Read Talaud DARALO 46 Bible Online

DARALO 46 - Talaud bible

DARALO 46

¹Daralon ṛuanganni Korah. Su piaṛa'u mangangantari. Ringannu ronsin Alamot.

²Ruata udde pattillumangku wuṛṛu atatohassi ite; I tou sidutu uasadia wuṛṛu maatul᷊ungnga sulal᷊ummu asasusa.

³Ne i ite tawe mata'utta, salaiwe runia umio'a, wuṛṛu manga wowone mawontolla su ṛanassu tahal᷊oangnga;

⁴salaiwe tahal᷊oangnga mallua bal᷊u wuṛṛu mattandi'a, wuṛṛu manga wuidda umio'a ana waugu pappuul᷊anne.

⁵Pia aeheṛṛannu sal᷊ukka apan maal᷊uassa soan Duata, tampa tatanaannu Ruata Apan Lembon Atanggaṛṛane.

⁶Ruata uatana'a poiaroddi, ne soa udde tawe mahohakka; I Tou sarun mantul᷊ungnga sutempo marua allo.

⁷Ruata nirumallu'a, ne runia naṛimunsa'a; manga walahanna nata'utta, manga araratuanna nanawo.

⁸MAWU Apan Lembontaṛṛino ual᷊u'adda si ite, Ruatan Yakub uapadul᷊i si ite.

⁹Wette, pa'ellege apa apan nimanaran MAWU; aroddi maatiangnga manara-Ne su runia!

¹⁰I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.

¹¹Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

¹²MAWU Apan Lembontaṛṛino uatantalonga si ite, Ruatan Yakub ual᷊u'adda si ite.