Read Talaud DARALO 61 Bible Online

DARALO 61 - Talaud bible

DARALO 61

¹Su piaṛṛa'u mangangantari. Ringannu nanalangnge kecapi. Wuassi Daud.

²Daringiṛṛewe sasal᷊ande'u, oh Ruata, naungewe aal᷊iomangku.

³Marau wuassu wal᷊en i ya'u sussal᷊ande Si'o, ana waugu i ya'u tate antimma. I'o sarun mangehetta si ya'u watukku tampa tatal᷊anganna apan mal᷊angnganna, tampa apan tumaniten matanggakka si ya'u;

⁴ana waugu ete I'o mallal᷊ua'u, pattillumanna apan matohassa su saruannu see'u.

⁵Wala'ewe i ya'u su al᷊o'engngu pabbiaṛṛangku uaintal᷊a su rasan-Nu, tadea'u mal᷊angnganna sulal᷊ummu al᷊ungngu papaiddu MAWU.

⁶Ana waugu I'o buatte naddaringikka riandi'u, oh Ruata, wuṛṛu nangonggola si ya'u pussa'an taumata ma'imanna.

⁷Antimanna ratu mal᷊o'engnga uukke, tadea'u i tou mabbiakka sara maṛawa mappulunna.

⁸Antimanna i tou mamarenta saran mal᷊annu-l᷊annu naola'a ratu nipile-Nu, oh Ruata, lu'arewe i tou ringannu darangngu wuṛṛu apapia-Nu.

⁹Ne i ya'u sidutu sarun mangngantarin daralo Si'o, lapiddu manipussa paaire'u wuassu allo maddatingu allo.