Read Talaud DARALO 120 Bible Online

DARALO 120 - Talaud bible

DARALO 120

¹Aantarin patatembo. Sulal᷊ummu asasusa'u i ya'u ma'ial᷊are su MAWU, ne i Tou sinumimbakka si ya'u.

²Oh MAWU, sal᷊amatewe i ya'u wuassu taṛṛa awusu wuṛṛu taṛṛa l᷊inga.

³Ei taṛṛa l᷊inga, apate sarun olaannu Ruata su saruannu? Ringannu apa i Tou sarun makkuumannu?

⁴Ringannu anaanna maṛṛoro pussa'an sangkatou awaṛanianne, ringannu waṛṛa apan lukkenggamma!

⁵Nasilakate i ya'u ana waugu sidutu mabbiakka ringannu; tawe paṛalane ere uatana'a su Mesekh, ara'e suwallatu taumatan Kedar.

⁶Mal᷊annute i ya'u uatana'a suadio'a ringannu manga taumata apan maddirin paddarame.

⁷Napawe i ya'u mabbisara su ola'u paddarame, i mangitou manggol᷊agu pangalo.