Read Talaud DARALO 10 Bible Online

DARALO 10 - Talaud bible

DARALO 10

¹Anio I'o marau, oh MAWU wuṛṛu na'imbuni sutempo i yami sulal᷊ummu asasusa?

²Ringannu mawunga taumata lal᷊eo mangngallanga taumata asiangnga; wala'ewe i mangitou mul᷊ussa su seddane sassane.

³Taumata lal᷊eo tuttal᷊umama apulun taumata lal᷊eo, taumata wal᷊iu mantal᷊a wuṛṛu mannol᷊a'u MAWU.

⁴Taumata marosa tawe maddaringikka MAWU, ana waugu awungane i tou maṛingidda manungku tawe Duata.

⁵Taumata lal᷊eo mahessi sulal᷊ummu inasaharanne; i tou tawe maailal᷊a ara'e maasunna titan MAWU wuṛṛu mangngadio'a anambon ro'amme.

⁶Wisarane sulal᷊ummu naungnga, “Apulu'u tawe apeleanna, wuṛṛu sara papapulunne ere taumata apan tawe mabbiakka su all᷊al᷊eo.”

⁷I tou sidutu mammontoga, mammansaga wuṛṛu mammahia, manga wisarane napenen ararantinna wuṛṛu al᷊al᷊eo.

⁸I tou na'imbuni su manga ampungnga inai mamate taumata apan tawe sal᷊ane. Naal᷊ihidda singa i tou uaṛaddo samba'an anggaṛṛumunanne ma'immata taumata lome. I tou mangngampanga taumata asiangnga su tampa apan mal᷊annaba, tinamboanne wuṛṛu niwangkanne napul᷊e.

¹⁰I tou niumal᷊udunga, inaite tumambo; i tou mangngema'u taumata ringannu araṛṛagissa.

¹¹Su ṛingidde, “Ruata naabul᷊ite wuṛṛu tate mappandumma; sarangkal᷊oengnge i Tou tawe ma'ellega si ya'u!”

¹²Pabuatte, MAWU, ṛuumana'e taumata lal᷊eo! Naungete taumata apan niallangnga!

¹³Anio taumata lal᷊eo sidutu mangngadio'a Ruata wuṛṛu maṛṛingidda Ruata tate makkuumanni tou?

¹⁴Arawe I'o naasilo si tou; I'o ua'ellega asasusa wuṛṛu asasansara, wuṛṛu sidutu uasaddia mantul᷊ungnga. Taumata apan lome nanantillu watanganne su MAWU, I'o sidutu mantul᷊ungngu taumata asiangnga.

¹⁵Paddite taṛṛinon taumata lal᷊eo wuṛṛu mal᷊awangnga; ṛuumana'e i mangitou ana waugu inolaanne ma'oman sara i mangitou mawal᷊u.

¹⁶MAWU uaparenta saran mal᷊annu-l᷊annu; manga walahanna apan tawe maaillal᷊a si Tou sarun mawul᷊i wuassu letang-Nge.

¹⁷MAWU, I'o maddaringikka aal᷊iomannu taumata lal᷊ebbone, wuṛṛu mannohassa naungngi mangitou.

¹⁸Ana'a asisi wuṛṛu taumata mallangnga I'o nanamba'a hattone, tadea'u tawe taumata apan maata'utta si mangitou.