Read Talaud AYUB 26 Bible Online

AYUB 26 - Talaud bible

AYUB 26

¹Arawe i Ayub nabbisara, “Apandewe eteapa i'o mangonggollu aontolla si ya'u taumata apan lome wuṛṛu tate ikkanne!

³Apiawe eteapa tatantiro wuṛṛu al᷊aṛṛangngu udde apan buatte nionggollu si ya'u, taumata apan longonna!

⁴Wisaranu udde iwabbisara sisai? Isai nangaṛṛa'a si'o mabbisara ereudde?”

⁵Sasimbakki Bildad, “Manga taumata su runian taumata nate mangngiladda; ua'e wuṛṛu lal᷊oṛṛone mangngal᷊iappakka.

⁶Su saruannu Ruata, runian taumata nate wawu'anna, tawe lal᷊aamme na'oman sara aasiloan-Ne.

⁷Ruata namilattu langitta, uaal᷊ungnga tahal᷊oangnga, wuṛṛu nangelen dunia su tampa tawe loṛṛone.

⁸I Tou nalloṛṛon ua'e apan manambo-nambo su winabbawa, arawe winabbawa udde tawe nahesa'a ana waugu awakkanne.

⁹I Tou namunin hatin bul᷊anna rumaria su samba'an binabbawa apan buatte niwilan-Ne.

¹⁰I Tou nangngambaru harissa mal᷊imbulunna uaal᷊ungnga tahal᷊oangnga tadea'u ipaṛṛaen asasemakka wuassu ararandumma.

¹¹Napawe i Tou mandona ringannu tingikka maddallu'a, manga diṛṛi uatumpilla langitta u'io'a.

¹²Tahal᷊oangnga uasuṛṛubbawa su taṛṛino-Ne wuṛṛu i Rahab nipuullu asingkan-Ne.

¹³Singangu-Ne namaresi langitta na'oman sara tumaniten matilangnga; lima-Ne namate atoanna apan maraniten maatal᷊angnga.

¹⁴Arawe sarangkanambone udde tumba'u ipattiala taṛṛino-Ne; tumba'u sasal᷊imburungnga apan niaringiṛṛannu tal᷊inga. Atul᷊ungngawe eteapa pasasunna si ite su ola'u Ruata wuṛṛu aroddi ahewalle taṛṛino-Ne!”