Read Talaud DARALO 30 Bible Online

DARALO 30 - Talaud bible

DARALO 30

¹Daralon Daud. Aantari ipassa'e Wal᷊en Duata.

²I ya'u maddalo Si'o, oh MAWU, ana waugu I'o buatte nanal᷊amatta si ya'u wuṛṛu tawe namalan see'u mannampissi'u.

³MAWU Ruata'u, i ya'u sumal᷊ande Si'o ma'iontolla, wuṛṛu I'o nangapia si ya'u.

⁴I'o nalliu'u wuassu runian papate, wuṛṛu namiakka si ya'u wuassu wallatu manga taumata nate.

⁵Pangantariten daralo su MAWU, ei walahan-Ne apan matuṛṛutta, wuṛṛu aal᷊iomante su Apan Lembonsusi.

⁶Ana waugu tumba'u tal᷊angkadio'a MAWU masa'u, apapia-Ne uata'a su al᷊o'engngu pabbiaṛṛanna. Sutempo ṛabbi i ya'u lulluai, arawe matannallo nangapiddu al᷊al᷊uassa.

⁷Sutempo naapendama langnganna, i ya'u nabbisara, “I ya'u sarun tawe iawaddo!”

⁸Ana waugu naung-Ngu mapia si ya'u, oh MAWU, I'o na'ola'a si ya'u naal᷊ihidda wowone apan matohassa. Arawe wua'udde I'o na'imbuni wuassi ya'u, ne i ya'u nabbal᷊i nata'utta.

⁹Ete Si'o, oh MAWU, i ya'u ma'ial᷊are, ete su MAWU i ya'u sussal᷊ande,

¹⁰“Apa hunane Si'o amungkangu i ya'u nate wuṛṛu lumintukka su loṛangngu labbinga? Wotongngewe taumata nate maddalo Si'o wuṛṛu mabbatti'u apapia-Nu?

¹¹Daringiṛṛewe, oh MAWU, wuṛṛu akkanaawe i ya'u. MAWU ontol᷊ewe i ya'u!”

¹²Lal᷊uai'u buatte niwal᷊u-Nu nabbal᷊i sal᷊aingu al᷊al᷊uassa, I'o nangal᷊appa asasusa'u wuṛṛu I'o nanuungngu al᷊al᷊uassa si ya'u.

¹³Ne i ya'u maddirite uatatana'a mal᷊annaba; i ya'u mangngantarin daralo Si'o, oh MAWU Ruata'u, wuṛṛu maadiangkamanna Si'o saran mal᷊annu-l᷊annu!