Read Talaud 2 TAWARIKH 8 Bible Online

2 TAWARIKH 8 - Talaud bible

2 TAWARIKH 8

¹I Salomo napararisikku Wal᷊en MAWU wuṛṛu wal᷊en araratuanne sulal᷊ummu tempo 20 su tonnane.

²Manga soa apan nionggoli Ratu Hiram si tou niolangnge apia, ana see nandoloku taumatan Israel niapatana'a isudde.

³I tou nangaṛṛo leta'u Hamat wuṛṛu Zoba

⁴see lai nanohassa soa Tadmor su wadda'a, ana see na'ola'a apia anambon pangangadoannu anna su Hamat.

⁵Soa Bet-Horon-Rosone wuṛṛu Bet-Horon-Wowane niola'a apia naola'a soa pia tanda'a watune ringannu ngarane mal᷊oangnga.

⁶Ana see lai soa Baalat niola'a apia, wuṛṛu anambon soa pangangadoannu anna, see lai soa panahipunanna keretan pangalo wuṛṛu awal᷊one. Sarangkanambone su Yerusalem, Libanon wuṛṛu su ahewallu leta'u panenteanna apan buatte niolangnge.

⁷Anambon papapulunnu walahannu Kanaan apan tawe nasuen patene su taumatan Israel sutempo i mangitou napangaṛṛo wanua udde, niwata'i Salomo niapamanara. I mangitou uddewe taumatan Het, Amori, Feris, Hewi wuṛṛu Yebus. Naddatingngu orassa indi papapulunni mangitou ta'e naola'a allangnga.

⁹Taumatan Israel tawe niwata'a niapamanara; i mangitou niola'a tantara, piaṛṛa'u tantara, tembonannu keretan pangalo, wuṛṛu tantara uasa'e awal᷊o.

¹⁰Dua ṛasutta liman pul᷊o mammamanaran araratuanna tinantil᷊annu manara iapariaga manga taumata apan mammanara mandarisikku wal᷊en.

¹¹Salomo nangingkattu awingnge, eteudde maṛṛuala ratun Mesir, wuassu Soan Daud su wal᷊en apan nionggola si tou. Ana waugu i Salomo maṛṛingidda, “Awingku tawe wotongnge matana'a su wal᷊en araratuanni Daud, ratun Israel, ana waugu anambon tampa apan buatte pinangadoannu Wantallu Paaire uddewe tampa apan susi.”

¹²Salomo nangonggolu sasamba itattambunna su MAWU su mezbah apan nilanginne su saruannu Wal᷊en MAWU.

¹³Manga sasamba udde nionggola tumuṛṛuttu titan Musa napawe pia allo wahewalla; allon Sabat, allo wahewallu Wul᷊anna Wakku, wuṛṛu atallune allo wahewalla santonna paassa, eteudde allo wahewalla Roti Tawe Ragine, allo wahewallu Pangitinganna, wuṛṛu allo wahewallu Rasannu Rongnga.

¹⁴Uasul᷊ungngu lai ere atoranni Daud Iamangnge, Salomo nangatokku manga manara miallo-miallo su manga imam wuṛṛu su taumatan Lewi apan ṛinone mangngantari manga daralo su MAWU wuṛṛu massumbala manga imam sulal᷊ummu mallaghu patataṛṛamawu. See lai manga mandariaga Wal᷊en MAWU nitahia lai piran kawageanganna su al᷊awo'u ngara mal᷊oangnga, ere lai buatte nitantiron Daud allangngu Ruata.

¹⁵Anambon tatantiron Daud su manga imam wuṛṛu taumatan Lewi su ola'u manga gudangnga wuṛṛu manga saranapane waine, nitannoanne lai ringannu maannudda.

¹⁶Ne nuddusse manara paaola'a wal᷊en apan nihol᷊agi Salomo. Anambon manara, nanattakka wuassu nantaingngu rapappake na'oman sara nanguddussu Wal᷊en MAWU, buatte nimanara ringannu mapia.

¹⁷Wua'udde i Salomo inaite watukku Ezion-Geber wuṛṛu watukku Elot, manga soa pabbal᷊angoanna su anne Tuwon Akaba su wanua Edom.

¹⁸I Ratu Hiram nandoho si Salomo manga apalla apan niapiddu manga taumatan Ratu Hiram sassane suadio'a ringannu lal᷊oṛṛon apalla apan piate asingkanne. I mangitou nassenggote watukku wanua Ofir suadio'a ringannu taumatan Salomo wuṛṛu wua poiaroddi nangapiddu 15.000 su kilone wul᷊awanna ana see niapidda ringanni Salomo.