Read Talaud DARALO 3 Bible Online

DARALO 3 - Talaud bible

DARALO 3

¹Daralon Daud, sutempo i tou tinumal᷊angi Absalom, anangnge.

²Oh MAWU, tumaniten manambo see'u, tumaniten manambo mammangalo si ya'u!

³Manambo lai mabbisara manungku Ruata tate mantul᷊ungku.

⁴Arawe I'o, oh MAWU, naola'a allunga apan ual᷊indumma si ya'u. I'o nangonggolu auntunganna si ya'u, wuṛṛu nalluassa naungku.

⁵I ya'u ma'ialal᷊are su MAWU; wuassu wuid-De apan Susi i Tou sinumimbakka si ya'u.

⁶I ya'u ual᷊allowanga wuṛṛu mattiilla ringannu matammuda, wuṛṛu napu'ote lai, ana waugu MAWU uaehetta si ya'u.

⁷I ya'u tawe mata'uttu ro'appa ringannu ṛiwune apan ual᷊iwunna si ya'u wuassu al᷊awo'u pi'une.

⁸Sal᷊amatewe i ya'u, oh MAWU Ruata'u, ṛuumana'a wuṛṛu pal᷊omea'a anambon see'u.

⁹Tumba'u wuas-Si'o rumanta aontolla, oh MAWU, antimanna mangal᷊amatta al᷊aṛṛanang-Ngu.