Read Talaud DARALO 56 Bible Online

DARALO 56 - Talaud bible

DARALO 56

¹Su piaṛṛa'u mangangantari. Tumuṛṛuttu aantari; Merpati apan nimoune, wuassu leta'a marau. Daralon Daud sutempo taumatan Filistin nanametta si tou su Gat.

²Akkanaawe i ya'u, oh Ruata, ana waugu i ya'u pappangaloanna, i ya'u sidutu aallangannu manga see'u.

³Su al᷊o'engngu allo i ya'u laṛindannu see'u; tumaniten manambo apan maisasee'u, oh Ruata Apan Atanggaṛṛanne.

⁴Sutempo i ya'u matta'utta, i ya'u uaantimma Si'o.

⁵I ya'u maddalo Ruata ana waugu apa apan nipa'ire-Ne; i ya'u mangngimanna si Tou, ne i ya'u tawe mata'utta, taumata tawe ikkanne su saruangku.

⁶Mamiallo see'u mangngal᷊iba'ukku hatto'u, i mangitou sidutu maddea'a manilaka si ya'u.

⁷I mangitou naammulla su tampa awagananna, ma'immata al᷊awo'u manara'u, wuṛṛu maddea'a tempone ipamate si ya'u.

⁸Piawe asasal᷊amatta su al᷊al᷊eon mangitou? Patete i mangitou sulal᷊ummu asasa'u-Nu, oh Ruata!

⁹I'o mandeengngu manga allo i ya'u mammal᷊intadda, wuṛṛu masingkattu anambon allon mata'u; Apa I'o tawe mandeengnga?

¹⁰Su allo i ya'u sussal᷊ande Si'o, seetta sarun limbuaṛṛanna, ana waugu i ya'u masingkatta Ruata uasamba'a si ya'u.

¹¹I ya'u maddalo MAWU Ruata, ana waugu apa apan buatte nipa'ire-Ne.

¹²I ya'u mangngimanna si Tou, ne i ya'u tawe mata'utta, taumata tawe maal᷊ore su saruangku.

¹³I ya'u sarun manipussa paaire'u Si'o, oh Ruata, wuṛṛu mangonggolu sasamba adiangkamanna Si'o.

¹⁴Ana waugu I'o nalliu'u wuassu papate, I'o nallu'adda si ya'u tadea'u tawe manawo. Ne i ya'u wotongnge mabbiakka sulal᷊ummu lal᷊u'addu Ruata, sulal᷊ummu asasemakka apan mannualaga sarangakanambone apan wiakka.