Read Talaud 1 TAWARIKH 25 Bible Online

1 TAWARIKH 25 - Talaud bible

1 TAWARIKH 25

¹Su ipamiaṛṛa'u manga lal᷊aghu patataṛṛamawu, i Ratu Daud wuṛṛu manga piaṛṛa'u taumatan Lewi namile manga ṛuanganni Lewi manansunna indi: i Asaf, i Heman wuṛṛu i Yedutun. I mangitou manarane mammasingkattu tanatan Duata ringannu musikku kecapi, gambus wuṛṛu simbal. Su ipamiaṛṛa'u patataṛṛamawu ringannu lal᷊aghune sambau-sambau, nipile ammul᷊annu taumata manansunna indi:

²Siri appatta esakka ana'i Asaf: i Zakur, i Yusuf, i Netanya wuṛṛu i Asarela. Piaṛṛa'i mangitou eteudde i Asaf, apan mammasingkattu tanatan Duata, napawe i mangitou iapamanaran ratu.

³Siri annumma esakka ana'i Yedutun: i Gedalya, i Zeri, i Yesaya, i Simei, i Hasabya wuṛṛu i Matica. Su al᷊ungngu piaṛṛa'i iamangngi mangitou, i mangitou mammasingkattu tanatan Duata ringannu musikka kecapi wuṛṛu i mangitou lai mangngantari aantarin daralo see lai aadiangkamanna su MAWU.

⁴Siri mapul᷊o appatta esakka ana'i Heman: i Bukia, i Matanya, i Uziel, i Sebuel, i Yerimot, i Hananya, i Hanani, i Eliata, i Gidalti, i Romamti-Ezer, i Yosbekasa, i Maloti, i Hotir wuṛṛu i Mahaziot.

⁵I Heman eteudde nabin ratu. MAWU nangonggolu ana'a esakka siri mapul᷊o appatta wuṛṛu wawine siri tallu si Heman ana waugu MAWU buatte naddiandi mangonggolu aiananna apan apianne si tou.

⁶Anambon ana'i Heman udde mananalangnga musikku simbal, kecapi wuṛṛu gambus su piaṛṛa'i iamangngi mangitou su ipannantuṛṛutta lal᷊aghu patataṛṛamawu su Wal᷊en MAWU. I Asaf, i Yedutun wuṛṛu i Heman maasomba manara amungkangu irolokku ratu.

⁷Siri duan pul᷊o appatta esakka ana'i mangitou udde wuṛṛu manga tuṛṛangngi mangitou udde mapapanden musikka apan nal᷊atite. I mangitou sarangkanambone 288 su atoune.

⁸Ipanantunnu hilirannu mammanara, i mangitou sarangkanambone niundi — mawae dario'a aroddi lai timmadde, mawae ete pia asingkatta su pabbiaṛṛanna aroddi lai wakku manattakka mammanara.

⁹Siri 288 su atoune udde nitahia sulal᷊ummu wageangnge tumuṛṛuttu amonannu sambau-sambau. Suapan wageangnge taumatane 12 su atoune ipappiaṛṛa'u sangkatou. Eteindi aranni mangitou tumuṛṛuttu buatte niundi: 1. i Yusuf wuassu papapulunni Asaf — 13. i Subael 2. i Gedalya — 14. i Matica 3. i Zakur — 15. i Yeremot 4. i Yizri — 16. i Hananya 5. i Netanya — 17. i Yosbekasa 6. i Bukia — 18. i Hanani 7. i Yesarela — 19. i Maloti 8. i Yesaya — 20. i Eliata 9. i Matanya — 21. i Hotir 10. i Simei — 22. i Gidalti 11. i Azareel — 23. i Mahaziot 12. i Hasabya — 24. i Romamti-Ezer