Read Talaud DARALO 148 Bible Online

DARALO 148 - Talaud bible

DARALO 148

¹Paddalote MAWU! Paddalote MAWU, ei lal᷊oṛṛon surga! Sarangkanambone apan uatana'a sutampa atanggaṛṛane, paddalote si Tou!

²Paddalote si Tou, ei anambon mala'ekan-Ne, paddalote si Tou, ei anambon tantaran surga!

³Paddalote si Tou, ei matannalo wuṛṛu wul᷊anna, paddalote si Tou, ei manga anumpitanna apan lullansianga!

⁴Paddalote si Tou, ei langitta apan atanggaṛṛanne, paddalote si Tou, ei ua'e su wowon langitta!

⁵Mappianne i mangitou sarangkamabone maddalo arannu MAWU, ana waugu sarangkanambone niola'a wuassu parenta-Ne.

⁶I Tou nanantunna tampane sambau-sambau, parenta-Ne ipappaatta saran mal᷊annu-l᷊annu.

⁷Paddalote MAWU, ei lal᷊oṛṛon dunia, ei manga nagan tahal᷊oangnga wuṛṛu ahewallu laudda mal᷊alangnga;

⁸ei sawallo wuṛṛu uranna eisse, salju wuṛṛu winabbawa, anginna ma'ikkatta apan tuttuṛṛutta parentan MAWU!

⁹Paddalote si Tou, ei manga wuidda wuṛṛu manga wowone, punnu aluanna mabbua wuṛṛu anambon mahurangnge;

¹⁰anambon winatanga papadul᷊iananna wuṛṛu winatanga matengnga, anambon winatanga tuttundon tianne wuṛṛu manga manu'u winalanganna!

¹¹Paddalote si Tou, ei manga ratu wuṛṛu al᷊awo'u walahanna, manga papunna wuṛṛu anambon tembonanne;

¹²anambon umbasanna wuṛṛu maṛṛuala, timmadde ara'e dario'a.

¹³Mappianne i mangitou sarangkanambone maddalo MAWU, ana waugu aran-Ne mabbantuhanna wuassu al᷊awo'u aranna; awawantu-Ge uasampal᷊iu langitta wuṛṛu runia.

¹⁴I Tou buatte nanohassa walahan-Ne, na'oman sara i Tou raddaloannu al᷊aṛṛanang-Nge, Israel umatta arangnguan-Ne. Paddalote MAWU!