Read Talaud DARALO 4 Bible Online

DARALO 4 - Talaud bible

DARALO 4

¹Su piaṛṛa'u mangangantari. Ringannu nanalanga kecapi. Daralon Daud.

²Oh Ruata, ete I'o apan uasamba'a si ya'u; simbakke amungkangu i ya'u sumal᷊ande. Sutempo i ya'u susa, I'o mantul᷊ungku; orassa indi tal᷊antupaawe i ya'u wuṛṛu daringiṛṛewe aal᷊iomangku.

³Ei manga taumata, ta'e pira allo lai al᷊annune i yamiu mallobbosa Ruata'u? ma'oman sara tingera i yamiu mandangngu apa tawe gunane wuṛṛu mangenggenna apa apan nassal᷊a?

⁴Ṛinone i yamiu masingkatta, MAWU buatte namile hunan batangan-Ne sangkatou apan arangnguan-Ne. MAWU naddaringikka napawe i ya'u sumal᷊ande si Tou.

⁵Mangiladden atata'utta wuṛṛu ariete ma'ola'a rosa apia. Ṛingira'e ringannu mal᷊annaba sutempo i'o ual᷊allowanga

⁶Onggola'e sasamba su ṛinone wuṛṛu pangimante MAWU.

⁷Manambo taumata ma'iwal᷊o, “Isai apan sarun mangal᷊amatta si ite?” Antimanna I'o umakkanni yami, oh MAWU.

⁸I'o na'ola'a naungku lembon lulluassa wuassu taumata apan manambo pangitinganne.

⁹Ne i ya'u nilumallowanga wuṛṛu natiila ringannu matammudda, ana waugu tumba'u I'o MAWU, na'ola'a wia'u mal᷊angngana!