Read Talaud DARALO 80 Bible Online

DARALO 80 - Talaud bible

DARALO 80

¹Su piaṛṛa'u mangangantari. Tumuṛṛuttu antari: Wunga hal᷊ohomma. Daralon tatialan Asaf.

²Oh Mallal᷊u'addu Israel, daringiṛṛewe, I'o apan uapiaṛṛa'u papapulunni Yusuf ere sambau ammul᷊anna. I'o apan ua'ianna su wowon mala'ekatta, rantate ringannu lullansiangnga

³su saruannu Efraim, Benyamin wuṛṛu Manasye. Pal᷊iatta'e taṛṛino-Nu si yami, wuṛṛu rantate panal᷊amatta si yami.

⁴Oh Ruata, uwusewe i yami; ellehewe i yami ringannu naungnga mal᷊uassa, ne i yami sarun masal᷊amata.

⁵Oh MAWU Ruata Apan Lembontaṛṛino, maddatingu tingngera asasa'u-Nu umul᷊e, salaiwe al᷊aṛanang-Ngu umal᷊iomanna?

⁶I'o napal᷊uain kami su ala'uanna, allon mata lakkubasanna maola'a ua'e inumanna.

⁷Niwala-Nu manga walahanna su al᷊indonganna uasaseettu leta'i yami manga seetti yami lullaggen al᷊al᷊uassa.

⁸Oh Ruata Apan Lembontaṛṛino, uwusewe i yami; ellehe i yami ringannu naungnga mal᷊uassa, tadea'u i yami masal᷊amatta.

⁹Uman-Nu naahil᷊idda punnu anggore apan niingkan-Nu wuassu Mesir. Manga walahanna waine nilimbuaṛṛan-Nu, ana see alu udde nisuan-Nu su wanuan mangitou.

¹⁰I'o nangonggolu leta'a si tou; ne i tou nakkamutta malal᷊u-lal᷊umma wuṛṛu uapannata su ahewallu wanua.

¹¹I Tou uasirungnga manga wuidda, wuṛṛu ringannu manga rannane uaal᷊ungnga manga alu aras masallakka.

¹²Rannane uatondo naddatingngu Tahal᷊oangnga Tangngane, manga lal᷊uwone naddatingngu Sal᷊ukku Efrat.

¹³Oh Ruata, anio niṛṛa'a-Nu tatandange, na'oman sara suapan taumata sumabbi wotongnge maati'o wuane?

¹⁴Bawi ahuranganna sinumappa na'oman sara nasue, wuṛṛu winatanga su wadda'a niumanna.

¹⁵Oh Ruata Apan Lembontaṛṛino, rantate apia, pangintannote wuassu surga wuṛṛu pa'ellege al᷊aṛṛanang-Ngu.

¹⁶Sal᷊amatewe al᷊aṛṛana'a apan naal᷊ihidda punnu anggore buatte nisuan-Nu sassane, wuṛṛu sollan anggore apan niolang-Ngu matohassa.

¹⁷Seetta buatte nanuwangnga wuṛṛu nanutungnga; wal᷊a'e i mangitou pateannu asasa'u-Nu.

¹⁸Lu'arewe taumata apan buatte nipile-Nu, ana'u taumata apan buatte nitohan-Nu hunane Si'o.

¹⁹Ne i yami tate lai sumewadda wuassu lal᷊an-Nu; riagaite wiakki yami, ne i yami sarun maddalo Si'o.

²⁰Oh MAWU Ruata Apan Lembontaṛṛino, uwusewe i yami, ellehete i yami ringannu naungnga mal᷊uassa, tadea'u i yami masal᷊amatta.