Read Talaud DARALO 6 Bible Online

DARALO 6 - Talaud bible

DARALO 6

¹Su piaṛṛa'u mangangantari. Ringannu nanalangnge kecapi. Tumuṛṛuttu aantari aual᷊une. Daralon Daud.

²MAWU, ariewe manggesekka si ya'u ringannu asasa'u-Nu, ariewe makkuumangku sulal᷊ummu wawuṛṛeang-Ngu.

³Akkanaawe i ya'u oh MAWU, ana waugu i ya'u niasueanten ikkata, tohassawe i ya'u ana waugu i ya'u nallomete.

⁴Naungku tumaniten nial᷊iwune; maddatingu tingngera I'o manantangku, oh MAWU?

⁵Pabbelengke, MAWU, wuṛṛu liuaawe i ya'u, sal᷊amatewe i ya'u ana waugu darangngu-Nu.

⁶Ana waugu su runian papate I'o tate naunganna lai; taweddu maddalo Si'o su runian taumata nate.

⁷I ya'u mangke nallome ana waugu sussal᷊iomanna; allo ṛabbi allon mata'u mangngelekka maṛṛolo tattereangku.

⁸Mata'u mal᷊abukka ana waugu massusa, wuṛṛu massusa ana waugu see'u.

⁹Passal᷊iute, ei manga taumata lal᷊eo, ana waugu MAWU buatte naddaringikka lal᷊uai'u.

¹⁰MAWU naddaringikka darorongku wuṛṛu nanengkamma aal᷊iomangku.

¹¹Anambon see'u sarun ṛumindu'a wuṛṛu masili ringannu mal᷊ihakka sumoṛṛotta ringannu apendamma massili.