Read Talaud EZRA 2 Bible Online

EZRA 2 - Talaud bible

EZRA 2

¹Manambo wuassu wallattu manga taumata niwuangnga nanantangngu leta'u Babel ana see nabbelengke watukku Yerusalem wuṛṛu Yehuda, sangkataou-sangkatou watukku soane sassane. I mangitou buatte nabbiakka sulal᷊ummu pamamuanganna su Babel ro'en i mangitou niṛṛootti Ratu Nebukadnezar.

²Manga piaṛṛa'i mangitou eteudde i Zerubabel, i Yesua, i Nehemia, i Seraya, i Reelaya, i Mordekhai, i Bilsan, i Mispar, i Bigwai, i Rehum wuṛṛu i Baana. Eteindi arannu wawosoannu amonannu Israel, ringannu anambon taumata wuassu al᷊awo'u wawosoanna apan nabbelengnga wuassu pamamuanganna:

³Wawosoannu amonanni Paros — — — 2.172 I Sefaca — — — 372 I Arah — — — 775 I Pahat-Moab (papulunnu Yesua wuṛṛu Yoab) — — — 2.812 I Elam — — — 1.254 I Zatu — — — 945 I Zakai — — — 760 I Bani — — — 642 I Bebai — — — 623 I Azgad — — — 1.222 I Adonikam — — — 666 I Bigwai — — — 2.056 I Adin — — — 454 I Ater (isassaggo lai Hizkia) — — — 98 I Bezai — — — 323 I Yora — — — 112 I Hasum — — — 223 I Gibar — — — 95

²¹Manga taumata apan al᷊amonane uatana'a su manga soa nanansunna lai nabbelengnga wuassu pamamuanganna: Soa Betlehem — — — 123 Netofa — — — 56 Anatot — — — 128 Asmawet — — — 42 Kiryat-Arim, Kefira wuṛṛu Beerot — — — 743 Rama wuṛṛu Gaba — — — 621 Mikhmas — — — 122 Betel wuṛṛu Ai — — — 223 Nebo — — — 52 Magbis — — — 156 Elam apan waine — — — 1.254 Harim — — — 320 Lod, Hadid wuṛṛu Ono — — — 725 Yerikho — — — 345 Senaa — — — 3.630

³⁶Eteindi arannu wawosoannu amonannu manga imam apan napul᷊e wuassu pamamuanganna: I Yedaya (papapulunni Yesua) — — — 973 I Imer — — — 1.052 I Pasyhur — — — 1.247 I Harim — — — 1.017

⁴⁰Wasosoannu ṛuanganni Lewi apan napul᷊e wuassu pamamuanganna eteudde: I Yesua wuṛṛu i Kadmiel (papapuluni Hodawya) — — — 74 Manga mangangantari su Wal᷊e(papapulunni Asaf) — — — 128 Mandariagga ngara su Wal᷊e(papapulunni Salum, i Ater, i Talmon, i Akub, i Hatita wuṛṛu i Sobai) — — — 139

⁴³Eteindi arannu wawosoannu amonannu manga mamamanara su Wal᷊en MAWU apan napul᷊e wuassu pamamuanganna: i Ziha, i Hasufa, i Tabaot, i Keros, i Siaha, i Padon, i Lebana, i Hagaba, i Akub, i Hagab, i Samlai, i Hanan, i Gidel, i Gahar, i Reaya, i Rezin, i Nekoda, i Gazam, i Uza, i Paseah, i Besai, i Asna, i Meunim, i Nefusim, i Bakbuk, i Hakufa, i Harhur, i Bazlut, i Mehida, i Harsa, i Barkos, i Sisera, i Temah, i Neziah wuṛṛu i Hatifa.

⁵⁵Wawosoannu amonannu manga mangangimben Salomo apan napul᷊e wuassu pamamuanganna: i Sotai, i Soferet, i Peruda, i Yaala, i Darkon, i Gidel, i Sefaca, i Hatil, i Pokheret-Hazebaim wuṛṛu i Ami.

⁵⁸Wawosoanna amonannu manga mamanara su Wal᷊en MAWU apan nabbelengnga wuassu pamamuanganna anambone 392 suatoune.

⁵⁹Manga taumata apan nanantangngu manga soa Tel-Melah, Tel-Harsa, Kerub, Adan wuṛṛu Imer, anambone 652 suatoune. I mangitou nasutta wawosoannu amonanni Delaya, Tobia wuṛṛu Nekoda, arawe i mangitou tawe pinangiananne mamasingkatta manungku i mangitou udde papapulunnu walahannu Israel.

⁶¹Manga pira wawosoannu amonannu imam tawe lai nasomba woṛṛetta su ola'u al᷊amonan mangitou, eteudde wawosoannu amonanni Habaya, Hakos, wuṛṛu Barzilai. (Al᷊amonan wawosoanni Barzilai naawingngu sangkatou wawine papapulunnu wawosianni Barzilai su Gilead, wuṛṛu wua'udde i tou nappaattu arannu amonannu la'iananne.) Ana waugu i mangitou tawe pinangiananne mamasingkattu isai al᷊amonan mangitou, ne i mangitou tawe itarimmatta maola'a imam.

⁶³Gubernuren wageangngu leta'u Yehuda naningaddi mangitou umanna anna apan niola'a sasamba su Ruata, na'oman sara pia sangkatou imam apan wotongnge maddorongnga tatantiro ringannu nappaattu Urim wuṛṛu Tumim.

⁶⁴Manga taumata niwuangnga apan napule watukku wanuane sarangkanambone 42.360 su atoune. Wal᷊ine wua'udde napul᷊e lai manga allangngi mangitou sarangkanambone 7.337 sutoune wuṛṛu mangangantari sarangkanambone 200 suatoune. I mangitou lai uaapiddu manga winatangngi mangitou, eteudde: Awal᷊o — — — 736 Bagal — — — 245 Unta — — — 435 Keledai — — — 6.720

⁶⁸Napawe manga taumata niwuangnga na'omate su Wal᷊en MAWU su Yerusalem, manga pira piaṛṛa'u wawosoannu nangonggollu sasamba walate apulun naungnga su ipabbangunna Wal᷊en MAWU.

⁶⁹I mangitou nangonggollu sumbanganna tumuṛṛuttu asombangngu sambau-sambau wuṛṛu napawe niaammulla eteudde 500 kg wul᷊awanna, 2.800 kg sal᷊a'a, wuṛṛu 100 juba hunan manga imam.

⁷⁰Manga imam, manga taumatan Lewi wuṛṛu sambageanganna wuassu tumanangnge namanua su Yerusalem wuṛṛu su manga soa maranine. Manga mangangantari, manga mandariagga ngaran Wal᷊en MAWU wuṛṛu manga mamanara su Wal᷊en MAWU see mang taumatan Israel lambene namanua su manga soa tampa tatanaannu al᷊amonan mangitou dorone.