Read Talaud AYUB 36 Bible Online

AYUB 36 - Talaud bible

AYUB 36

¹Paddaringikko tal᷊angkadio'a lai, wuṛṛu paasabbarete, ta'e piaddu lai apan iwisara'u ringannu arannu Ruata.

³Asingka'u mal᷊alangnga; udde sarun ta'u ipaatta ipattiala manungku Manddariadi'u matul᷊idda.

⁴Wisara'u tawe awusune; taumata apan atonna-tonna pande udde su saruannu.

⁵Ruata udde matohassa! Sarangkanambone udde asingkatan-Ne. Tawe saran sangkatou apan aellehan-Ne addio'a.

⁶Taumata apan marosa tawe niwala-Ne mabbiakka mal᷊annu, I Tou mangngonggollu atatul᷊idda su taumata apan uatataṛṛangnga.

⁷Taumata apan matul᷊idda aellehan-Ne, i mangitou niolang-Nge uataṛṛino ere manga ratu, na'oman sara i mangitou aaddatanna saran mal᷊annu-l᷊annu.

⁸Arawe napawe taumata imantungngu ṛate atta'a, uatataṛṛangnga ana waugu inolaanne sassane,

⁹ne rosa wuṛṛu awawungan mangitou sarun isongkakku Ruata.

¹⁰I mangitou nirolok-Ke maddaringikka tatantiro-Ne wuṛṛu manantangngu al᷊al᷊eon mangitou.

¹¹Amungkangngu i mangitou tuttuṛṛutta Ruata wuṛṛu mattaṛṛamawu si Tou, i mangitou mabbiakka su paddarame wuṛṛu ala ma'oman sara panginsueannu pabbiaṛṛanne.

¹²Arawe amungkangngu i mangitou tawe maddaringikka, i mangitou sarun mate sulal᷊ummu awawoddo.

¹³Taumata apan tawe mawune uasahipunna asasa'u; salaiwe iṛṛuumannu MAWU, i mangitou maddiri maddorongnga sasumbala.

¹⁴I mangitou maten asasahadda sutempo ta'e dario'a, ana waugu pabbiaṛṛanne napenen asasusa.

¹⁵Ruata mangngaṛṛa'a taumata ringannu asasusa, I tou nappaattu asasusa tadea'u i tou maatutukka.

¹⁶I'o buatte nipallossu Ruata wuassu hal᷊ahe, na'oman sara i'o wotongnge maapendamma atatammudda, wuṛṛu meddan kannu napenen pabbawiakka.

¹⁷Arawe orassa indi ana waugu al᷊al᷊eonu, i'o manengkamma ṛuumannu.

¹⁸Paatehammawe, ariewe i'o aawusuannu roitta aonggolla; arie i'o awal᷊intongannu paa'ala.

¹⁹Mangke tawe gunane i'o sumal᷊ande maisumbala, tawe gunane anambon auatannu wuṛṛu atatohannu.

²⁰Arie i'o ṛumintulun ṛabbi wasa, tempone manga walahanna mate wuṛṛu mahangginna.

²¹Paatehammawe, arie mabbelengnga su al᷊al᷊eo. Asasusanu udde pandumanne tadea'u i'o manantangngu al᷊al᷊eo.

²²Pannaungke, Ruata lembon wahewalla taṛṛino-Ne. Piawe guru apandene ere i Tou?

²³Isai apan wotongnge manantunnu lal᷊an-Ne ara'e waṛṛani mangansilla si Tou na'ola'a pasasal᷊a?

²⁴I Tou sidutu raddal᷊oanna ana waugu manara-Ne wuṛṛu i'o lai ṛinone maddalo si Tou.

²⁵Anambon taumata maasilo inolaan-Ne; arawe tawe saran sangkatou apan atonna-tonna maasunna Ruata.

²⁶Ruata lembon mawantuga, i ite tawe masaṛṛasidda si Tou ara'e lai mandeengngu anambon tonna-Ne.

²⁷Ruata apan mangabutta ua'e wuassu runia mabbal᷊i winabbawa ana see mawal᷊u mabbal᷊i uranna.

²⁸I Tou nangansallu uranna wuassu winabbawa; niwokka-Ne su walahannu taumata.

²⁹Tawe saran sangkatou apan maasunna amamattu manga winabbawa see lai tingikku rallu'a su langitta su tampa Ruata utana'a.

³⁰I Tou mannemakka langitta ringannu sawallo, arawe wantan tahal᷊oangnga utatana'a marandu-randumma.

³¹Etearoddi olang-Nge i Tou mappadul᷊i manga walahanna wuṛṛu nangonggollu anna apan manambo-nambo.

³²I Tou mannametta inassa ringannu lima-Ne wuṛṛu nandolokka mangametta apan tattuddan-Ne.

³³Tingikka rallu'a mattiala manungku anginna wahewalla rumantate, winatangnga lai masingkatta manungku anginna wahewalla lai rumantate.