Read Talaud DARALO 142 Bible Online

DARALO 142 - Talaud bible

DARALO 142

¹Aantari al᷊aṛṛa'i Daud, sutempo i tou uatana'a sulal᷊ummu loṛṛangnga.

²Ringannu ma'ikkatta i ya'u sussal᷊ande su MAWU; ringannu tingikka matottoga i ya'u sumal᷊ande sasumbala-Ne.

³Su saruan-Ne i ya'u ma'ial᷊are; ta'u niapasingkatta asasusa'u si Tou.

⁴Sutempo i ya'u asueanten antimma, I'o masigkattu apa apan ṛinone ta'u olaanna. Su lal᷊anna apan ta'u amatanna, seetta mal᷊anna-l᷊annaba nantaingngu sedda si ya'u.

⁵Sutempo i ya'u nanaile sandiṛṛanna, i ya'u naasilo tawe sasumbala si ya'u. Taweddu mallu'adda si ya'u, ara'e piaddu ma'ellega si ya'u.

⁶I ya'u sussal᷊ande Si'o, oh MAWU, ete I'o tampa pattillummangku, tumba'u I'o apan pappandumangku sulal᷊ummu pabbiaṛṛanna indi.

⁷Daringiṛṛewe sasal᷊ande'u, ana waugu i ya'u tumaniten nasansara. Sal᷊amatewe i ya'u wuassu manga see'u, ana waugu i mangitou tumaniten matohassa si ya'u.

⁸Pallosaawe i ya'u wuassu tattupanna, ne su pattangngannu ammul᷊annu al᷊aṛṛanang-Ngu i ya'u sarun maddalo aran-Nu, ana waugu I'o buatte na'ola'a apapia si ya'u.