zebulon,

²i Dan, i Yusuf, i Benyamin, i Naftali, i Gad, i Asyer.

³I Yehuda pia ana'a esakka siri lima. Wuassu awingnge paarorone aranne i Betsyua, wawinen Kanaan, niasungkanga i Er, i Onan wuṛṛu i Sela; wuassu awingnge aranne i Tamar, eteudde ana'u mananambone sassane, niasungkanga i Peres wuṛṛu i Zerah. I Er ana'a pahul᷊un Yehuda udde tumaniten lal᷊eo, na'oman sara MAWU namate si tou.

⁴

⁵I Peres pia ruang katou ana'a esakka, eteudde i Hezron wuṛṛu i Hamul.

⁶I Zerah pia siri lima ana'a esakka; i Zimri, i Etan, i Heman, i Kalkol, wuṛṛu i Dara.

⁷I Akhan ana'i Karmi papapulunni Zerah, nandantan asasilaka su taumatan Israel ana waugu nanna'o saranapa apan niaaṛṛo sulal᷊ummu pangalo apan niṛṛae su MAWU.

⁸Ana'i Etan esakka eteudde i Azarya.

⁹I Hezron pia siri tallu ana'a esakka: i Yerahmeel, i Ram wuṛṛu i Kaleb.

¹⁰Akkittu sinossoṛanni Ram naddatingngi Isai eteudde ere manansunna indi; i Ram i Aminadab i Nahason (sangkatou timmaddu ruangannu Yehuda)

¹¹i Salmon i Boas

¹²i Obed i Isai.

¹³Ana'i Isai esakka siri pitu anambone. Eteindi manga aranni mangitou tumuṛṛuttu uukka: i Eliab, i Abinadab, i Simea,

¹⁴i Netaneel, i Radai,

¹⁵i Ozem, i Daud.

¹⁶i Isai pia lai ruang katou ana'a wawine: i Zeruya wuṛṛu i Abigail. I Zeruya pia siri tallu ana'a: i Abisai, i Yoab wuṛṛu i Asael.

¹⁷I Abigail naawingngi Yeter papapulunni Ismael. Itarua naasomba sangkatou ana'a esakka aranne i Amasa.

¹⁸I Kaleb ana'i Hezron na'awingngi Azuba wuṛṛu naasomba sangkatou ana'a wawine aranne i Yeriot. I Yeriot indi pia siri tallu ana'a esakka; i Yezer, i Sobab, i Ardon.

¹⁹Napawe i Azuba natete, i Kaleb naawingngi Efrat wuṛṛu naasomba sangkatou ana'a esakka aranne i Hur.

²⁰Ana'i Hur esakka aranne i Uri wuṛṛu pulunne aranne i Bezaleel.

²¹Sutempo i Hezron uukke 60 su tonnane, i tou na'awingngu wawine tuṛṛangngi Gilead, ana'i Makhir. Itarua naasomba ana'a esakka sangkatou aranne i Segub,

²²ne i Segub naasomba sangkatou ana'a esakka aranne i Yair, apan uatahuanna 23 ampungnga su wageangngu leta'u Gilead.

²³Arawe araratuannu Gesur wuṛṛu Aram namaddon 60 ampungnga su wageangngu leta'a udde nasutta lai manga ampungngu taumatan Yair, ampungngu Kenat, see lai manga ampungnga maradio'a su al᷊indonganne. Anambon taumata apan uatana'a isudde uddewe papapulunni Makhir iamangngi Gilead.

²⁴Napawe i Hezron natete, i Kaleb anangnge na'awingngi Efrat inawal᷊uannu iamangnge. Ana'i tarua esakka aranne Asyur; ete i tou apan napararisikku soan Tekoa.

²⁵I Yerahmeel ana'i Hezron pahul᷊une pia siri lima ana'a esakka; i Ram iapa pahul᷊une, ana see i Buna, i Oren, i Ozem wuṛṛu Ahia.

²⁶I Ram pia siri tallu ana'a esakka: i Maas, i Yamin wuṛṛu i Eker. I Yerahmeel pia awingnge waine aranne i Atara, itarua naasomba ana'a esakka aranne i Onam.

²⁷

²⁸I Onam pia ruan katou ana'a esakka; i Samai wuṛṛu i Yada. I Samai lai pia ruan katou ana'a esakka, eteudde i Nadab wuṛṛu i Abisur.

²⁹I Abisur na'awingngi Abihail ne itarua naasomba darua ana'a esakka, i Ahban wuṛṛu i Molid.

³⁰I Nadab iaangngi Abisur pia darua lai ana'a esakka aranne i Seled wuṛṛu Apaim, arawe i Seled nate ringannu tawe naasomba ana'a esakka.

³¹I Apaim eteudde iamangngi Yisei, i Yisei iamangngi Sesan, wuṛṛu Sesan iamangngi Ahlai.

³²I Yada tuṛṛangngi Samai pia darua ana'a esakka aranne i Yeter wuṛṛu i Yonatan. Arawe i Yeter nate ringannu tawe naasomba ana'a esakka.

³³I Yonatan pia darua ana'a esakka, eteudde i Pelet wuṛṛu i Zaza. I mangitou sarangkanambone papapulunni Yerahmeel.

³⁴I Sesan tawe naasomba ana'a esakka, tumba'u ana'a wawine. Allangnge, sangkatou taumatan Mesir aranne i Yarha,

³⁵niapaawingngu sangkatou suwallatu anangnge. Itarua naasomba ana'a esakka aranne i Atai.

³⁶Akkitu pallal᷊awanna wuassi Atai naddatingngi Elisama ere manansunna indi: i Atai i Natan i Zabad i Eflal i Obed i Yehu i Azarya i Heles i Elasa i Sismai i Salum i Yekamya i Elisama.

⁴⁰

⁴²I Kaleb tuṛṛangngi Yerahmeel pia sangkatou ana'a esakka aranne i Mesa. I tou ana'a pahul᷊une. I Mesa uddewe iamangngi Zif, i Zif iamangngi i Maresa, Maresa iamangngi Hebron.

⁴³I Hebron pia siri appatta ana'a esakka; i Korah, i Tapuah, i Rekem wuṛṛu i Sema.

⁴⁴I Sema uddewe iamangngi Raham. Pulunni Sema aranne i Yorkeam. I Rekem iamangngi Sema uddewe iamangngi Samai;

⁴⁵I Samai iamangngi Maon, wuṛṛu i Maon iamangngi Bet-Zur.

⁴⁶I Kaleb pia awingnge waine aranne i Efa. Itarua naasomba siri tallu ana'a esakka aranne i Haran, i Moza wuṛṛu i Gazes. I Haran naasomba lai ana'a esakka aranne i Gazes. (

⁴⁷Sangkatou aranne i Yohdai pia siri annumma ana'a esakka: i Regem, i Yotam, i Gesan, i Pelet, i Efa wuṛṛu i Saaf.)

⁴⁸I Kaleb pia awingnge waine aranne i Maakha. Ringanni tou i Kaleb naasomba darua ana'a esakka aranne: i Seber wuṛṛu i Tirhana;

⁴⁹wua'udde itarua naasomba darua ana'a esakka apia aranne: i Saaf wuṛṛu i Sewa. I Saaf uddewe napararisikku soa Madmana, wuṛṛu i Sewa napararisikku soa Makhbena wuṛṛu Gibea. I Kaleb pia lai sangkatou ana'a wawine aranne i Akhsa.

⁵⁰Manansunna indi lai eteudde papapulunni Kaleb: I Hur eteudde ana'i Kaleb pahul᷊une wuassu awingnge aranne i Efrat. I Syobal ana'i Hur uddewe napararisikku soan Kiryat-Yearim.

⁵¹I Salma anangnge iapa aruane eteudde napararisikku soan Betlehem; wuṛṛu i Haref anangnge atallune napararisikku soan Bet-Gader.

⁵²I Syobal napararisikku soan Kiryat-Yearim uddewe al᷊amonan taumatan Haroë, al᷊amonan sambageanganna tumana'u Menuhot,

⁵³wuṛṛu al᷊amona manga amonanna apan uatana'a su Kiryat-Yearim, eteudde amonanni Yetri, Puti, Sumati wuṛṛu Misrai. (Tumana'u soa Zora wuṛṛu Esytaol eteudde manga taumata apan niasabbanganne wuassu manga amonanna udde.)

⁵⁴I Salma mandararisikku soan Betlehem eteudde al᷊amonan taumatan Netofa, taumatan Atarot-Bet-Yoab, wuṛṛu taumatan Zori, eteudde sambau suwallattu darua amonanna apan uatana'a su Manahti.

⁵⁵Wuassu amonanni Tirati, Simati wuṛṛu Sukati apan uatana'a su soan Yabes pia manga taumata apan pande su ola'u pamamoṛṛetta wuṛṛu mangal᷊innu manga suratta apan maarega. I mangitou uddewe taumatan Keni apan naawingngu taumatan Rekhab.