Read Talaud DARALO 111 Bible Online

DARALO 111 - Talaud bible

DARALO 111

¹Paddalote MAWU! Ringannu ahewallu naungnga i ya'u maadiangkamanna su MAWU su pattangngannu ammul᷊annu al᷊aṛṛanang-Nge.

²Mangke maatiangnga manga inolaannu MAWU, ṛinone saṛṛasirannu manga taumata apan maapulune.

³Manaran MAWU mawantuga wuṛṛu raddaloanna, atatul᷊iddu MAWU tawe pangudusanne.

⁴MAWU udde marangngu wuṛṛu maakkanna, i Tou ma'ola'a manga inolaanna apan maatiangnga, tadea'u i ite sidutu uanaung-Nga.

⁵I Tou nangonggolu pabbawiakka su taumata ma'imanna, wuṛṛu sidutu uananungnga paaire-Ne.

⁶I Tou buatte napal᷊iatta'u taṛṛino-Ne su al᷊aṛṛanang-Nge, ringannu nangonggolla si mangitou leta'a pussa'an manga walahanna.

⁷MAWU matul᷊idda wuṛṛu mapia sulal᷊ummu al᷊awo'u manara-Ne, al᷊awo'u parenta-Ne wotongnge ipangasakka.

⁸Tita-Ne tawe mawal᷊u su al᷊o'engngu allo, nionggola sulal᷊ummu taṛṛino wuṛṛu atatul᷊idda.

⁹I Tou namallossu al᷊aṛṛanang-Nge, wuṛṛu nakkiinnu paaire apan tawe pangudusanne si mangitou. Ete i Tou MAWU apan na'ukkassa wuṛṛu matohassa!

¹⁰Isai-sai apan maapulu maola'a pande ṛinone mangaddata MAWU. I Tou mangonggolu asingkatta su anambon taumata apan matuṛṛutta. Daralo su MAWU su al᷊o'engngu tempo!