Read Talaud DARALO 136 Bible Online

DARALO 136 - Talaud bible

DARALO 136

¹Paadiangkamante su MAWU, ana waugu i Tou mapia; darangngu-Ne tawe panguddusanne.

²Paadiangkamante su Ruata Apan Atanggaṛṛanne; darangngu-Ne tawe panguddusanne.

³Paadiangkamante su MAWU Apan Ahewal᷊anne; darangngu-Ne tawe panguddusanne.

⁴Tumba'u i Tou apan ma'ola'a manga al᷊aṛṛindu'a apan wahewalla; darangngu-Ne tawe panguddusanne.

⁵Ringannu apande-Ne i Tou na'ola'a langitta; darangngu-Ne tawe panguddusanne.

⁶I Tou namilattu runia su wowon kua'e; darangngu-Ne tawe panguddusanne.

⁷I Tou nallanginnu manga saranapa sasemakka su langitta; darangngu-Ne tawe panguddusanne;

⁸matannallo uapiaṛṛa'u allo; darangngu-Ne tawe panguddusanne;

⁹wul᷊anna wuṛṛu anumpitanna uapiaṛṛa'u ṛabbi; darangngu-Ne tawe panguddusanne.

¹⁰I Tou namate manga pahul᷊u su Mesir; darangngu-Ne tawe panguddusanne.

¹¹Israel niehen-Ne sinumabbanga wuassu Mesir; darangngu-Ne tawe panguddusanne;

¹²ringannu ta'iakka ma'uatta wuṛṛu matohassa; darangngu-Ne tawe panguddusanne.

¹³Tahal᷊oangngu Gelagah niwa'a-Ne; darangngu-Ne tawe panguddusanne;

¹⁴Israel al᷊aṛṛanang-Nge nilliu-Ne su samba'a; darangngu-Ne tawe panguddusanne.

¹⁵Arawe tumana'u Mesir wuṛṛu tantarane nilammisu MAWU; darangngu-Ne tawe panguddusanne.

¹⁶Nipiaṛṛang-Nge al᷊aṛṛanang-Nge niumamatta su wadda'a; darangngu-Ne tawe panguddusanne.

¹⁷Niwaddo-Ne manga ratu matatohassa; darangngu-Ne tawe panguddusanne;

¹⁸nipate-Ne manga ratu apan tinumelengnga; darangngu-Ne tawe panguddusanne.

¹⁹Sihon, ratun Amori; darangngu-Ne tawe panguddusanne;

²⁰wuṛṛu i Og, ratun Basan; darangngu-Ne tawe panguddusanne.

²¹Wanuan mangitou tinantillu MAWU su al᷊aṛṛanang-Nge; darangngu-Ne tawe panguddusanne;

²²maola'a pussa'an Israel allang-Nge; darangngu-Ne tawepanguddusanne.

²³I Tou tawe maabul᷊in kite sutempo i ite niawaddo; darangngu-Ne tawe panguddusanne.

²⁴I Tou namallossi ite wuassu liman seetta; darangngu-Ne tawe panguddusanne.

²⁵Suapawe riadianna wiakka nionggol᷊oan-Ne anna; darangngu-Ne tawe panguddusanne.

²⁶Paadiangkamante su Ruata apan uataṛṛino langitta; darangngu-Ne tawe panguddusanne.