Read Talaud DARALO 53 Bible Online

DARALO 53 - Talaud bible

DARALO 53

¹Su piaṛṛa'u mangangantari. Tumuṛṛuttu aantari: Mahalat. Aantari al᷊aṛa'i Daud.

²Taumata longonna mabbisara sulal᷊ummu naungnge, “Tawe Duata.” Inolaanni mangitou lal᷊eo wuṛṛu maarantinna; taweddu ma'ola'a apapia.

³Wuassu surga MAWU nangintanno umattu taumata, maddea'a taumata pande wuṛṛu massubba si Tou.

⁴Arawe anambon taumata buatte sinumewadda wuṛṛu nal᷊al᷊eote tawe saran sangkatou apan na'ola'a apapia.

⁵Wisaran MAWU, “Manga taumata lal᷊eo udde tawe matimpu'o lai? I mangitou mabbiakka ringannu mangngaṛṛo su al᷊aṛṛana-U, wuṛṛu tawe saran paassa umal᷊iomanna si Ya'u.”

⁶Taumata lal᷊eo sarun lembon maatta'utta, sumbal᷊i taweddu mata'utta si mangitou, ana waugu Ruata nanal᷊iawukku duṛṛin taumata apan namangalo si yamiu; i mangitou nita'en Duata, ne i yamiu sarun mamaddon mangitou.

⁷Wuassu Wuiddu Sion antimanna rumanta asasal᷊amatta su Israel. Ne papapulunni Yakub sarun lumala'a napawe MAWU mamelengngu wiakku al᷊aṛṛanang-Nge.