Read Talaud DARALO 39 Bible Online

DARALO 39 - Talaud bible

DARALO 39

¹Su piaṛa'u mangangantari. Daralon Daud. Tuddane si Yedutun.

²Ṛingi'u, “I ya'u maapulu mallu'adda waddangnga tadea'u tawe marosa ringannu lila'u. I ya'u maddiri mabbisara tantal᷊anna taumata lal᷊eo ta'e marani.”

³I ya'u mal᷊anna-l᷊annaba, na'oman sara naawaddo watangangku sassane. Wuṛṛu asasusa'u aapendamanna tumaniten mawakkata;

⁴i ya'u niattongu asasinggawanga apan wahewalla. Lembon iraṛṛingidda, lembon massusa naungku; panginsueanne i ya'u nabbisarate,

⁵“MAWU, pasingkata'e tingngera papate'u tadea'u i ya'u masingkatta aroddi aaunne auuṛṛangku.”

⁶Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

⁷wiakke sinumabbi naal᷊ihidda lintau. Anambon manarane tawe gunane; i tou mangngombon darotongnga, arawe wagga isai sarun mangonggolu anna si tou.

⁸Orassa indi apan laṛṛaddoannu, oh MAWU? Ete Si'o i ya'u uaantimma.

⁹Pallosaawe i ya'u wuassu anambon rosa'u, arie pabbala'a i ya'u mabbal᷊i aal᷊uandahannu taumata longonna.

¹⁰I ya'u mal᷊annaba tawe namu'a moṛṛongku, ana waugu ete I'o apan mamuulla si ya'u.

¹¹Al᷊appe ṛuuman-Nu wuassia'u, ana waugu i ya'u maraniten mate ana waugu papuullu MAWU.

¹²Taumata ana waugu pasasal᷊ane; niṛṛuuman-Nu wuṛṛu pappuul᷊an-Nu naal᷊ihidda wiangnga niṛṛimunsa-Ngu apa apan maarega si tou. Atonna, taumata naal᷊ihidda sasabbangu singangu.

¹³Daringiṛṛewe aal᷊iomangku oh MAWU, ellehewe darorongku; arie tumba'u mal᷊annaba napawe i ya'u lumuai. Ere iupungngu al᷊amona'u sarangkanambone, tumba'u tal᷊angkadio'a i ya'u uaintal᷊a ringan-Nu.

¹⁴Ariewe mallimbatta si ya'u, tadea'u i ya'u mal᷊uassa addio'a, tantal᷊anna i ya'u taambe inai, wuṛṛu tate baddi'a lai.