Read Talaud 1 TAWARIKH 27 Bible Online

1 TAWARIKH 27 - Talaud bible

1 TAWARIKH 27

¹Urusannu pamarenta su araratuannu Israel niatokku manga tembonannu alahanna, manga piaṛṛa'u amonanna wuṛṛu manga perwira ara'e piaṛṛa'u tantara. Suapan tonna al᷊annune sambul᷊anna pia sambageanganna apan mammanara ual᷊al᷊ol᷊ossa su al᷊ungngu piaṛṛa'u sangkatou. Suapan wageangnge anambone 24.000 su atoune. Eteindi arannu manga tembonnannu ammul᷊annu mandariaga apan mammanara suapan bul᷊anna apan buatte tinantunna: Wul᷊anna paarorone: i Yasobam ana'i Zabdiel (i tou amonanni Peres ṛuanganni Yehuda). Wul᷊anna aruane: i Dodai papapulunni Ahohi. I Miklot tepellene. Wul᷊anna atallune: i Benaya ana'i Imam Yoyada; i tou piaṛṛa'u “Ammul᷊annu Tridasawira” (i Amizabad anangnge naola'a tepellene). Wul᷊anna aiappanne: i Asael tuṛṛangngi Yoab (nallol᷊ossa si tou eteudde i Zebaja, anangnge). Wul᷊anna al᷊imane: i Samhut, papapulunni Yizrah. Wul᷊anna aiannumme: i Ira ana'i Ikes, wuassu soa Tekoa. Wul᷊anna appitune: i Heles, papapulunni Efraim wuassu soa Peloni. <t(...)

¹⁶Eteindi arannu tembonannu ṛuangannu sulal᷊ummu walahannu Israel: [Ruanganna] — [Tembonanne] I Ruben — i Eliezer ana'i Zikhri I Simeon — i Sefaca ana'i Maakha I Lewi — i Hasabya ana'i Kemuel I Harun — i Zadok I Yehuda — i Elihu, sangkatou suwallattu tuṛṛangngi Daud I Isakhar — i Omri ana'i Mikhael I Zebulon — i Yismaya ana'i Obaja I Naftali — i Yerimot ana'i Azriel I Efraim — i Hosea ana'i Azazya I Manasye su samba'a waṛṛattu Sal᷊ukku Yordan — i Yoel ana'i Pedaya I Manasye su samba'a ra'in Sal᷊ukku Yordan — i Yido ana'i Zakharia I Benyamin — i Yaasiel ana'i Abner I Dan — i Azareel ana'i Yeroham

²³I Ratu Daud tawe na'ola'a pandareengnga suwallattu manga taumata apan uukke 20 su tonnane inawa, ana waugu MAWU buatte naddiandi sarun ma'ola'a taumatan Israel anambone ere anumpitanna su langitta.

²⁴I Yoab ana'i Zeruya mannattakke ma'ola'a pandareengnga, arawe i tou tawe naapanginsue, ana waugu Ruata nakkuumannu taumatan Israel, waugu pandareengnga udde. Ana waugu udde anambon reenganni mangitou tawe niwoṛṛetta sulal᷊ummu Wuken Ratu Daud.

²⁵Eteindi arannu mallal᷊u'adda darotongngu ratu: Manga gudangnga su wal᷊en araratuanna wuṛṛu su Yerusalem: i Azmawet ana'i Adiel Manga gudangnga su liuddu Yerusalem: Yonatan ana'i Uzia Manga mammamanaran bawail᷊anna; i Ezri ana'i Kelub Manga waillu anggore: i Simei wuassu soa Rama Manga tampa panahipunanna anggore: i Zabdi wuassu soa Syifmi Punnu Zaitun wuṛṛu punnu ara (su wawal᷊annu panenteanna samba'an waṛṛatta): i Baal-Hanan wuassu soa Gederi Manga tanpa pananahipunanna lanan Zaitun: i Yoas Winatangnga papadul᷊iananna su Wadda'u Saron: i Sitrai wuassu soa Saron Winatangnga papadul᷊iananna su manga wawal᷊anne: i Safat ana'i Adlai Unta: i Obil papapulunni Ismael Keledai: i Yehdeya wuassu soa Meronot Domba wuṛṛu ambinga: i Yazis, taumatan Hagri.

³²Iaangngu iamangngi Daud aranne i Yonatan, eteudde sangkatou mananantiro apan pande wuṛṛu pia asingkanne. I tou wuṛṛu Yehiel ana'i Hakhmoni tinantil᷊annu manara iapaaṛṛa'a ana'u ratu esakka.

³³I Ahitofel eteudde sangkatou mananantiro ratu wuṛṛu i Husai taumatan Arki udde lai mananantiron ratu wuṛṛu hawen ratu apan mapia.

³⁴Napawe i Ahitofel natete, i tou nilol᷊osanni Abyatar wuṛṛu Yoyada ana'i Benaya. Tembonannu tantaran pangalon araratuanna eteudde i Yoab.